بسم الله الرحمن الرحيم

Матбуот баёноти

19 нафар гўдак ғайриинсоний тузумнинг навбатдаги қурбонларига айланди

Юртимизда ҳозирга қадар 19 нафар гўдакнинг бошини еган Ҳиндистонда ишлаб чиқарилган “Док-1 Макс” йўталга қарши сиропи билан боғлиқ можаро кун тартибига чиқди. Бу иш ҳатто чет элдаги йирик ОАВда ҳам ёритиляпти. Аслини олганда, бунинг ажабланарли ери йўқ. Зеро, соғлиқни сақлаш ва фармацевтика соҳаси аллақачон йирик даромадли бизнесга айланиб улгурган. Мана энди бунинг бадалини норасида гўдаклар тўламоқда. Гарчи ҳукумат айбдор сифатида соҳадаги бир неча мансабдорларни ишдан олган бўлса-да, биз бунинг бош сабабчиси нафақат абгор аҳволдаги соғлиқни сақлаш тизими, балки бу соҳани шундай аҳволга олиб келган капиталистик тузум деб биламиз. Айнан бугун устимизда татбиқ қилинаётган мана шу тузум тиббиёт соҳасини ҳам одамларнинг саломатлиги билан ўйнашиб даромад қилинадиган бизнесга айлантирди. Бу соҳанинг коррупция ва порахўрликка ботгани, шифокорлар ва дори-дармон савдоси билан шуғулланувчилар ўртасидаги ўзаро тилбириктирувларга йўл қўйиб бериш, мамлакатга кириб келаётган дориларни назорат қилинмаслиги, давлат ўзининг асосий вазифаларидан бири бўлган ўз фуқаролари саломатлигини асраб-авайлашга умуман эътибор бермаётгани… буларнинг бош сабабчиси мана шу тузумдир. Чунки бундай тузум татбиқи натижасида ҳар қандай бошқа қийматлар четга сурилиб, биргина моддий қийматни қўлга киритиш асосий мақсадга айланади. Тиббиёт соҳаси эса давлатга даромад келтирмайдиган, аксинча фақат йирик харажатлар талаб қиладиган соҳадир. Шунинг учун демократия даъвосидаги давлатларда бу соҳа хусусий қўлларга топширилади, давлат ўз масъулиятини бажаришдан бўйин товлайди. Натижада одамлар саломатлиги бир ҳовуч йирик фармацевтик компаниялар ва хусусий клиникаларнинг “марҳамати”га боғлиқ бўлиб қолади.

Норасида гўдакларнинг ўлими, тиббиёт соҳасида уюлиб ётган улкан муаммолар бадалини ёш болалар ўзларининг мурғак жонлари билан тўлаётганликлари юртимиз аҳлини ларзага солиб, уларнинг ғазабини қўзғади. Бутун мамлакат бўйлаб журналистлар, мутахассислар ва фаоллар бунга ортиқ тоқат қилиб бўлмаслигини, соҳада улкан ислоҳотлар қилиниши кераклигини гапирмоқдалар. Ваҳоланки, биргина бу ҳолатга эмас, балки яқинда юртимиздаги 3 та йирик онкология шифохоналари сотувга қўйиб юборилганига, фуқаролар жиддийроқ касалликка чалинганларида даволанишга маблағи йўқлиги сабабли халқдан ёрдам сўраб мурожаат қилишларига ҳамда давлатнинг ўз зиммасидаги вазифаларга ўта беэътиборлигига ҳам ортиқ тоқат қилиб бўлмайди. Бироқ зиёли қатлам ҳақиқий ўзгариш фақат бир соҳанигина эмас, балки татбиқ қилинаётган тузумни ўзгартириш билан амалга ошишини тушуниб етмоғи зарур. Улар капиталистик тузум, унинг бадбўй демократиясини татбиқ қилиш халқ бошига шундай кулфатларни келтиришини тушуниб етмоғи лозим. Улар капиталистик тузум барча балолар ва муаммоларнинг манбаидир деб қарамоғи ҳамда унинг ўрнига муқобил тузумни татбиқ қилиш ҳақида фикрламоқлари лозим. Ва бундай тузумнинг мавжуд эканлиги, у ҳам бўлса халқимиз эътиқод қиладиган Ислом тузуми эканлигини тушунишлари лозим. Чунки фақат Ислом аҳкомлари билан бошқариладиган давлатгина инсон саломатлигини сақлаш ва ҳимоя қилишни кафолатлайди. Бугунги ғайриинсоний тузумлар эса инсон саломатлигини даромад манбаига айлантиради, холос.  Шунинг учун юртимизнинг мўмин-мусулмон аҳли ўз Ислом тузумига қайтиши ҳаётий ва тақдирий масаладир.

أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِّقَوْمٍ يُوقِنُونَ

“Динсизлик ҳукмрон бўлишини истайдиларми?! Иймонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!” (Моида: 50)

Ҳизб ут-Таҳрир матбуот бўлими – Ўзбекистон