Самарқанд ва Андижонда талабалар “трол”лик қилишга мажбурланмоқда
Самарқанд ва Андижонда талабалар “трол”лик қилишга мажбурланмоқда
بِسْمِ اللهِ الرَّحْمٰنِ الرَّحِيم
Хабар: Самарқанд ва Андижон давлат университетларининг талабаларига ижтимоий тармоқларда президентни мақтаб мақола ёзиш, президент ва у олиб бораётган сиёсатни танқид қилган фикрларга салбий муносабат билдириш ҳақида топшириқ берилди.
Самарқандлик талабаларнинг айтишларича, университет раҳбарияти Facebook ва Youtube ижтимоий тармоғларида президент сиёсати ҳақида негатив фикр билдирган постлар ва шарҳлар рўйхати шакллантириб, филология факультети талабаларига тарқатилган ва улардан салбий шарҳ ёзиш талаб қилинган.
Андижонлик талабалар ва ўқитувчиларга эса президентнинг университетга ташрифидан сўнг уни мақтаб мақолалар ёзиш топшириғи берилган. (Озодлик, 27.06.2021й)
Изоҳ: Мана неча йилдирки ҳукумат жаҳолатга қарши маърифат билан курашишини даъво қилиб келади. Ва биз бу даъвонинг моҳиятини ҳам билиб улгурдик. Яъни ҳукумат ўз даъвосига кўра эмас, балки айнан унга тескари иш қилаётгани аллақачон ҳаммага маълум бўлиб улгурди. Ҳукуматнинг асосан талаба ёшлардан иборат бўлган “трол”лар армиясини вужудга келтириб, ундан сиёсий мақсадларда фойдаланиши, яъни интернет тармоқларида ҳукумат сиёсатини мақташ ва унга қарши фикр билдирганларни аёвсиз танқид қилиш, сўкиш, обрўсини тўкиш каби жирканч ишларни қилишга мажбурлагани бир неча бор фош бўлиб қолди. Масалан, Каримов даврида унинг қизи Г. Каримованинг Фонд Форуми ҳам шундай ишларни ташкиллаштирган. Ундан кейин Тошкент Ахборот технологиялари университети, Ёшлар Иттифоқи, АОКА каби ташкилотларнинг ҳам шундай ишларга алоқаси борлиги фош бўлди.
Булар ушбу тузумнинг ўта жирканч ва пасткаш эканлигини кўрсатмоқда. Фикрга қарши фикр билан жавоб бера олмаслик, мафкурага қарши тура олмасликнинг оқибати бу. Агар ҳукумат мана шундай даражага тушиб қолган экан, бу фақат бир нарсани англатади, яъни у ва у татбиқ қилаётган тузумнинг охири кўриниб қолди. Чунки фикрга қарши фикр билан жавоб бера олмаслик айни мағлубиятнинг ўзидир. Аслини олганда, агар сиздаги фикр тўғри бўлса ва мақсадга олиб борса, сиз бу борада хотиржам бўласиз. Сиз одамларга мажбурлаб фикрингизни ўтказмайсиз, чунки бу фикр албатта ғолиб бўлишини биласиз. Шунинг учун хотиржамсиз, одамлар алалоқибат барибир шу фикрга эргашишларини биласиз. Бироқ агар сиздаги фикр нотўғри бўлса, умуман эътибор беришга ҳам арзимайдиган бўлса, у ҳолда биттагина йўл қолади. Сиз фикрингизни ноилож мажбурлаб одамларга тиқиштиришга уринасиз. Бу йўлда куч ишлатиш, қўрқитиш, мажбурлашдан ҳам қайтмайсиз. Бироқ ҳатто ўзингиз ҳам ишонмайдиган фикрга бошқалар ҳам ишонмайди, эргашмайди. Буни сиз жуда яхши биласиз. Бу аниқ мағлубиятдир. Эртами кечми, албатта енгилишингизни биласиз.
Ўзбек ҳукумати ҳам аллақачон фикрий жиҳатдан Исломга енгилиб бўлган. Унинг маърифатга қарши жаҳолат билан курашиши эса, узоққа бормайди. Унинг охирги илинж сифатида кўраётган чоралари ҳам ҳеч қандай натижа бермайди. Одамларни қанчалик Исломдан тўсишга ҳаракат қилмасин, бу худди ойни этак билан ёпишга ўхшайди. Аллоҳ Таолонинг ушбу каломи нақадар ҳақдир:
وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا
– ““Хақ келди ва ботил йўқ бўлди, албатта ботил йўқ бўлувчидир”, – деб айт”. (Исро:81)
Ҳизб ут-Таҳрирнинг Ўзбекистондаги матбуот бўлими аъзоси Абдуллоҳ
28.06.2021й
