Шоу-дастурлар хавфи
Шоу-дастурлар хавфи
بِسْمِ اللهِ الرَّحْمٰنِ الرَّحِيم
Бугун дунё илгаригидек жуда кенг эмас, балки у бир ҳовлидек жуда торайиб кетди. Медиа соҳасининг сўнгги йиллардаги жадал тараққиёти сабабли бугун бутун дунё худди кафтингизга сиғадигандек жуда кичрайиб кетди. Медианинг одамларга кўрсатаётган таъсири эса, алоҳида катта мавзу. Шу сабабли медиа соҳасининг аҳамияти ҳозирда жуда кўп соҳаларни ортда қолдириб, энг таъсирли воситалардан бирига айланди. Шунга кўра, бундай восита ғаразли мақсадларини амалга ошириш пайида юрганлар учун жуда қўл келмоқда. Ҳозирги даврда медиа соҳасини назорат қилаётганлар омма фикрини бошқариш имкониятини ҳам қўлга киритмоқдалар. Медиа воситалари орқали тарқатилаётган хабарлар ва маълумотлар омма фикрини мақсадга мувофиқ бўлган томонга йўналтиришда ўзининг ҳал қилувчи таъсирини кўрсатмоқда. Умумий ва соддароқ қилиб айтадиган бўлсак, медиа соҳаси кимнинг қўлида бўлса, у ўшанинг манфаатлари учун хизмат қилмоқда.
Эътибор берадиган бўлсак, бугун медиа соҳасининг катта қисмини кўнгилочар шоу-дастурлар эгаллаб олган. Уларнинг бутун инсониятни фикрлашдан чалғитиб, эътиборини арзимас, арзонгаров нарсаларга қаратишдаги роли жуда каттадир. Сўнгги йилларда бундай шоу-дастурлар давлатлар доирасидан чиқиб, халқаро даражага кўтарилганини кўрмоқдамиз. Масалан, “Х-Фактор”, “Овоз” (“Голос”) каби йирик медиа лойиҳалар шулар жумласидандир. Кўпчилик уларда янгидан-янги истеъдодларни кашф қилиш, деган очиқ мақсадни кўради. Лекин уларнинг замиридаги яширин мақсадни ҳамма ҳам кўра олмаяпти. Бу мақсад шуки, одамлар эътиборини асосий нарсалардан, яъни бу ҳаётнинг мазмун-моҳияти, яшашдан кўзланган мақсаднинг қандай бўлиши… каби ҳаёт учун муҳим аҳамиятга эга бўлган нарсалардан чалғитиб, енгил-елпи, асосан дунё лаззатларини қўлга киритиш томон буришдир. Қисқаси, одамларни фикрлашдан тўсиб, уларни саёз фикрли оломон сифатида ушлаб туришдир. Бу бошқа воситаларга қўшимча сифатида ва улар билан биргаликда олиб бориладиган, инсониятни тўғри йўлдан чалғитиш, адаштириш кампаниясининг бир қисми холос.
Энг ачинарлиси шуки, бундай бузуқ шоу-дастурлар исломий юртларда ҳам кенг қулоч ёймоқда. Кофирлар маданиятига хос бўлган ва Ислом маданиятига тамоман зид бўлган бундай лойиҳалар мусулмонлар орасида бузуқлик тарқатмоқда ва уларни дунёвий лаззатлар қулига айлантирмоқда. Мусулмонлар улардан қаттиқ таъсирланиб, фикр-тушунчалари ҳам шунга мувофиқ ўзгармоқда, ёш авлод эса, шулар асосида тарбияланиб вояга етмоқда. Уларнинг қаҳрамонлари, намуна оладиган шахсиятлари ҳам айнан кофир кимсалар бўлмоқда. Бир сўз билан айтганда, Ислом Умматини бузишда бундай шоу-дастурлар кофирлар қўлидаги ўта фойдали воситага айланиб улгурди.
Биз мусулмонлар ўзимиз ва келажак авлодимизни бундай ғаразли ва бузуқ лойиҳалардан ҳимоя қилишимиз зарур. Бунинг учун Исломни ҳаётга татбиқ қилинишини тезлаштиришимиз лозим. Ҳар бир кун ғаниматдир. Акс ҳолда, Ислом татбиқисиз ўтаётган ҳар бир кунимиз ўзимиз ва фарзандларимизни қадамма-қадам ҳалокат жарлигига яқинлаштиради, охир-оқибат ўша жарликка бориб қолганимизни сезмай ҳам қоламиз.
Ҳизб ут-Таҳрирнинг Ўзбекистондаги медиа офиси. Фаррух
17.11.2019й
