بِسْمِ اللهِ الرَّحْمنِ الرَّحِيمِ

Роя газетаси:

Пайғамбаримиз туғилган кунни ва ҳижрий сананинг бошланиш кунини байрам сифатида нишонлаш

Абдуррауф Бану Ато «Абу Ҳузайфа» қаламига мансуб

Ҳижрий сананинг бошланиш куни ва Пайғамбаримиз туғилган кунни мусулмонларнинг байрам куни сифатида нишонлаш ҳамда исломий юртлар тақвимида ўша кунларни қизил билан белгилаш ва расман дам олиш куни қилишни таклиф қилаётган бидъатчи имом ва мужтаҳид мутлақ бўлган фақиҳ ким ўзи?

Бу ишни қилишга қарор қилган киши ким ва нима учун шундай қилди? Уммат байрам ва дам олиш кунлари камлигидан шикоят қиляптими?

Ёки у Ғарб ҳаёти ва ҳазоратига кўр-кўрона эргашишми?

Уларда милодий йил бошланиши байрам қилинса, бизда ҳижрий сана бошланиши байрам қилиниши шартми? Уларда «Christmas» (Исо туғилган) куни байрам қилинса, бизда Пайғамбаримиз туғилган куни «Мавлуд» байрам қилиниши шартми?

Улар илмоний низомни татбиқ қилсалар, биз ҳам Аллоҳ юбормаган «илмоний низом» билан бошқаришимиз шартми? Агар бу иш бизнинг динимиздан бўлмаса, нима учун Уммат имомлари ва шаръий илм соҳиблари сукут сақлашмоқда?

Илмни татбиқ қилиш ҳамда сақофатимиз ва дин аҳкомларини бузилишдан сақлаш учун илм омонатини ўз бўйнига олган уламолар, шайхлар ва муфтилар қаерда? Ушбу байрамлар сақофатимизга мана шундай очиқ тарзда киргизилаётган пайтда улар қаерда эди? Ёки Умматимиз байрам ва дам олиш кунлари камлигидан шикоят қилдими? Нима учун улар шу каби масалаларга эътибор бермаяпти? Нима учун улар сукут сақлашмоқда?

Баъзида сарой уламолари биз Пайғамбаримиз ҳижрати ва туғилган кунини байрам қилмоқчи эмасмиз, балки Умматни дини ва тарихи борасидаги хотирасини тирилтирмоқчимиз деб айтиши мумкин. Сиз уларнинг бу каби алдовларидан эҳтиёт бўлинг. Чунки улар фақат султонлар саройида яшашни хоҳлайдилар. Сиз уларни уйғотиб, айтингки: Эй фазилат ва самоҳат соҳиблари ахир Ақсо масжиди босқинчилар қўлида асрликда-ку? Бу динимиз ва тарихимизни эслатмайдими? Халифа Умар мусулмонлар тарихини ҳижрат кунидан бошлашга қарор қилган эди, чунки бу кун куфр низоми даври билан Ислом низоми даврини ажратган кун эди. Шундай бўлса-да, Умар розияллоҳу анҳу бу кунни байрам қилиб белгиламади. Саҳобалар (Аллоҳ улардан рози бўлсин) Росулуллоҳни яхши кўрганлари ва у кишига итоат қилиш ва рисолатини ҳимоя қилиш вожиблигига ишонганларидан у киши олдида жонларини берар эдилар. Улар Росулуллоҳ САВнинг туғилган кунини байрам қилмаганлари сизлар қилаётган ишларни инкор этади-ку? Сизлар қандай қилиб, исломий юртларда куфр режимларини қўриқлаётганлар олдида бу кунни байрам қиласизлар ҳамда нутқ сўзлаб ва ҳижрат, мавлуд ҳақида маълумотлар бериб ўзингизни кўрсатасизлар?

Бир неча ҳафта ўтиб айнан шу ансамблни ярим тунда милодий санани байрам қилаётгани, янги йилни кириб келиши ва илмонийликларини хурсандчилик билан байрам қилиб, куйлаб, рақсга тушишаётганини кўрасиз. Улар учун Аллоҳ ва У зотнинг Пайғамбарининг ҳеч қандай аҳамияти йўқ. Улар на Аллоҳ, на Пайғамбар ва на сиздан уялади.

Ҳурматли ака-ука ва опа-сингиллар мусулмонлар бугун ушбу муносабат туфайли бир-бири билан алмашаётган табриклашлар ҳажмига назар солсангиз, бизнинг яшаш тарзимиз саҳобалар тушунган исломий яшаш тарзидан фарқ қилаётганини топасиз. Биз Ислом ва унинг низомини улардан кўпроқ тушуняпмизми? Ёки таққослаш ва тушуниш шунчалик қийинми?

Модомики, дин насиҳат экан, биз бир ишни қилишдан олдин ҳаёт йўлимизни саҳобалар ҳаёт йўлига ибодат ва фиқҳ жиҳатдан таққослашимиз лозим.

Бу ҳар бир мусулмон тўхталиши ва назар солиши лозим бўлган ишдир. Шунда ишлар чалкашмайди ҳамда мазкур кунларни байрам қилишни тўғри иш деб қабул қилмаймиз. Чунки саҳобалар, шу жумладан жаннати экани хабар берилганлари бугун биз қилаётган ишларни қилишмаган. Шунингдек саҳобалар биз яхши деб ҳисоблаган нарсани яхши деб ҳисоблашган эмас.

Саҳобалар Пайғамбаримиз туғилган кунни ва йил бошланишини ҳаётларида неча кун байрам қилишди ёки неча кун дам олишди? Юртларимизда ҳукмрон бўлиб турган режимлар бу икки муносабатни байрам қилиш ва уни дам олиш куни қилишга қаттиқ туришгани сабаби нимада экан? Нима учун улар ҳижрат ва мавлуд соҳиби бўлмиш Пайғамбаримиз шариати билан бошқаришни четга суриб қўйган бир пайтда, бу борада қаттиқ туришмоқда? Ислом ва Пайғамбарга бўлган бу каби сохтакорлик нима учун ва кимнинг фойдасига? Эй биродар агар сен бу борада ижобий фикрласанг нима зарар қиласан? Бу борада мана шу саволларни ўзингизга бериб кўришингиз сиз учун кифоя қилади.

Эй Аллоҳим бизни ўз динимизга чиройли тарзда қайтар. Ҳабибинг, росулинг ва банданг бўлмиш Муҳаммадга салоту саломлар ёғдиргин.

Роя газетасидан олинди