Матбуот баёноти

Эй Масъуд Пезешкиян! Мусулмонларни очликка маҳкум қилган айнан сизларсиз!

Эрон энг йирик хусусий банк «Оянда»нинг банкрот бўлганини маълум қилди. Мамлакат бўйлаб 270 та филиалга эга ушбу банкнинг қарз мажбуриятлари 5 миллиард доллардан ошиб кетгани маълум қилинди. Эътиборга лойиқ жиҳати шундаки, Эрон президенти Масъуд Пезешкиян маъмурий муваффақиятсизликни танқид қилиб, шундай деди: «Бизда нефть ҳам, газ ҳам бор… лекин барибир очмиз!».

Нефть, газ, кимёвий моддалар, маъданлар ва қишлоқ хўжалиги каби улкан бойликларга эга, географияси, аҳоли сони ва табиий захиралари билан дунёдаги йирик давлатлардан бири бўлиши, аҳолиси эса дунёдаги энг бой халққа айланиши мумкин бўлган мамлакат раҳбари шундай баёнот бериши ақлга сиғадими?! Президентнинг ўзи шундай гапларни айтиб турган бир пайтда, оддий халқ нима дейиши мумкин?!

Эрондаги бошқарув тузуми, Ислом оламидаги бошқа барча тузумлар каби, Умматни оч қолдирган, унинг бойлик ва табиий захираларини йирик давлатлар ихтиёрига топширган, Ислом тузумини бошқарувдан узоқлаштирган ва куфр тузумлари асосида ҳукм юритишни маъқул кўрган тузумдир. Судхўрлик тизимини Эронда жорий этган ҳам айнан шу тузумдир.

Эронда ҳам, барча мусулмон юртларида ҳам асосий муаммо маъмурий муваффақиятсизликда эмас, балки татбиқ этилаётган бошқарув тузумининг ўзидадир. Чунки рувайбиза ҳукмдорлар мусулмонларга капиталистик тузумни бутун разолатлари билан мажбуран жорий этмоқда. Аллоҳ ва Унинг Росулига қарши очиқ уруш сифатида баҳоланадиган, мол-мулкни йўққа чиқарувчи ва инсонни Аллоҳнинг ғазабига гирифтор этадиган судхўрлик тизими бу разолатлар орасидаги энг хатарлиси эмас.

Эрон президентининг ўзи тан олган маъмурий муваффақиятсизликнинг ҳақиқий масъули — айнан унинг ўзидир. У ҳолда айтингчи, эй Масъуд Пезешкиян: Эрон нефть, газ, бойлик ва маъданларга тўла ўлка бўла туриб, нега халқи очликка дучор бўлмоқда?! Ахир бу ҳолат сизнинг аҳмоқона сиёсатларингизнинг бевосита оқибати эмасми?! Ислом асосида ҳукм юритишдан юз ўгирганингиз натижаси эмасми?!

Бошқа мусулмон юртлари ҳақида ҳам худди шуни айтиш мумкин. Рувайбиза ҳукмдорлар Умматнинг улкан бойликларини зое қилмоқда, уларни мустамлакачи кофирларнинг тасарруфига топширмоқда ва Умматни ана шу неъматлардан маҳрум этмоқда. Кейин эса улардан бири чиқиб, очликнинг сабабини «маъмурий муваффақиятсизлик» билан оқлашга уринмоқда!

Эй мусулмонлар!

Сизларни бошқараётган ҳукмдорларнинг аҳмоқлиги ҳар қандай ақли расо ва фаросатли инсон учун аллақачон ойдин бўлди. Улар бу вазифага мутлақо лойиқ эмаслар. Энди уларни бошқарувдан четлаштириш вақти келди. Чунки ақлсиз шахсга нисбатан шаръий ҳукм ана шундан иборат: у мол-мулк тасарруфидан маҳрум қилинади ва чекланади. Шу боис сизлардан Роббингиз ва Унинг Росули ﷺ рози бўлиши, халифа бойликларингизни қайтариб олиб, куч-қудратингизни тиклаши учун, юртларингиздаги судхўрлик тизимини бекор қилиб, Аллоҳнинг шариати асосида ҳукм юритадиган якка халифага байъат қилишингиз лозим. Мана, ўз аҳлига ҳеч қачон ёлғон сўзламайдиган етакчи — Ҳизб ут-Таҳрир — сизларни Пайғамбарлик минҳожи асосидаги иккинчи рошид Халифаликни барпо этиш йўлида ўзи билан ҳамкорликда ҳаракат қилишга чақирмоқда.

Ҳизб ут-Таҳрирнинг марказий матбуот бўлими