بِسْمِ اللهِ الرَّحْمٰنِ الرَّحِيمِ

Америка Судан армияси генералларини нима учун қўллаб-қувватламоқда?!

Устоз Муҳаммад Жоме Абу Айман

Ҳизб ут-Таҳрирнинг Судандаги

расмий нотиғи ёрдамчиси

Воқеа-ҳодисаларни яқиндан кузатаётган ҳар қандай ақлирасо киши шунга аниқ амин бўладики, Америка мустамлакачи давлат бўлиб, ўзининг азбаройи бутун дунёдаги манфаатларига эришиш йўлида жанг ва кураш олиб бормоқда. Аммо юрт аҳлидан бирор ёрдамчи бўлмаса, мустамлакачи давлатлардан ҳеч бири ўзининг сиёсий режасига ҳаргиз эриша олмайди. Қачон юрт фарзандлари орасидан мустамлакачи давлат режаларини қўллаб-қувватловчи, уларнинг манфаатларини ҳимоя қилувчи топилса, у ўша давлатга малай бўлади, айниқса, ҳокимият тепасига чиққанда. Бу малайлардан энг хавфлиси ҳукуматнинг расмий муассасаларидаги ҳурмат ва обрў топган ҳамда одамларнинг садоқату миннатдорлигига эришган яширин малайлардир…

Дарҳақиқат, Америка ўзининг қадимий кураши мобайнидаги одатига кўра, мусулмон юртларига ҳарбий инқилоблар уюштириш ёки ўзига содиқ генераллар касб қилиш орқали кириб боради. Уларни ё хорижда тайёргарликдан ўтказган бўлади ёки ўзининг маълум давлатдаги элчихоналари орқали уларни пул билан манипуляция қилиб, бой кимсага айлантириб олган бўлади.

Мустамлакачи Ғарб давлатлари мусулмон юртларида одамларга ҳуқуқ берилишини хавфли, деб билади. Чунки бошқарув масаласида ва ҳаётий ишларини қандай тузум бошқариши лозимлиги тўғрисида агар ихтиёр бериб қўйилса улар албатта Исломни танлашлари аниқ бўлиб, буни куфр давлатлари яхши билади. Шунинг боис, Ғарб учун бузуқ, шафқатсиз тоғут ҳукмдорлар ясаш зарур. Чунки улар одамларни қаттиққўл қонунлар, армия кучи билан бошқариб, мустамлакачилар сиёсатини темир ва олов ёрдамида амалга оширишади. Мустамлакачилар ўз фикрларининг, яъни демократия, илмонийлик, мутлақ эркинлик каби мафкураларининг ақлан ҳам, шаръан ҳам тубанлигини, юрт аҳли ақидасига зид бўлиб, Ислом аҳкомлари ва фикрлари билан қарма-қарши келаётганини билишади. Шу сабабдан, ушбу юртларнинг мустамлакачилик тузоғидан қутулишига йўл қўймайдиган ҳукмдор бўлиши шарт қилинади. Бундай ҳукмдорнинг ҳарбий бўлиши энг муносибдир. Чунки у берилган таълимотни сўзсиз бажаради, ўз халқига нисбатан куч ва қурол ишлатишдан бошқа тилни билмайди. Босқинчилик, мустамлакачилик ва бузғунчилик қилиб, ҳаргиз ислоҳ қилмайдиган душман давлатларга қарши сафарбарлик эълон қилиш ўрнига, ўз халқига қарши жанг қилишни тўғри, деб билади!

Суданда Америка Британиянинг фуқаролик бошқарувидаги малайларидан ҳокимиятни тортиб олишга муваффақ бўлган. Маълумки, Британия малайларни касб қилиш, қабилачилик ва миллатчилик фитналарини келтириб чиқариш ҳамда хатарли ҳавокир мафкураси, ёпиқ минтақалар қонуни ва бошқаларни яратишда устаси фаранг бўлган қадимий қора тарих эгасидир.

Аммо Америкага келсак, унинг малайлари ҳамма малайлардан юзсизроқ ва Америка манфаатларини бажаришда ҳаммасидан журъатлироқ кимсалардир. Масалан, Жаъфар Нумайрий юртни Халқаро Валюта Фонди ботқоғига ботирди, фалашмура яҳудийларини «Исроил»га кўчирди, Аддис-Абеба шартномаси ва бошқалар орқали Суданни бўлиш мавзусини қонунийлаштирди… Умар Башир эса, қабилачилик ва миллатчилик фитналари орқали юртни бўлиб ташлади, ҳатто ишни Жанубнинг ажралиб чиқишигача олиб борди… Бундан ташқари, Суданни мустамлакачилик муассасаларининг судхўрлик кредитлари ботқоғига ботирди… Мунофиқлик билан ўзини шариатни татбиқ қилаётган қилиб кўрсатиб, шариатни татбиқ қилиш тўғрисида ўз замонида яшаган авлод миясида ёмон фикр пайдо қилди ҳам таълимни вайрон этди… Капитал китларига умумий мулкни талон-торож этишларига имкон яратиб берди… ва ҳоказо.

