بسم الله الرحمن الرحيم

Роя газетаси:

АҚШнинг Сурия режимига таҳдидлари Шом аҳлини қириб ташлаши учун режимга кўк чироқ ёқиб бериш эмасми?!

«Русиял Явм» веб-сайтида ҳижрий 1439 йил 14 зул-ҳижжа, милодий 2018 йил 25 август шанба куни нашр қилинган хабарда бундай дейилади:

«Америкадаги «Bloomberg» агентлигининг тўрт нафар манбага таянган ҳолда хабар қилишича, АҚШ президентининг Миллий хавфсизлик масаласи бўйича маслаҳатчиси Жон Болтон – агар Дамашқ кимёвий қурол қўллайдиган бўлса, Сурия армиясига навбатдаги қақшатқич зарбаларни йўллаш билан таҳдид қилган.

Шахси очиқланмаган ушбу манбаларга кўра, Болтон бу сўзларни Женевада ўтган пайшанба куни Россия Федерацияси Хавфсизлик хизмати котиби Николай Патрушев билан ўтказган учрашуви чоғида айтган.

Яна мазкур манбаларга кўра, АҚШ ҳукумати – Сурия армияси томонидан исёнчилар назорати остида қолаётган ерларни озод этиш чоғида кимёвий қурол қўлланиши эҳтимоли борлиги тўғрисида бир қанча маълумотларга эга эканини билдирган. Шунинг учун Қўшма Штатлар Сурияга қарши «энг кучли ҳарбий амалиётлар билан олдиндан жавоб қайтаришга» тайёр турибди.

Болтон Патрушев билан сўзлашув ўтказиши арафасида журналистларга Қўшма Штатлар «Сурия режимининг Идлибда ҳарбий амалиётларни қайта бошлаш режасини назорат остига олган», Вашингтон «Сурия режими кимёвий қурол қўллайдиган бўлса, бунга мумкин қадар кучли йўл» билан жавоб беради, деди».

Роя газетаси шарҳи:

Афтидан, Болтон Сурия режимининг Идлибга қарши кимёвий қуроллардан зарба беришига замин тайёрлаб бераётган кўринади. Токи режим ўзи содир этаётган жиноятлари оқибатларидан қўрқмасдан, минтақа устидан назоратини ўрнатсин. Американинг таҳдидлари амалга ошган тақдирда ҳам, у ўз зарбаларини қуп-қуруқ базаларга йўллайди. Яъни аввал Шаират базасига зарба йўллаганидек, фақатгина базанинг ўзига зарар етказади, холос. Ўшанда Америка зарбаларидан ҳеч қанча вақт-соат ўтмай, айни базадан режимнинг ҳарбий самолётлари парвоз қилган эди. Шунингдек, қонхўр режим Дума шаҳрида кимёвий қурол қўллаши ортидан Америка унга қарши зарбалар йўллаганда ҳам худди шундай ҳолат юз берган. Ўшанда режим кучларидан бирортаси ўлмаган эди. Шунинг учун бу таҳдидлар малай режим ва жинояткор Россия кучларига – ҳар қандай шафқатсиз воситалар билан бўлса ҳам – Идлибни эгаллашлари учун Америка томонидан ёқиб берилган кўк чироқ ҳисобланади.

Роя газетасининг 2018 йил 29 август чоршанба кунги 197-сонидан

+1

0

Related posts:

Идлиб шаҳрида Ҳизб ут-Таҳрир – Сурия вилояти томонидан намойиши ўтказилди Москва: Суриядаги вазиятни изга солиш бизнинг манфаатимиздан бўлгани учун унга эътиборни қаратамиз Навбатдан ташқари Вена анжумани Американинг вақтдан ютиши учун ўтказилаётган қатор анжуманлардан биридир Шом қўзғолони тил бириктирувлар ва ёрдамсиз ташлаб қўйишларга қарамай давом этади