بِسْمِ اللهِ الرَّحْمٰنِ الرَّحِيمِ

Аллоҳнинг нусрат ҳақидаги ваъдаси рўёбга чиқишидан олдин келадиган синовлар ва нусрат белгилари

(Биринчи ҳалқа)

Устоз Муҳаммад Жоме (Абу Айман)

Ҳизб ут-Таҳрирнинг Судан вилоятидаги

расмий нотиғи ёрдамчиси

Мусулмонлар туйғусини сунъий қўзғовчи воқеаларнинг такрорланишидан уларни қасддан тушкунликка тушириш ҳамда ҳимматларни пасайтириб, ораларида умидсизлик пайдо қилиш кўзланади. Масалан, исломий юртлар ҳукмдорларининг мусулмонларга зиён етказган ва уларга қарши жиноятлар содир этган мустамлакачи Британия қироличаси таъзиясига чопиб боришганини кўряпмиз. Ёки АҚШнинг Судандаги элчисининг ўзини худди тинчлик кабутари қилиб кўрсатиб, оилалар, қишлоқлар, оқсоқолларни зиёрат қилаётганига ва камбағалларни бориб кўраётганига, учрашувлар уюштириб, конференцияларда қатнашаётганига, ҳатто юртнинг амалдаги раҳбари каби баёнотлар бераётганига гувоҳ бўляпмиз. Аммо оламдаги, айниқса, мусулмон юртларидаги ҳамма ёвузлик ва жиноятларнинг муаллифи Америка эканлиги ҳаммага маълум.

Шубҳасиз, бу мустамлакачи давлатлар малай ҳукмдорлар ёрдамида юртимизда кризис ва офатлар келтириб чиқаришмоқда, режалар тузиб, фитналар қўзғашмоқда, хавфсизлик ходимлари ва расмийлар босимини кучайтириб, ёмон вазият, оғир ҳаёт пайдо қилишмоқда… Буларнинг барчаси айрим инсонларни тушкунлик ва умидсизликка туширяпти, «бундай аҳволда бизга нусрат келадими», дейдиганлар чиқяпти?!

Нусрат бу шундай неъмат ва инъомки, Аллоҳ уни холис бандаларига беради. Уни баъзан тезроқ берса, баъзан кечиктиради ва бунинг ҳикматини ёлғиз Ўзи билади. Нусрат билан инсонларни синайди, кечиктириш билан собит ва холисларни мағлуб бўлиб, таслим бўлганлардан ажратиб олади. Инсон нафси яхшиликка интиладиган, озорга сабр қилмайдиган эканлиги Аллоҳ Таолонинг қонунидан маълум:

﴿وَلَوْ يُعَجِّلُ اللَّهُ لِلنَّاسِ الشَّرَّ اسْتِعْجَالَهُم بِالْخَيْرِ لَقُضِيَ إِلَيْهِمْ أَجَلُهُمْ﴾

«Агар Аллоҳ бу одамларга яхшиликни тез келтиргани каби ёмонликни ҳам нақд қилса эди, албатта уларнинг ажаллари етган бўлур эди»                                                                             [Юнус 11]

Кўпинча яхши дамлар ёмон дамлар ортидан келади, тинчлик бало-синовдан сўнг бўлади. Инсон кўп ишларни яхши деб ўйлайди-ю, улар ёмон бўлади, бошқа ишларни ёмон деб ҳисоблайди-ю, улар яхши бўлади.

