بِسْمِ اللهِ الرَّحْمنِ الرَّحِيمِ 

Роя газетаси:

2017 йил АҚШдаги мусулмонлар учун энг оғир йил бўлиши мумкин

Ҳижрий 1438 йил 24 шаввол, милодий 2017 йил 18 июл сешанба куни «Alkhaleej Online» сайти қуйидаги хабарни нашр қилди:

«АҚШ-Ислом Муносабатлари Кенгаши (CAIR) хабарига кўра, АҚШда мусулмонларга қарши содир этилаётган ҳодисалар ўтган йилнинг июн ойидан бу йилнинг июн ойигача 91 %га ўсгани кузатилмоқда.

Бу айни кенгашнинг 2017 йил иккинчи чораги учун чиқарган мусулмонларга қарши исламофобик ҳодисалар ҳисоботида айтилди.

Ҳисоботга кўра, жорий йилнинг январидан июл ойи ўртасига қадар содир этилган исломофобик ҳодисалар 24 %га етган. Ҳисоботда «CAIR томонидан 2013 йилда айни ҳодисаларни ҳужжатлаштириш бошлангандан бери исломофобик ҳодисалар сони энг юқори бўлган йил 2017 йил бўлиб қолмоқда ва бу атиги жорий йилнинг ярмига қадар», дейилади.

Шунингдек, ҳисоботда «мусулмонларни таъқиб қилиш биринчи ўринда туриши, ундан кейин шахслар ва уларнинг мол-мулкларига зиён етказилувчи нафрат жиноятлари туриши» айтилади.

CAIRнинг исломофобияни кузатиш ва унга қарши кураш бўлими мувофиқлаштирувчиси Зайнаб Араян айни ҳисоботга изоҳ берар экан, жумладан, бундай деди: «АҚШ президенти Дональд Трампнинг сайлов кампанияси ҳамда америкалик мусулмонлар билан бошқа озчиликка ҳужум қилиниши исломофобик ҳодисаларнинг ортишига катта ҳисса қўшди».

Маълумки, ўтган йил ноябр ойи бошларида Трампнинг АҚШ президентлигига бўлган сайловолди кампанияси Ислом ва мусулмонларга қарши жуда кўп шиорларни ўз ичига олган, уларга нисбатан «террористлар» ва «экстремистлар» каби айбловлар билан Америкада қаттиқ тазйиқлар қилиниши ваъда қилинган, бу эса, АҚШ жамиятида кўплаб миллатчилик чақириқлари ва экстремистик ҳодисаларнинг ошишига олиб келган».

Роя газетаси шарҳи:

Америкадаги мусулмонларга қарши ҳодисалар ва душманона ҳужумлар ҳеч қачон кутилмаган тасодиф эмас. Чунки Американинг ахборот воситалари бу юртда яшовчи мусулмонларга қарши тинимсиз заҳарли танқидларни йўллаб келади ҳамда мусулмонларни ҳимоя билан таъминлашга мутлақо эътиборсиз қарайди, бу билан ғайримусулмонларни мусулмонга қарши қайрайди. Буларнинг барчасига қўшимча, Трампнинг ҳокимиятга келиши, Америка ичкариси ва ташқарисида америкаликлар ичида ёнаётган мусулмонларга қарши ғазаб оловига сепилган мой бўлди ҳамда мусулмонларга нисбатан зўравонликлар ва ҳужумларнинг ошиши тахмин қилинди.

Албатта, доимо ечим мусулмонларнинг ўз қўлларида қолади. Улар бошларига тушаётган барча азоб-уқубат ва машаққатлардан халос бўлиш учун ўзлари ҳаракат қилмоқлари лозим. Бу албатта, Пайғамбарлик минҳожи асосидаги рошид Халифаликни барпо этиш ва ортида туриб жанг қилинадиган, у билан ҳимояланиладиган қалқон халифани сайлаш ҳаракатидир.

Роя газетасининг 2017 йил 26 июл чоршанба кунги 140-сонидан