بِسْـــمِ اللهِ الرَّحْمٰـــنِ الرَّحِيـــم

Роя газетаси:

Уммат соғайди, ўзига келди ва Аллоҳнинг йўлини танлади

Аммо қудрат ва ёрдам аҳли қачон соғайиб, Умматларига қайтади, қачон Аллоҳнинг ансорларига айланади?!

Доктор Муҳаммад Ҳивроний қаламига мансуб

Ўтган аср бошида Усмоний Халифалик ағдарилиши ортидан мусулмонлар маълум вақт бевосита мустамлакачининг бошқаруви остида яшадилар. Мустамлакачи кофир исломий юртларни сохта суратда тарк этишидан олдин, у ерларга мустабид режимларни ўрнатиб, ўз дастурларини жорий қилиб кетди… Ана шунда унинг энг муҳим вазифаларидан бири – Уммат манфаатлари ҳисобига ўз манфаатларини таъминлашга қўшимча – Исломни мусулмонлар ҳаётига ҳаёт тузуми сифатида қайтиб келишини олдини олишдан иборат бўлди.

Янги асрнинг иккинчи ўн йиллиги кириши билан Уммат исломий юртларда аланга олган қўзғолонлар шаклида кўтарилиб, мавжуд режимларга қарши чиқди… Чунки бу режимлар Уммат бошига не-не кунларни солди ҳамда Умматнинг Фаластин, Афғонистон ва Ироқ каби ҳар бир масаласида душман билан унга қарши тил бириктирди. Фаластин масаласи ҳақида айтадиган бўлсак, у ерда Қуддус бор, яъни икки қибланинг биринчиси ва икки ҳарами шарифнинг учинчиси ўша ерда. Афғонистон ва Ироқдаги урушда эса, мусулмонлар армияси ҳам қатнашиб, мусулмон фуқарога қарши мустамлакачи кофирга хизмат қилди. Булардан шу нарса кўриниб турибдики, демак, исломий юртлар мустамлакадан халос бўлгани йўқ, фақат номига халос бўлди. Ҳукмдорлар хоинлиги ва ўз Умматларига қарши Уммат душмани билан тил бириктираётгани барчага яққол маълум. Улар Уммат бойликлари ва потенциалларини мана шу душманга хизмат қилиш йўлида совуришди, мана шу қилмишлари билан Ислом ва унга даъват қилаётганлар кўксига қадалган ханжарга айланишди.

Умматнинг ҳукмдорларга қарши қўзғалишида исломий ақида туртки бўлди. Бу ақида одамларни аскарга айлантириб, танкларни яланғоч кўксилари билан қарши оладиган қилиб тарбиялади. Бу манзарани шу Умматдан бошқа миллатларда асло учратмайсиз. Дарҳақиқат, бу нарса мусулмонлар бўғзидан «етакчимиз тоабад, саййидимиз Муҳаммад», деган ҳайқириқлар чиққан заминда, яъни муборак Шом қўзғолонида яққол намоён бўлди… Одамлар Уммат лойиҳаси, яъни фақат Умматгина қадрлайдиган буюк Ислом лойиҳаси атрофида бирлашдилар.

Бу қўзғолонларнинг бир юртдан бошқа юртга уланиб бораётганини кўрганда куфр давлатларини қўрқув ва ваҳима қамраб олди. Бу кофир мустамлакачи давлатлар айни қўзғолоннинг ғалабаси ва ҳукмдорларининг ағдарилиши – ўзлари учун ҳаёт-мамот масаласи эканини ҳамда қўзғолон муваффақиятга эришадиган бўлса, уларни илдизи билан йўқ қилишини англаб етди. Шунинг учун Уммат орасидаги қудрат ва ёрдам аҳли (армия қўмондонлари) устидан солган ўз чангалларини янада мустаҳкамлашди. Чунки улар анави ҳукмдор ва режимларни мудофаачилари ҳисобланади. Бу ҳол Тунис, Миср ва бошқа исломий юртларда кузатилди.

