Инвестицияга оид янги қонун ҳам эскиси каби капиталистик тузумга асосланган бўлиб, унинг энг кўзга кўринган жиҳати Ислом аҳкомларига зид эканлигидир
Матбуот баёноти
Инвестицияга оид янги қонун ҳам эскиси каби капиталистик тузумга асосланган бўлиб, унинг энг кўзга кўринган жиҳати Ислом аҳкомларига зид эканлигидир
Яман парламенти ва олий сиёсий кенгаши томонидан инвестицияга оид янги қонун тасдиқлангандан сўнг Санъодаги Ўзгариш ва Қурилиш ҳукумати айни қонунни ишга туширди. Бу қонун иқтисодиёт, саноат ва инвестициялар вазирлиги ва молия вазирлиги томонидан 2010 йилда қабул қилинган «Инвестициялар тўғрисидаги қонун»га киритилган ўзгартириш ҳисобланади. Хўш, бу янги қонун аввалгисидан нимаси билан фарқ қилади? Иккиси ҳам капиталистик иқтисодий тузумдан келиб чиқмаганми?!
Бу қонун хорижий инвестицияларга эшикни ланг очиб берди. Хорижий инвестициялар таркибида эса мусулмон бўлмаган инвесторлар ҳам бор. Улар мамлакатни хонавайрон этувчи капиталистик лойиҳани амалга оширишмоқда. Бу қонунга «Инвестор 2-модда»сида бундай таъриф берилган: «Ҳар қандай жисмоний ёки юридик шахс, яманлик ёки яманлик бўлмаган шахс, муқим ёки мусофир шахс тегишли равишда ушбу қонун-қоидалар ва аввалги инвестиция қонунлари доирасига кирган ҳар қандай соҳага республика миқёсида сармоя киритишга ҳақли». Қонун ҳатто мусулмон бўлмаган инвесторларга ҳам соғлиқни сақлаш, таълим, инфратузилма, транспорт, энергетика, қишлоқ хўжалиги, ва туризм каби кўплаб соҳаларда сармоя киритишга рухсат беради. Йўллар, портлар, аэропортлар, метро, темир йўллари, тўғонлар, электр станциялари, қишлоқ хўжалиги бозорлари, ва ороллардаги меҳмонхоналар каби муҳим лойиҳалар ҳам сармоя киритиш мумкин бўлган соҳалар қаторига киради. Қонун, шунингдек, инвесторларга солиқ ва божхона имтиёзларини, хориждан ишчилар олиб келиш ҳуқуқини, пул ўтказиш эркинлигини, интеллектуал мулк ҳуқуқларини ҳимоя қилиш каби афзалликларни тақдим этади!
Бу қонуннинг Ислом шариати аҳкомларига зидлигига шубҳа йўқ. Бу давлат ўзининг халқ олдидаги шаръий бурчидан тонган. Яъни соғлиқни сақлаш ва таълим соҳасини, йўллар ва аэропортлар қуришни, сув ва электр таъминоти масалаларини инвесторларга ташлаб қўйиш билан ўз масъулиятини бажармаяпти! Қонун вазирларга вазирликларнинг ихтисослари бўйича инвестиция лойиҳаларига хизмат кўрсатиш мажбуриятини юклади. Масалан, электр энергетика вазирлиги ва ҳокимлар ўз ваколатлари доирасида инвестиция лойиҳалари бўйича электр энергиясини узатиш ва тақсимлашни логистика жиҳатидан таъминлаши шарт! Бу халқнинг фаровонлигини эмас, фақат солиқ йиғишни мақсад қилган давлатдир!
Қонунда акциядорлик жамиятларини ташкил этишга рухсат берилиши Ислом шариатига аниқ зиддир. Чунки бундай ширкатларнинг шартномалари шаръий жиҳатдан ботилдир. Биз Ҳизб ут-Таҳрир сифатида бундай ширкатларнинг бузуқлигини кўплаб нашрларимизда, жумладан, (Молия бозорларидаги тебранишлар) китобида батафсил баён қилганмиз. Бундан ташқари, бу қонун мусулмонлардан ундирилиши ман қилинган божхона солиқлари ва доимий солиқларни ҳам қонунийлаштирган.
Ушбу қонун билан бирга ишлаб чиқилган «Ўз-ўзини таъминлашга эришиш» каби шиорлар ҳам мантиқсиздир. Зотан, нега мантиқли бўлсин? Ахир ҳукумат юзлаб маҳаллий инвесторларни мамлакатдан қувиб чиқариб, ўзи ҳали ҳам Жаҳон Савдо ташкилоти, Халқаро Валюта Фонди, Жаҳон Банки каби йирик халқаро мустамлакачилик муассасаларининг бўйинтуруғи ва назорати остида бўлса. Бундан ташқари, саноат, ва қишлоқ хўжалиги инвестиция лойиҳаларининг компонентлари бутунлай ташқарига боғлиқ. Техника, хомашё, гени ўзгартирилган уруғлар, ўғитлар, вакциналар, ҳатто кўмир, газ, дизел ҳам импорт қилинади.
49 саҳифали 101 моддадан иборат ушбу «Инвестицияга оид янги қонун»да Исломдан битта ҳам далил йўқ! Аксинча, унинг моддалари шариатимизга зид капиталистик мафкура ва қоидалар билан тўла. Аввалги қонундан фарқсиз ўлароқ, бу қонунда ҳам инсонни алдаб-масхаралаш учун унинг 5-моддаси матнида бундай дейилган: «Инвесторлар Ислом шариатига зид бўлмаса, давлат томонидан белгиланган инвестиция сиёсатига мувофиқ ҳар бир соҳага эркин сармоя киритиш ҳуқуқига эга».
Ҳа, ушбу «Инвестицияга оид янги қонун» Ғарбнинг «Beachtel», «Mian», «Stone &Webster» ва «Brown &Root» каби мустамлакачилик компанияларининг Яманга киришига йўл очади. Бу компаниялар ўтган йиллар давомида уруш вайрон қилган нарсаларни қайта тиклаш, деган даъво билан киради. Аммо бу Ғарб компанияларининг ҳеч бири мамлакатнинг ривожланишига ҳисса қўшмайди. Аксинча, сиз уларнинг даражасига етиб бормаслигингиз учун улар саноат ва технологиядаги бўшлиқни доимий равишда кенгайтириб борадилар.
Тараққиёт бўлиши учун албатта коинот, инсон ва ҳаёт ҳақида тўлиқ мафкура, яъни ақида асос бўлиши шарт. Ушбу ақидадан инсоннинг барча ҳаётий ишларидаги муаммоларини ҳал қилишга қодир тузум балқиб чиқади. Бу эса Пайғамбарлик минҳожи асосидаги иккинчи рошид Халифаликдагина амалга ошган ва бундан кейин ҳам фақат шу Халифаликда амалга ошади. Шунинг учун Ҳизб ут-Таҳрир аъзолари ер юзида қайта адолат ўрнатувчи ҳамда капитализм ва бошқа тузумлар ёвузлигини супуриб ташловчи ушбу Халифаликни қайта барпо этиш учун бутун ҳаётларини бағишлаганлар.
Ҳизб ут-Таҳрирнинг Яман вилоятидаги матбуот бўлими
