بِسْمِ اللهِ الرَّحْمٰنِ الرَّحِيمِ

Капитализм цивилизацияси «самара»ларидан бири

Мигрантлар АҚШ ҳибсхоналарида ноинсоний шароитдан азият чекмоқдалар

Ал-Жазира нет веб-сайтида (ҳижрий 1440 йил 15 зул-ҳижжа, милодий 2019 йил 16 август жума куни) нашр қилинган хабарда бундай дейилади:

«Вояга етмаган мигрантларни ҳибсда сақлаш шартларига доир ҳукумат тақдим этган шикоят аризасига жавобан АҚШ апелляция суди яхши овқатланиш, совун ва тиш пастаси соғлиқни сақлаш шартларидан бири бўлиб, вояга етмаган мигрантлар учун ҳибсда сақланаётган жойларида қонунан кафолатланиши лозимлигини таъкидлади.

Бундан олдин Апелляция иши жараёнида АҚШ ички ишлар вазирлиги билан адлия вазирлиги бу ҳақда фикр билдирган эди. Уларга кўра, 1997 йилда қабул қилинган соғлиқни сақлаш мажбуриятларига доир қонун вояга етмаган маҳбусларнинг ётоғи ва тиббий воситалар таъминланишини ўз ичига олмаган. Чунки мазкур нарсалар қонунда кўрсатилмаган».

Роя газетаси шарҳи:

Капитализмнинг асл ваҳший башараси мана шу. Унда инсонга инсон ўлароқ қаралмайди, балки фақат моддий манфаат нуқтаи назарида қаралади. Агар капиталистик давлатлар қочқинларга бошпана бериш керак деб билса, шуни қилади. Агар йўқ уларга бошпана берилмаслиги керак деб билса, уларни озиқ-овқат, совун, ётоқдан маҳрум қилиб, очликдан, совуқдан, касалликдан ва чўкишдан ўлиб кетишларига қўйиб беради. Американинг асл башараси ҳам мана шу. Бу давлат инсон ҳуқуқларини ҳимоя қилиш тўғрисида оғиз кўпиртириб гапиради-ю, аммо буни биринчи бўлиб ўзи оёқлари билан депсаб, ўзининг малай ва жиноятчи режимлари зулмидан қочиб келган халқлар олдида чегараларини ёпиб ташлайди. Чегара олдида ўлиб кетганлар ўтиб кетаверади, ўтишга муваффақ бўлганлар эса, ҳибсга олиниб, бу давлатнинг «бошпана марказлари», деб аталган ҳибсхоналарида ётоқсиз, озиқ-овқат ва дори-дармонсиз аҳволда сақланади.

Ҳатто АҚШда қонунан яшаётган юридик мигрантлар тўғрисида ҳам, Трамп маъмурияти янги қонун қабул қилди. Келаси биринчи октябрдан бошлаб кучга кирадиган бу қонунда Америкадаги юридик мигрантларга доимий яшаш гувоҳномаларини бермаслик айтилган. Маълумки, юридик мигрантлар тиббий имтиёзлар, озиқ-овқат карталари, имтиёзли тураржойлар ва ҳукумат ёрдамининг бошқа шаклларидан фойдаланишар эди.

Роя газетасининг 2019 йил 28 август чоршанба кунги 249-сонидан