Шомда эса, «қиёмат қоим бўлиб, режим армияси ҳалокат ёқасига келиб қолганда», куфр давлатлари жангчи гуруҳлар етакчиларини жиловлаб олишга шошилди. Бу Америка буйруғи билан ҳамда малай режимлар разведкалари бошқаруви остида МОК ва МООН «Ҳарбий-жосуслик амалиётлар» кабинетларини ташкил қилиш орқали амалга оширилди. Яъни гуруҳлар раҳбарлари нопок, ҳатто қаттол сиёсий пуллар билан кишанланди ва бу нарса гуруҳларнинг тўғри ҳаракат йўналишидан оғишида асосий сабаб бўлди… Кейин улардан баъзиларини Женева, Риёз, Остона ва бошқа конференцияларга судраб боришди. У ерларда Шом аҳлининг етти йил мобайнида берган шунча қурбонларини кофир давлатлар манфаати йўлида сотиш устида битим имзоланди… Оқибатда, фронтлар у ердаги режим кучларини ҳимоя қилиш учун музлатиб қўйилди, гуруҳлар ўртасида фитна олови аланга олиб, ораларида Аллоҳ ҳаром қилган уруш бошланди. Сохта жанглар орқали – Ҳалаб, Фурот ҳавзаси, Даръа, Дамашқ, Ҳимс районлари, яқинда Ҳама ва Идлиб районида бўлгани каби – минтақалар режимга топширилди!

Яқинда Идлиб районида бўлган ва ҳамон давом этаётган қилмишлар шунга яққол далолат қилмоқдаки, гуруҳлар раҳбарлари кофир давлатлар ва исломий юртлардаги малай жинояткор ҳукмдорлар буйруқларига ҳақиқатдан ҳам бўйсунишмоқда ҳамда мазкур конференцияларда уларга тиқиштирилган нарсаларни бажаришяпти. Натижада қонхўр режим кучлари ҳеч қандай қаршиликсиз шаҳар ва қишлоқларни бирин-кетин босиб олиб, аҳолисини қувиб чиқаришни бошлади… Аммо баъзи холис инсонлар режимнинг ҳалок бўлаёзган кучларига қарши туришга даъват қилганда эса, бу кучларнинг мағлубиятга учраганига ва улардан ўнлаб аскарлар асирга тушиб, қўй подасидек ҳайдаб кетилганига гувоҳ бўлдик!

Ҳарастада содир бўлган ишлар Дамашқ марказидан узоқ эмас. У ерда унчалик кўп бўлмаган мужоҳидларнинг ўзи, режим кучларини мағлубиятга учратишга ва режимнинг муҳим қалъаларидан бирини эгаллашга муваффақ бўлдилар. Ҳолбуки, илгари минтақадаги энг йирик гуруҳлар ҳам у ерда бирор ютуққа эришишдан ожизлик қилаётган эди. Бу ҳам йирик гуруҳлар раҳбарлари Уммат ва унинг манфаати атрофида саф тортиши лозимлиги тўғрисида айтган гапларимизнинг нақадар тўғри эканига яна бир далилдир.

Гуруҳлар етакчилари қачон тушунишаркин, ахир, исломий юртлардаги мавжуд режимлар разведкалари билан, улар ортидаги мустамлакачи кофир билан алоқа қилиш бу дунёда ҳалокатнинг ўзи-ку, охиратда ҳасрат, надомат ва зиёнга олиб боради-ку?!

Бу гуруҳлар етакчилари – Америка бошчилигидаги кофир давлатлар ўз тобеларидан ҳаргиз рози бўлмаслигини, ҳатто бу тобелари бутун умрлари мобайнида ўшаларга хизмат қилиб, юртни ва бойликларини уларга топширган тақдирда ҳам, буни қабул қилмаслигини тушуниб етармикин?! Мана, Покистон армияси қўмондони Қамар Жовид Бажва АҚШ президентининг Покистонни ёлғончиликда айблашидан хиёнатни ҳис этганини билдиряпти. Ваҳоланки, унинг режими ҳам, армияси ҳам «терроризм»га қарши курашда «Сэм амаки»сини рози қилиш учун миллиардлаб доллар сарфлаган эди!!

Бу гуруҳ раҳбарлари ўзларининг аҳволларини бирор яхшироқ ҳолатга ўзгартирармикин?? Ваҳоланки, Аллоҳ Субҳанаҳу ва Таоло

﴿وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ﴾

«Яҳудий ва насронийлар уларнинг динига кирмагунингизча ҳаргиз сиздан рози бўлмайдилар»  [Бақара 120]

демоқда?! Наҳотки, улар Аллоҳ Таолонинг

﴿يَا أَيُّهَا الَّذِينَ آمَنُوا كُونُوا أَنصَارَ اللهِ﴾

«Эй мўминлар, Аллоҳнинг ансорлари бўлингиз»  [Саф 14]

деган каломини ўқимаган бўлсалар?!

