Шимолий Европа сафари: капиталистик кишанларнинг янги занжири

بِسْمِ اللهِ الرَّحْمٰنِ الرَّحِيمِ

Сўнгги кунларда “Ўзбекинвест” суғурта компаниясининг Скандинавия ва Шимолий Европа давлатлари бўлган Дания, Швеция, Финляндия бўйлаб қилган сафари ва у ердаги экспорт-кредит агентликлари EIFO, EKN, Finnvera билан имзолаган келишувлари расмий доиралар томонидан катта ютуқ сифатида тақдим этилмоқда. Аммо бу келишувлар моҳиятига теранроқ назар ташланса, уларнинг ортида юртимизни Ғарб капитали ва унинг муассасаларига янада қаттиқроқ боғлиқ қилиб қўйиш амалиёти ётгани аён бўлади.

1. Суғурта тизими – Ислом нуқтаи назарига кўра ножоиз бўлган ҳаром келишувдир. Чунки суғурта ширкатлари ва улар билан тузиладиган шартномалар Исломдаги битим шартларига мутлақ зид келади. Шунинг учун суғурта шартномаси ҳам, унинг ўзи ҳам, у орқали топилган мол ҳам шаръан ҳаромдир. У иқтисодий жиҳатдан мустамлакачи давлатларнинг кучсиз мамлакатлар бойликларини ўзлаштириш қуролидир. Чунки “Ўзбекинвест”нинг Скандинавия агентликлари билан тузган келишувлари юртимиздаги лойиҳаларни Ғарб суғурта компаниялари назорати остига ўтказишни англатади. Шунингдек, бу келишувлар, даъво қилинганидек, экспортни ривожлантириш учун эмас, аксинча юртимизни Ғарб капитали учун хавфсиз “хомашё базаси” ва “истеъмол бозори” бўлиб қолишини таъминлаш учун хизмат қилади. “Тижорий ва сиёсий хавфларни суғурталаш” деган ниқоб остида, аслида юртимизнинг сиёсий ва иқтисодий қарорлари устидан хорижий кучларга назорат дастаги берилмоқда.

2. Бизга “ўзбек экспортчилари учун янги бозорлар очилади” деб ваъда беришмоқда. Бироқ воқелик шуни кўрсатадики, Скандинавиянинг консерватив ва юқори стандартли бозорлари мусулмон ўлкаларининг маҳсулотлари учун доимо ёпиқ бўлиб келган. Аксинча, бу келишувлар Ғарбнинг юқори технологияли ва қимматбаҳо маҳсулотларини юртимизга олиб киришда уларнинг инвесторлари учун “хавфсизлик кафолати” бўлиб хизмат қилади. Яъни юртимиз бойликлари ва бюджет маблағлари Ғарб компанияларининг фойдасини кафолатлаш учун “суғурта мукофотлари” кўринишида Стокгольм, Копенгаген ва Хельсинки банкларига оқиб кетади. Бу – иқтисодий қарамликнинг юқори нуқтасидир.

3. RiskPoint Group, Aon ва Howden Re каби халқаро брокерлар билан музокаралар “Ўзбекинвест”ни жаҳон бозорига олиб чиқиш эмас, балки юртимиздаги ички капитални халқаро молиявий тизимнинг гирдобига ташлашдир. “Қайта суғурталаш” (reinsurance) механизми орқали бизнинг маҳаллий маблағларимиз яна ўша Ғарбнинг йирик капиталистлари қўлига бориб тушади. Улар бизнинг пулимиздан фойдаланиб, ўз иқтисодиётларини гуллаб-яшнатишади, бизга эса фақат “ҳамкорлик” ҳақидаги қоғозларни қолдиришади.

Ушбу келишувларнинг моҳияти янада теранроқ таҳлил қилинганда, биз капиталистик дунёқарашнинг мусулмон ўлкалари устидан ўрнатган иқтисодий жиловлаш тизимини кўрамиз. Шунга кўра, “Ўзбекинвест”нинг Скандинавия сафарини учта муҳим йўналиш бўйича янада кенгроқ ёритиш мумкин:

1. Суғурта агентликлари – иқтисодий разведка ва назорат механизми.

Скандинавиянинг EIFO, EKN ва Finnvera каби агентликлари шунчаки молиявий ташкилотлар эмас. Улар ўз давлатларининг ташқи иқтисодий сиёсатини юритувчи стратегик қуролларидир. Келишувда “маълумот алмашиш ва қўшма механизмларни ишлаб чиқиш” банди бор. Бу амалиётда Ўзбекистоннинг ички иқтисодий ҳолати, корхоналарнинг молиявий қуввати ва стратегик йўналишлари ҳақидаги маълумотларни Ғарб давлатларига очиб беришни англатади. “Сиёсий хавфларни суғурталаш” орқали Ғарб давлатлари Ўзбекистон ҳукуматига доимий равишда турли иддаолар остида босим ўтказиш имкониятига эга бўлади. Агар режимнинг сиёсий йўналиши уларга маъқул келмаса, суғурта кафолатлари тўхтатилади, бу эса иқтисодиётни сунъий равишда фалаж қилишга хизмат қилади.

