Ғазо: Кактус таъмини биласизми?!

بسم الله الرحمن الرحيم

       Муборак Фаластин замини. Ғазонинг шимолий қисми. TRT рус хизмати шу ерда яшаётган бир мусулмон оила ҳақида тайёрлаган видеолавҳада шундай дейилади: Ғазонинг озиқ-овқат етиб бориши қийин бўлган шимолий тарафида одамлар очдан ўлмаслик учун кактус баргларини ейишни бошлашди. Оила бошлиғи Марвон ал-Аводия қўлида кактус баргини пичоқ билан бўлаклаётиб шундай сўзлайди:

– Бошида мальва (ўсимлик тури) ейишни бошладик, у тугади. Бундан олдин сабзи еяётган эдик, бироқ бозорда у ҳам қолмади. Энди ягона ейдиган нарсамиз кактус қолди. Биз кактус барглари билан озиқланяпмиз, ҳатто уни тиконлари билан еяпмиз. Ёш болаларга ҳам кактус беряпмиз, – дея ёнидаги қизалоққа кактус баргидан кесиб узатади. Сўнг гапида давом этади:

– Бу гўдаклар сут, гўшт ва тухум ўрнига кактус ейишяпти. Биз кактусларни чегарадан олиб келяпмиз. Уларни ер участкаларини бир-биридан ажратиш учун экишган эди. Энди биз уларни кавлаб олиб еяпмиз. Кактуслар бир ҳафтагача етиши мумкин. Ундан кейин ейиш учун ҳеч нима қолмайди. Мен бир ой ичида тахминан 30 килога озиб кетдим.

Шундан сўнг гапни оила бекаси Умму Юсуф ал-Аводия давом эттиради:

– Мени янги туғилган чақалоғим бор. Уларни нима билан боқай? Болаларда озиқ-овқат етишмаслиги туфайли анемия пайдо бўлди, касал бўлиб қолишди. Ҳаммамиз кактус еяпмиз, мен ҳам еяпман. Бироқ биз Аллоҳга шукр айтамиз…

Шу ерда видеолавҳа тугайди. Албатта, бу – биргина оила аҳволи ҳақида бир чимдим лавҳа холос, бу – Ғазо мусулмонларининг бир куни холос.

Агар кактус таъмини билмасангиз, Ғазо аҳлидан сўранг! Улар кактус таъмини жуда яхши билишади. Бироқ шу кактус ҳам тугаш арафасида, балки ҳозир тугаб бўлгандир. Улар шу ҳолларида ҳам Аллоҳга шукр айтишяпти.

Ғазо аҳлининг босқинчи, террорист сионист режими қирғинидан омон қолганларининг аҳволи мана шу. Расмий маълумотларга кўра, Ғазода 13 та бола очликдан ўлган. Бу бир неча кун олдинги маълумот. Озиқ-овқат ортилган юк машиналари карвонига яқинлашган маҳаллий аҳолини сионист режимнинг пасткаш аскарлари ўққа тутганига эса бутун дунё гувоҳ бўлди. Натижада юздан ортиқ мусулмонлар қатл қилинди. Яна қанчаси яраланди, майиб-мажруҳ бўлди, шифохоналар деярли яроқсиз аҳволга келгани учун улар ҳам ўлимини кутиб ётибди…

