Сийрат такрорланяптими?

بِسْمِ اللهِ الرَّحْمٰنِ الرَّحِيم

Дунёга назар солинг. Уни қандай кўряпсиз? Ҳозирги даврга ўхшаш бўлган давр тарихда ҳам бўлганидан хабарингиз борми? Ёки сиз гап нима тўғрисида бораётганини ва умуман нимага бундай саволлар берилаётганини тушунмаяпсизми? Ҳозирда оламда юз бераётган воқеа-ҳодисалар ҳақида тўла тасаввури, аниқроғи, оламнинг сиёсий жиҳатдан тиниқ суратини кўриб турган барча инсонларга, хусусан мусулмонларга ҳозирги давр тарихни эсга солиб юбормоқда. Ушбу сурат ҳар қандай ёлғонлар, чалғитишлар, сохталиклардан холи бўлган суратдир. Кимки уни худди кинодагидек тиниқ кўриб турган бўлса, демак, юқоридаги фикрларнинг унга ҳам келиши табиий ҳолдир.

Булар барибир сизга тушунарсиз бўляптими? Келинг, унда енгилгина тарихга назар соламиз ва яна ўз давримизга қайтамиз. Милодий VI аср. Араб яримороли. Араблар тарқоқлик, қабилачилик, фасод, бузуқлик, зулмга тўлган бир жамиятда яшар эдилар. Шундай бир замонда Макка шаҳрида араблар ичидан Муҳаммад исмли бир киши чиқди ва ўзини Пайғамбар эканлигини эълон қилди. Одамларни янги дин бўлмиш Исломга даъват қила бошлади. Ота-боболарининг динига ёпишиб олган Маккаликларнинг кўпчилиги уни қабул қилмади ва охир-оқибат бир гуруҳ мусулмонлар Мадинага ҳижрат қилдилар ҳамда у ерда илк Ислом Давлатини барпо қилдилар. Ушбу давлат дастлаб заиф эди. Биринчи навбатда, ўз минтақасидаги жоҳилият ботқоғига ботган жамиятларни Ислом жамиятига айлантирди. Кучига куч қўшила бошлади, ерлари кенгая борди. Энди у ўша пайтдаги икки буюк империя – Форс ва Рум империяларига таҳдир сола бошлади. Ваҳоланки, куч-қудрат бобида ўша даврда уларга озгина бўлса-да яқин келадиган давлат йўқ эди. Бироқ мусулмонлар нусрат-ёрдам ҳам, куч-қудрат ҳам Аллоҳдан эканлигига тўлиқ ишонган ҳолда фатҳларини давом эттиравердилар. Шу йўлда уларнинг ерларини бирин-кетин фатҳ қилиб, эгаллаган ерларида Исломни татбиқ қилишни бошладилар. Охири оламшумул ва буюк иш юз берди. Мусулмонлар Форс ва Рум империяларини жуда қисқа вақт ичида мағлуб қилиб, дунё етакчисига айландилар. Бу Ислом тарихининг шонли даврлари эди.

XX асрнинг бошлари. Ислом Давлати 1924 йилда расман йўқ қилинди. Ислом шариати татбиқи тўхтатилди. Ислом ерлари бўлак-бўлакларга бўлиб ташланиб, мусулмонлар энг хор ва қолоқ умматга айланди. Бутун олам яна зулматга чўмди. Халифаликни батамом йўқ қилиниши ортидан Ғарб давлатлари оламга ҳукмрон бўлиб олиб, ўзларининг капиталистик системасини ҳар жойда татбиқ қилишни бошладилар. Олам бўйлаб фасод, бузуқлик, шафқатсизлик, очлик, уруш, зулм… тарқай бошлади. Инсоният ўзидаги энг жирканч сифатларни юзага чиқарди. Инсонга капитализм берган эркинликлар жуда қимматга тушди. Бугунги кунгача одамлар тинч ва хотиржам ҳаёт нималигини билмай яшаб келмоқдалар. Худди Ислом келишидан олдинги ҳолатга ўхшаган даврда бўлганидек.

Дунёга назар солинг. Ахир, ушбу ҳукмрон капиталистик система инсониятни жар ёқасига олиб келиб қўймадими? Муаммоларга кўмиб ташламадими? Унинг муаммоларга берган ва бераётган ечимларининг бирортаси ўзини оқладими? Хуллас, бугун инсоният Ислом келишидан олдинги тарихий даврга қайтиб қолгандек ёхуд тарих яна такрорланаётгандек. Биз Ислом Умматига эса, ҳозирги даврнинг инсониятни қутқарувчиси бўлиш имконияти Аллоҳ Таоло тарафидан яна берилгандек. Худди Пайғамбаримиз Муҳаммад ﷺ ва унинг саҳобаларига шундай имконият берилгани каби. Форс ва Рум империялари каби, балки улардан-да кучлироқ бўлган АҚШ, Россия, Европа Иттифоқи, Хитой давлатлари олдимизда аждаҳодек турибди. Бироқ мусулмон аждодларимиз улардан қўрқмадилар. Бошқалар қўрққанда улар қўрқмадилар. Ҳозир ҳам қаранг, ким ушбу замонавий империяларга кўпроқ қарши чиқяпти? Ким уларни кураш учун майдонга чақиряпти? Ахир, мусулмонлар эмасми? Бошқалар қўрқишяпти, бироқ мусулмонлар қўрқмаяптилар, балки улардан ҳам кўра қўрқишга арзийдиган Зотга иймон келтириб, Унинг буйруғини – бу ҳатто жонларидан кечиш бўлса ҳам – бажаришга шошилмоқдалар. Худди илк мусулмонлар қилгани каби.

Агар сиз ушбулардан озгина нарсани тушунган бўлсангиз, тўғри хулосага келасиз ёки шу йўлга илк қадамларни ташлайсиз, деган умиддаман. Ушбу умид шуки, сиз ҳам ўз йўлидаги баҳайбат ва қалин музликларни ёриб ўтаётган музёрар кема мисоли бутун оламга зулм ва адолатсизликлар тарқатаётган капитализм музлигини ёриб, уни парчалаб ташлаш сари сузаётган Ислом кемасига қўшиласиз. Ушбу нажот кемаси эса, унинг ичида сиз бўласизми, бўлмайсизми, бир кун албатта ўз манзилига етиб боради. Муҳими шуки, манзилга етиб борганда унинг ичида бўлишдир.

Ҳизб ут-Таҳрирнинг Ўзбекистондаги медиа офиси. Фаррух   

31.01.2021й