2. Скандинавия модели – “яшил иқтисодиёт” ниқобидаги янги бозорларни англатади.

Дания, Швеция ва Финляндия дунёда “яшил технологиялар” ва “экологик стандартлар” бўйича етакчи ҳисобланади. Уларнинг суғурта компаниялари фақат ўзларининг “яшил” стандартларига мос келадиган лойиҳаларни қўллаб-қувватлайди. Бу эса, ресурс-энергия соҳасидаги мавжуд тизимлар “экологик хавфли” дея эълон қилиниб, Ўзбекистонни Ғарбнинг қимматбаҳо технологияларини сотиб олишга мажбур қилади. 

“Халқаро техник стандартларга ўтиш” дегани – ишлаб чиқаришнинг ҳар бир босқичида Ғарб компанияларига бож ва тўловлар тўлашни англатади. Сиз маҳсулот ишлаб чиқарасиз, лекин унинг “сертификати” ва “суғуртаси” учун фойданинг катта қисмини яна ўшаларга қайтарасиз.

3. Aon ва Howden Re каби компаниялар жаҳон молиявий олигархиясининг вакилларидир. Улар билан ҳамкорлик қилиш – юрт бойликларини халқаро биржалар ва трансмиллий корпорацияларнинг ўйинига тикиш демакдир. Улар куч билан эмас, “суғурта”, “кредит”, “инвестиция” ва “стандарт” каби атамалар билан юртларни ўзларига бўйсундирадилар. Шу сабабли, бу келишувлар Умматни янада чуқурроқ қарз ва қарамлик гирдобига етаклайдиган навбатдаги қадамдир.

Қачонгача Ғарбнинг иқтисодий тузоқлари “ютуқ” деб аталади? Ҳақиқий иқтисодий ривожланиш Скандинавия агентликларига ялиниш ёки уларнинг суғурта тизимларига кириш билан эмас, балки мустамлакачи капиталистик тузумдан бутунлай воз кечиш ва Исломнинг адолатли иқтисодий низомини татбиқ қилиш билан бўлади. Зеро, Уммат бойликлари кофир мустамлакачилар манфаатлари учун эмас, балки мусулмонларнинг фаровонлиги йўлида сарфланиши керак.

Ҳақиқий уйғониш эса, бу ўз бойликларини Ислом низоми асосида тасарруф этадиган, Ғарбнинг рибо асосидаги банклари ва ботил суғурта тизимларига боғлиқ бўлмаган иқтисодий қудратни тиклашдир. Бундай қудратни тиклаш Рошид Халифалик давлатини барпо қилиш орқалигина амалга ошади. Чунки ёлғиз мана шу Халифалик давлатигина мустамлакачи кучларнинг исломий юртлардаги ҳар қандай нуфузини синдириб, Аллоҳнинг қонунларини ҳаётнинг барча соҳаларига тўлалигича татбиқ қиладиган ҳамда мусулмонларнинг хотиржамлиги ва фаровонлигини кафолатлайдиган сиёсий вужуддир.

Бугунги кунда мусулмон юртларининг иқтисодий ва сиёсий жиҳатдан парокандалиги, Ғарбнинг суғурта, кредит ва “халқаро ҳамкорлик” ниқоблари остидаги янги мустамлакачилик услубларига кишанлангани фақат бир ечимга муҳтож, у ҳам бўлса, Умматнинг тарқоқ кучларини бирлаштирувчи, Аллоҳнинг изни билан, яқинда барпо этилажак Рошид Халифалик давлатидир. У Ғарбнинг судхўрликка асосланган банк тизимини ва алдамчи суғурта механизмларини бекор қилиб, ўрнига ҳалол ва реал ишлаб чиқаришга асосланган иқтисодий адолатни ўрнатади. Аллоҳ таоло марҳамат қилади:

﴿يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ﴾

– “Оғизлари билан (яъни ботил-беҳуда гап-сўзлари билан) Аллоҳнинг нурини ўчирмоқчи бўладилар. Ҳолбуки, Аллоҳ, кофирлар ёқтирмаса ҳам, ўз нурини тугал этгувчидир”.      (Соф:8)

Иззатуллоҳ

28.04.2026й

0

0