Матбуот хабари

Ҳизб ут-Таҳрир – Судан вилояти делегацияси Юнион-демократик партияси раисини Убаййиз шаҳрида зиёрат қилди

Ҳизб ут-Таҳрир – Судан вилояти делегацияси (ҳижрий 1447 йил 3 робиулаввал, милодий 2025 йил 26 август, сешанба куни) Юнион-демократик партияси лидери устоз Холид Ҳусайнни зиёрат қилди. Учрашув Холид Ҳусайннинг Убаййиз шаҳридаги офисида бўлиб ўтди. Ҳизб ут-Таҳрирнинг вилоят мажлиси аъзоси устоз Назир Муҳаммадҳусайн раҳбарлигида ҳамда устоз Исомуддин Абдулқодир ҳамроҳлигида ташкил этилган мазкур делегация ташрифи Дарфурни ажратиш режасини барбод этиш мақсадида Ҳизб томонидан бошланган кампания доирасида амалга оширилди.

Устоз Назир Суданни парчалашга қаратилган Американинг режаси ҳақида сўзлади. Мазкур режа нафақадаги америкалик генерал Ралф Питерзнинг харитасига таянган ҳолда ишлаб чиқилган бўлиб, «Қонли чегаралар» мафкураси муаллифи америкалик яҳудий жосус Бернард Льюиснинг ғояларидан илҳом олган. Яъни бу режа этник, минтақавий ва мазҳабий асосларда аллақачон бўлинган ҳудудларни янада парчалашга қаратилган. Бу – Америка аввал Жанубни ажратишда юрган ва ҳозир ҳам Дарфурни ажратишда кетаётган йўлнинг айнан ўзидир. Мазкур режа доирасида амалга оширилган йирик сиёсий ҳаракатлардан бири Жанубий Дарфур маркази Ниялада Тезкор қўллаб-қувватлаш кучлари етакчилигида муқобил ҳукумат тузилгани ҳақидаги эълондир. Ҳизб ут-Таҳрир – Судан вилояти эса бу режани фош этиш ва уни барбод қилиш мақсадида махсус дастур ишлаб чиққан.

Устоз Холид ташриф учун миннатдорчилик изҳор қилиб, Ҳизб ут-Таҳрир дастурларининг ўзига хослиги, ғояларининг юксаклиги ва мамлакат бирлигини мустаҳкамлаш йўлида олиб бораётган фаолиятини эътироф этди. Шу билан бирга, у бу саъй-ҳаракатни қўллаб-қувватлашини маълум қилди ҳамда ўз идорасининг мазкур йўналишдаги ҳар қандай фаолият учун ҳар доим очиқ эканини таъкидлади.

Иброҳим Усмон (Абу Халил)

Ҳизб ут-Таҳрирнинг Судан

вилоятидаги расмий нотиғи