Ораларида икки Саъдлар (Саъд ибн Муоз ва Саъд ибн Уббода розияллоҳу анҳулар)нинг улуғ ишларини қайта тирилтириб, буюк Ислом лойиҳасига нусрат ёрдам бериш билан ансорий розияллоҳу анҳулар сийратини қайтарадиган эр кишилари йўқми?!

Шуни эслатмоқ жоизки, Саъд ибн Муоз розияллоҳу анҳунинг ўлимидан Раҳмоннинг Арши ларзага келган, бу Арш унинг намоз ва рўза каби ибодатларни кўп қилгани сабабли ларзага келмади. Балки Муознинг ўз қавмига етакчи ва раҳбар бўлган ҳолида, Ислом ва мусулмонларга нусрат-ёрдам бергани учун ларзага келди!!

Биз гуруҳ етакчиларига панд-насиҳат қилмоқчимиз, чунки Аллоҳ Таоло

﴿فَإِنَّ الذِّكْرَى تَنْفَعُ الْمُؤْمِنِينَ﴾

«Панд-насиҳат қилинг, чунки панд-насиҳат мўминларга наф етказур» [Зариат 55]

деди. Бизнинг Шомдаги ёшу қарига маълум бўлиб қолган насиҳатимиз шуки, агар бу етакчилар Аллоҳга таваккал қилиб, Унга холис ниятда бўлишса, қўлларидаги борки қурол-яроқ ва тайёргарлик билан кифояланган ҳолда, фақат Аллоҳдан нусрат сўрасалар, Уммат сафига қайтиб, унга нусрат-ёрдам беришга ҳаракат қилсалар ва Дамашқ, Ҳиврон, Жўлон, Ҳама, Идлиб, Соҳил, Ҳалаб фронтларини қайта очсалар, режим бундай қаршиликни кўтара олмай, ўз қароргоҳи Дамашқда жон беради… Бу билан юрту фуқаро жонига оро кириб, етакчилар уларни режим ва унинг зулмидан қутқарган бўладилар, худди ансорийлар Мадинаи Мунавварада қилганидек, буюк Ислом лойиҳаси учун бўлган фаолиятга нусрат-ёрдам берган бўладилар. Ҳа, ансорийлар Набий A олиб келган лойиҳага ёрдам бериш билан биринчи Ислом давлатини барпо этиш шарафига муяссар бўлдилар… ушбу давлат соясида бутун инсоният хавфсиз, тинч-омон ҳамда Раҳмон шариатининг адолатида ҳаёт кечирдилар, ансорийлар ушбу рисолани бутун дунёга еткизиб, икки дунё бахтига ноил бўлдилар.

Уларга яна шуни эслатиб ўтмоқчимизки, Аллоҳ Субҳанаҳу Ўз динига албатта нусрат-ёрдам беради. У Зот бизга бизга ер юзида халифа ва ғолиб қилиш ҳақида ваъда берган. Унинг ваъдаси ҳақдир.

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ﴾

«Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни халифа қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавф-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирор нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир»    [Нур 55]

Бизга Росулуллоҳ CAB ҳам

«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«Сўнг Пайғамбарлик минҳожи асосидаги Халифалик бўлади», дея, жобир бошқарув ортидан албатта Пайғамбарлик минҳожи асосидаги Халифалик бўлишини башорат қилдилар. Дарҳақиқат, бунинг вақти келди… Умматда бўлаётган исломий лойиҳага нисбатан онгли ҳаракат, инша Аллоҳ, унинг вақти яқинлашганига яққол далилдир. Қачон қудрат ва ёрдам аҳли Уммат тарафига ўтиб, буюк динлари лойиҳасига нусрат-ёрдам берсалар, ана ўшанда Роббул оламиннинг ризосига эришадилар. Акс ҳолда, уларга Аллоҳ Таолонинг ушбу қонуни – Аллоҳ асрасин – жорий бўлади:

﴿وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ﴾

«Агар сизлар (Аллоҳга итоат этишдан) юз ўгириб кетсангизлар, У зот (ўрнингизга) сизлардан бошқа бир қавмни алмаштириб қўюр, сўнгра улар сизларга ўхшаган бўлмаслар, (балки Аллоҳга тоат-ибодат қилурлар)!»                                                                                [Муҳаммад 38]

Роя газетасининг 2018 йил 17 январ чоршанба кунги 165-сонидан