Матбуот баёноти

Хиёнат хоинни тарк этишни истамайди

Миср режими ўз атрофини хоинлик девори билан ўрамоқда!

Миср ташқи ишлар вазири доктор Бадр Абдулотий даниялик ҳамкасби билан берган матбуот конференциясида Миср Ғазо сектори билан чегараларига девор ўрнатишга ҳамда айни чегаралардаги мавжуд тоннелларни портлатишга катта маблағ сарфлаганини, Миср томонидан қурол ўтаётгани тўғрисидаги даъволар ғирт ёлғон бўлиб, бундан яҳудий вужудининг Ғазодаги жиноятларидан чалғитиш кўзланганини, айтди.

Абу Масъуд Уқба ибн Амр Ансорий Gнинг ривоят қилишича, Росулуллоҳ ﷺ марҳамат қилганлар:

«إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ الْأُولَى إِذَا لَمْ تَسْتَحْيِ فَاصْنَعْ مَا شِئْتَ»

«Одамларга етиб келган пайғамбарликнинг илк сўзларидан бири уялмасанг, хоҳлаганингни қилавер, деган сўздир». (Бухорий ривояти). Бугунги кунда Миср режими очиқ-ошкор ҳаёсизлик қилмоқда ва муборак Фаластин замини аҳлини ёрдамсиз қолдириш билангина кифояланмай, ҳатто ўзи Аллоҳнинг, мусулмонларнинг ва мазлум фаластинликларнинг душмани бўлмиш жирканч яҳудий вужуди томонига ўтиб олганини исботламоқда. Шу пайтгача Уммат ва унинг масаласидан, Исломнинг фарзларидан, асосан, жиҳод қилиш ва ер юзидаги бечораларга нусрат бериш фарзидан воз кечиб келгани етмаганидек, энди камбағал халқдан йиғиб олган катта миқдордаги маблағни қонхўр яҳудийлар хавфсизлигини ҳимоя қилишга сарфлаганини фош этди ва фош бўлиб қолишининг ҳеч қандай хижолатчилиги ёки айби йўқ деб билмоқда. Ҳа, Росулуллоҳ ﷺнинг ҳаё билмаган кимсанинг билганини қилиши ва азобга рўпара келиши тўғрисидаги сўзлари нақадар ҳақ. Яқинда Миср қуролли кучлари бош қўмондони генерал-лейтенант Аҳмад Халифа Ғазо билан бўлган чегарани кўздан кечиргани борди. У Кинона билан Ғазо ўртасидаги манфур чегаранинг нариги томонида мазлумларнинг қилган нолаларини эшитди-кўрди. Бу нарса унда мазлумга, унинг оиласига ва ақидасига нусрат-ёрдам берадиган мужоҳид аскарлик ва қаҳрамон чавандозлик ғурурини қўзғамади. Билъакс, у «барча стратегик йўналишларда давлат чегараларини мудофаа қилиш лозим»лигини таъкидлади! Кўриниб турибдики, бошимизга тушган бало мана шу сиёсий ва ҳарбий раҳбарларда. Уларнинг барчаси душман билан тўлиқ мувофиқлашадиган ва Ислом Умматини ўзларига душман қилиб оладиган реал муаммога айланган. Бас, шундай экан, Кинона аҳли ва қуролли кучларимиздаги холис инсонлар зиммасига ўзларининг ички хонадонларини ушбу икки раҳбариятдан тозалаш, уларнинг ўрнини Пайғамбарлик минҳожи асосидаги Халифалик лойиҳасига эга Ҳизб ут-Таҳрирда гавдаланган холис етакчиликка алмаштириш вазифаси тушган.

Бунчалик йирик маблағ муборак Фаластин заминини озод этиш ва Уммат мақаддасотларини тозалаш учун армияларни ҳаракатга келтиришга сарфланганда яхши бўларди, нафақат яхши ҳатто бу фарз ҳамдир. Бироқ чегара тортиб, у ерга бетон қуйиб, устидан девор қуриш ва буфер зоналар қилиш, Аллоҳга қасамки, бу Ғазодаги аҳлимизни у ёқда ёрдамсиз ташлаб қўйишдан бошқа нарса эмас.

Эй Кинона қўшинлари!

Сизга муборак Фаластинни озод этиш фарз. Уни озод этмагунингизча бу фарзни тарк этганлик гуноҳи зиммангиздан соқит бўлмайди. Тўкилаётган қонлар, поймол этилаётган номуслар ва топталаётган муқаддасотлар сизнинг бўйнингизда. Қиёмат куни Роббингиз ҳузурида булар ҳақида албатта сўраласиз, бас, ўшанда нима жавоб қиласиз?! Ҳукмдорларимизга итоат қилдик, бизнинг ихтиёримиз ўшаларнинг қўлида, деб жавоб қиласизми?! Аммо Аллоҳнинг ўзи сизга Ўз Китобида бундай деб қўйган-ку!

﴿يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا﴾

«Юзлари оловда айлантириладиган-куйдириладиган кунда, улар: «Кошки эди бизлар ҳам Аллоҳга итоат этганимизда, пайғамбарга итоат этганимизда», дерлар. Яна улар дейдилар: Раббано, дарҳақиқат биз бошлиқларимизга ва катталаримизга бўйсундик, бас улар бизни (тўғри) йўлдан оздирдилар»                                                                                                [Аҳзоб 66-67]

Ёки сизлар биз заиф мағлуб эдик, қўмондонларимизга, ҳукмдорларимизга, катталаримизга, уларнинг атрофларидаги шайхлару уламоларга бўйсунардик, улар ўзлари адашишди, бизни ҳам адаштиришди, дейсизми?! Ваҳоланки, Роббингиз эрта-қачон бундай деб қўйган-ку!!

﴿إِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعاً فَهَلْ أَنتُم مُّغْنُونَ عَنَّا نَصِيباً مِّنَ النَّارِ * قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللهَ قَدْ حَكَمَ بَيْنَ الْعِبَادِ﴾

«Ўшанда улар дўзахда ўзаро тортишиб, бечора (эргашувчи)лар мутакаббир кимсаларга (яъни ўзларининг собиқ йўлбошчиларига): «Биз сизга эргашган эдик, энди сиз биздан дўзах (азоби)дан бирон бўлагини даф қила олурмисизлар?», дер эканлар, мутакаббир кимсалар айтдилар: «Бизларнинг барчамиз шак-шубҳасиз (дўзахдадирмиз). Дарҳақиқат Аллоҳ бандалари ўртасида Ўз ҳукмини чиқарди»                                                                    [Ғофир 47-48]

Ҳизб ут-Таҳрирнинг Миср вилоятидаги матбуот бўлими