Абдулфаттоҳ Бурҳонга келсак, у АҚШнинг Африкадаги вакили Жеффри Фильтманни ўзига хўжайин тутди ва хўжайини унга 25 октябр инқилоби режасини тузиб берди. Ўшанда Бурҳон инқилоб кечаси бир неча бор Фильтман билан кўришган эди. АҚШ давлат котибининг Африка ишлари бўйича ёрдамчиси Молли ҳам уни ҳар доим зиёрат қилиб келган. Моллининг Бурҳонга буюрган нарсалари Бурҳоннинг учрашувдан кейинги қилган баёнотларда ўз аксини топар эди. Ҳатто Америка Бурҳон ҳокимиятини ҳар доимгидан кўпроқ мустаҳкамлашга уриниб, Жон Годфрини йигирма беш йиллик танаффусдан кейин – Судандаги кучли тартибсизликларга қарамай – элчи қилиб тайинлади ҳамда Бурҳонга БМТда мурожаат йўллашига, намойишчиларни ўлдириб, пикетни бостиришга ва бошқа қилмишларига рухсат берди.

Бугунги кунда бу АҚШ элчиси гўё юртнинг амалдаги раҳбари бўлиб олган ва Суданнинг чор атрофида истаганича изғиб юрибди, губернаторлар, ҳокимлар, жамоат раҳбарлари, сўфилик оқими шайхлари, мулозимлар, хотин-қизлар, болалар, лагерлардаги қочқинлар каби истаган киши билан учрашиб, ваъдалар беряпти, қарорлар беряпти, хушхабарлар айтяпти ва таҳдидлар қиляпти… Буларнинг барчасини Бурҳон кўриб турибди, аммо буларга нисбатан уни юрт ҳукмдори, деган эътиборда ҳеч қандай позицияни эгалламаяпти! Бироқ, шуниси яққол маълумки, бу америкалик элчи ўзининг элчихонасидан чиқиб, сиёсий бошқарув ишларигача бурнини суқиш билан ўзининг дипломатик вазифаларидан ошиб ўтди!

Мамлакатимиздаги мавжуд ҳолат табиий ҳолат эмас. Чунки табиий ҳолат бўйича, биз ўз юртимизда кучли ва суверенитети таъминланган ҳолатда яшашимиз керак. Шунингдек, биз мусулмонларнинг эътиқодимиздан келиб чиққан аҳкомлар билан ҳукм юритадиган, ишларимизга ақидамиз ўлчови билан қарайдиган ҳамда мустамлакачи кофирнинг ҳаётимизни бошқаришига ёки фарзандларимиздан ўз мақсадларини рўёбга чиқарувчи малайларни пайдо қилишига асло йўл қўймайдиган давлатимиз бўлиши лозим.

Ҳозирда сиёсий бошбошдоқлик, хавфсизлик бўшлиғи ва шунга ўхшаш Суданда юз бераётган ҳодисаларни тўхтатиб қолишга Пайғамбарлик минҳожи асосидаги иккинчи рошид Халифалик давлатидан бошқаси асло қодир эмас. Бас, армия генераллари дохил куч-қудрат эгалари Аллоҳ Субҳанаҳу ва Таолодан қўрқмоқлари ҳамда мол-давлат, комфорт шаҳватларига учишдек тубанликдан кўтарилиб чиқмоқлари керак. Роббиларининг ризосини қидириб, динни татбиқ қилиш, шариат ва аҳкомларини барпо этиш учун Халифаликни барпо этишга ҳаракат қилаётган холис инсонларга нусрат бермоқлари шарт. Зеро, Аллоҳга қасамки, бу дунёю у дунёнинг азизлиги мана шунда. Чунки Халифаликка нусрат бериш билан Саъд ибн Абу Ваққос каби буюк ансорлардан бўладилар. Дарҳақиқат, Саъд вафот этганда унинг Ислом ва мусулмонларга нусрат беришда қилган буюк ишлари ҳурматидан Раҳмонни Арши ларзага келган.

Роя газетасининг 2022 йил 14 декабр чоршанба кунги 421-сонидан