Хўш, шундай пайтда Исломий юртлар бошлиқлари нима билан овора?! Масалан, Иордания қироли Абдуллоҳ ижтимоий тармоқдаги саҳифасида Ғазога самолётдан озиқ-овқат ташлаш жараёни ҳақида видеолавҳа жойлаган. У буни худдики “оламшумул” ишни амалга ошириб қўйгандек кўз-кўз қилган. Афтидан, у бу ишни Ғазони ёрдамсиз ташлаб қўйгани учун мусулмонларнинг ғазабига дучор бўлганидан кейин, ўз обрўсини сал бўлса-да яхшилаш мақсадида қилган кўринади. Аслида унинг бунақа қилиқлари одамнинг энсасини қотиради холос. Ёки Саудияни олайлик, у ҳеч уялмай-нетмай янги йил куни улкан мушакбозлик уюштириб берди. Ғазо осмони бомбалар портлашидан ёнаётган бир вақтда, Саудия осмони пақиллоқлардан ёришди. Бу хоинлар Ғазо мусулмонлари устидан кулишиб, уларнинг азоб-уқубат чекишларини байрам қилишди. Қатарда эса футбол бўйича Осиё чемпионати ўтказилди. Мусулмон юртлар юракни кенг қилиб ўз терма жамоаларини турнирда иштирок этиш учун жўнатишди. Бирортаси ҳеч бўлмаса “Ҳозир бизни юрагимизга бунақа нарсалар сиғмайди” дея иштирок этишдан бош тортмади. Хуллас, элликдан ортиқ мусулмон мамлакатлар ҳукуматлари ҳеч нима бўлмагандек ўз ташвишлари билан овора бўлиб юришибди. Халқаро ё маҳаллий катта-кичик тадбирлар уюштиришяпти, юзсизлик билан анави кофир мустамлакачи давлатларга хизмат қилишда қаттиқ туришибди. Уларнинг хоинликларини санаб тугатиб бўлмай қолди, таърифлашга сўзлар ожизлик қилиб қолди…

Энди Марказий Осиёдаги ҳукуматларга келсак, улар Фаластин, Ғазо ва Ақсо борасида яна ўша мустамлакачи кофир “оғалари”ни рози қиладиган сафсаталарни такрорлашдан нарига ўтишмаяпти. Мусулмонларга эса бу мавзуни муҳокама қилиш, ҳатто бир оғиз гапиришни ҳам ман қилишяпти. Ким бўйсунмаса қаттиқ жазолашяпти. Уларга хизмат қилаётган ёлланма имомлар эса биргина дуо қилишга ҳам ярамаяпти. Аксига олиб, юрт раҳбарларига итоат қилиш вожиблигини уқтириш, “терроризм ва экстремизм хавфи”дан огоҳлантириш билан авора-ю сарсон. Хусусан, Ўзбекистондаги “дин пешволари” Ҳизб ут-Таҳрирга тош отиб, бўҳтон қилиш билан бир Исломий жамоатни ёмонотлиқ қилишга уринишлари кучайиб қолди. Улар ўша эски, сийқаси чиққан алдов-ёлғонларини такрорлашдан нарига ўтишгани йўқ…

Шу ўринда, имом-домлаларга баъзи саволларимиз бор:

Айтингларчи, ҳурматли имомлар, Ғазоликлар кактус еяпти экан, бу жоизми? Ва умуман, ейишга ҳеч вақолари бўлмаса ҳаром қилинган нарсаларни ейишлари мумкинми? Бомбалар портлаганда парчаланиб кетаётган таналаридан егуликларга қон сачраб кетса, уни ейишлари жоизми? Америка ва Франция ҳам Ғазога осмондан озиқ-овқат ташламоқчи эканлиги ҳақида хабарлар чиқди. Мана шу егуликларни еса бўлаверадими? Яқинда Рамазон ойи бошланади, ўшанда Ғазо мусулмонлари саҳарлик ва ифторлик учун бирор егулик топа олишмаса, рўзани улаб тутсалар жоиз бўладими? Рўзадор ҳолларида душман аскарларидан ўқ еб яралансалар рўзалари очилиб кетадими?…

Сўзимизни ўғли шаҳид бўлган ғазолик бир отанинг дуолари билан якунлаймиз:

Ё Аллоҳ! Кофирларни, насронийларни, яҳудийларни, дин душманларини ўз ўрнига қўя оладиган ва мусулмонлар қалбига таскин берадиган Халифалик билан улуғла!

Ё Раббий! Бизни Халифалик билан улуғла!

أَلَا إِنَّ نَصْرَ اللَّهِ قَرِيبٌ‎

– “Огоҳ бўлингизким, Аллоҳнинг ёрдами яқиндир”.      (Бақара:214)

Ҳизб ут-Таҳрир Ўзбекистон матбуот бўлими аъзоси Форуқ

08.03.2024й