﴿وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَنْ تُحِبُّواْ شَيْئاً وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُون﴾

«(Зотан) сизлар ўзингиз учун яхши бўлган нарсани ёқтирмаслигингиз ва сиз учун ёмон бўлган нарсани яхши кўришингиз мумкин. Аллоҳ билур, сизлар билмассиз»                                            [Бақара 216]

Чиндан ҳам, Ислом Уммати ўз тарихи давомида шиддатли зарбаларга дуч келди, ҳатто у зарбалар ҳали ҳам давом этяпти. Масалан, ўтмишда мўғул-татарлар ҳужумлари, салибчилар урушлари бўлди ва Аллоҳ Таоло Умматга холис эр кишиларни чиқариб бериб, улар сафларини бирлаштирдилар. Натижада Уммат душмани устидан зафар қучди. Ҳозир ҳам, айниқса, Халифалик ағдарилгандан сўнг ҳужумлар давом этиб, юртларимизга мустамлакачилар кириб келяпти: Фаластин босиб олинди, унинг аҳли қирғин қилинди, кўчириб юборилди… Ақсо яҳудийлар қўлида асир қолди, кечаю кундуз уни оёқ ости қилишмоқда… Босния ва Герцеговинада аёллар зўрланди… Чеченистон тортиб олинди… Сигирпараст ҳиндулар мусулмонларга журъат қилишяпти… Бутпарастлар роҳинга мусулмонлари бошларига не-не ҳалокатлар ёғдиришмади… Марказий Африкада насронийлар мусулмонларни ваҳшийлик билан қирғин қилишди… Ироқ ва Афғонистон вайрон қилинди… Судан жануби бўлинди… ва ҳоказо. Буларнинг барчаси исломий юртлар ҳукмдорлари, уламолари ва гумашталарининг даҳшатли тил бириктируви билан амалга ошди.

Ҳа, бу провокацион воқеалар ва қақшатқич оғир зарбалар Умматнинг баъзи фарзандларига таъсир қилиб, ларзага келтирди. Бу ёқдан мустамлакачи давлатлар мусулмонларга қарши фикрий ва сақофий кураш олиб бориб, шаръий далилларга нисбатан шубҳа уйғотишга ва Аллоҳ Таолонинг кўплаб аҳкомларини бадном қилишга, қатор исломий тушунчаларни бузишга ҳаракат қилишяпти. Шунинг баробарида исқирт куфр фикрларига тарғиб қилиб, Ислом аҳкомларини давлат ва жамиятда татбиқ этишга даъват қилаётган инсонларга тазйиқ ўтказишмоқда, уларни қувғин остига олиб, жонларига, молларига ва аҳлларига заҳмат етказишяпти. Бундай шиддатли кураш баъзиларнинг азму-қарорини заифлаштирди. Кимдир азму-қарорини ўзгартириб, Ғарб карвонига қўшилди. Кимдир тинч-саломат юришни, дунёни севиб, сукут қилишни афзал билди. Кимдир умидсизлик ва тушкунликка тушиб, Умматнинг очиқ фатҳ ва яқин нусрат қучишини амри маҳол, деб билди. Аммо Уммат ўғлонларининг саҳоватли бир гуруҳи ҳақиқат учун курашда давом этдилар, улкан қоя мисол мустаҳкам турдилар, воқеа-ҳодисалар уларни ларзага солишга, фитналар ўзгартиришга, азоб-уқубатлар иродаларини синдиришга қодир бўлолмади, зотан, уларда Росулуллоҳ ﷺнинг ушбу сўзлари ўз аксини топди:

«لَا تَزَالُ طَائِفَةٌ مِنْ أُمَّتِي ظَاهِرِينَ عَلَى الْحَقِّ لَا يَضُرُّهُمْ مَنْ خَذَلَهُمْ حَتَّى يَأْتِيَ أَمْرُ اللَّهِ وَهُمْ كَذَلِكَ»

«Умматимдан бир тоифаси ҳақ устида ғолиб туришда давом этади. Ёрдамсиз қолдирганлар уларга зиён етказолмайди. Улар Аллоҳнинг амри (қиёмат куни) келгунча шу ҳолда ўзгармай турадилар». (Муттафақун алайҳи).

Ҳа, Уммат ўзининг бошқарувчи, етакчиси, ҳокимият ва давлатини йўқотгандан кейин, халифасиз, имомсиз, қўмондонсиз қолгач, бузилиш омматан кенг ёйилди. Ушбу сўзларни айтган Росулуллоҳ ﷺ ҳақ сўзладилар:

«الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом-халифа қалқондир, унинг ортида туриб жанг қилинади ва у билан ҳимояланилади».

Бугун мусулмонларнинг ҳукмдорлари Умматга на имом бўлишди, на етакчи ва на бошқарувчи. Аксинча улар Уммат бошига бало бўлди. Росулуллоҳ ﷺ бундай дея ҳақ-рост сўзладилар:

«إِنَّهَا سَتَأْتِي عَلَى النَّاسِ سِنُونَ خَدَّاعَةٌ؛ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ، وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ، وَيَنْطِقُ فِيهَا الرُّوَيْبِضَةُ. قِيلَ: وَمَا الرُّوَيْبِضَةُ؟ قَالَ: السَّفِيهُ يَتَكَلَّمُ فِي أَمْرِ الْعَامَّةِ»

«Албатта, инсонларга алдамчи йиллар келади. У йилларда ёлғончи ростгўйга, ростгўй эса ёлғончига чиқарилади, хоинга омонат топширилади, омонатгўй хоинга чиқарилади. У йилларда рувайбиза нутқ сўзлайди. Рувайбиза ким? деб сўралди. Шунда Росулуллоҳ омма иши хусусида нутқ сўзловчи тентак, деб жавоб бердилар». (Имом Аҳмад муснади).

Ҳа, Ислом Уммати қўшинларни бошқариб, Ислом байроқларини кўтарган пайтида, қалъаларни бузган эр кишиларни, мард ва қаҳрамонларни етиштириб чиқарган ва бутун дунёга эзгулик улашган эди. Ёрдам сўраган заифларга ёрдам кўрсатарди, бошпана сўраганларга-бошпана берарди. Ривоят қилишларича, Умар ибн Хаттоб розияллоҳу анҳу Шомга борганда қўшинлар уни қарши олгани чиқишади, қарашса унинг эгнида изор (тананинг пастки қисмини ўраб турувчи мато), оёғида ковуш, бошида салла бўлади ва ўзи туясини бошидан ушлаб олиб, суғораётган бўлади. Улар – эй мўминлар амири, сизни Шом йўлида қўшин кутиб олди, сиз эса шу аҳволдасиз, дейишади. Шунда Умар розияллоҳу анҳу бундай дейдилар: «Биз Аллоҳ Ислом билан азиз-кучли қилган халқмиз. Бас, Исломдан бошқа ердан азизлик қидирмаймиз».

Кескин ва қатъий айтамизки, Аллоҳ Таолонинг изни ила, биз ўша шарафли воқеликка албатта қайтамиз, Аллоҳнинг ваъдаси ва Росули ﷺнинг башоратлари хушхабарини албатта кўрамиз. Шу боис, бор куч ва имкониятни сарфлаб, бу муваффақиятсизликларни бартараф қилмоғимиз, башоратларга интилиб, синовларга сабр қилмоғимиз даркор. Ҳеч шубҳа йўқки, нусрат Аллоҳ Субҳанаҳунинг ўзи билган соатда албатта келади. Биздан талаб қилингани эса, ер юзида Ислом бошқарувини барпо этиш ҳаракати билан шуғулланишдан иборат. Ҳар биримиз ўз ўрнини билсин: Ўз бурчини бажардими, Ислом ундан талаб қилган ишларни қилдими?! Ёки дунёга меҳр қўйдими, қийинчиликлар ва воқеалар уни титратдими, Исломга ёрдам бериш амалидан бурдими, Пайғамбарлик минҳожи асосидаги рошид Халифаликни барпо этишга даъват қилмадими?!

(Давоми бор).

Роя газетасининг 2022 йил 2 ноябр чоршанба кунги 415-сонидан