بِسْمِ اللهِ الرَّحْمٰنِ الرَّحِيمِ

Саволга жавоб

Судан ва Эфиопия билан бўлган зиддиятлар

Савол: Суданнинг «Айн» номли ахборот тармоғи 2026 йил 9 ноябрда қуйидагиларни нашр этди: («Судан урушининг кўлами кенгайиши ва Шимолий Эфиопияда можароларнинг қайта авж олиши билан бирга, қўшма чегаралар бевосита низо иштирокчилари бўлган икки томондан ҳам ҳал қилувчи минтақавий ҳисоб-китоблар майдонига айланиб қолишидан хавотирлар кучайди…»). Ўз навбатида «Рейтерс» агентлиги 2026 йил 4 ноябрда эфиопиялик юқори мартабали амалдорга таяниб хабар беришича: («Мамлакат чегарадаги Асоса шаҳрида жойлашган Судан консуллигини ёпди ва у ерда ишлайдиган олти нафар дипломатга 48 соат ичида чиқиб кетишни буюрди»). Агентлик Судан расмийларига таяниб маълум қилишича, («Судан ҳукумати бунга жавобан Судан шарқидаги Ал-Қадариф шаҳрида жойлашган Эфиопия консуллигини ёпди ва у ерда ишлайдиган дипломатларни ҳайдаб чиқарди»). Судан Ташқи ишлар вазирлигининг муовини Суданда аккредитациядан ўтган дипломатик миссияларга тақдим этган ахбороти чоғида шундай деган эди: («Эфиопиянинг Асоса базаси Судан ҳудудига ҳарбий амалиётларда қатнашиш учун хорижлик жангчилар ва ёлланма аскарларнинг келиб ўтишини осонлаштириш билан бирга, Қўллаб-қувватлаш кучларини қурол-яроғ ва ҳарбий анжомлар билан таъминлайдиган марказга айланди… Судан янгиликлари, 2026 йил 4 ноябрь»). Хўш, икки давлат ўртасидаги бундай таранглик ортида нималар яширин? Шунингдек, Судан ҳукуматини исёнчи айирмачилар билан музокара столига ўтиришга мажбурлаётган АҚШнинг бунда қандайдир роли борми?

Жавоб: Юқоридаги саволларга жавоб равшан бўлиши учун қуйидагиларни кўриб чиқамиз:

• 1- Америка Дарфурни Судандан ажратиб олишни режалаштирмоқда… Унинг ўз президентининг араб ва осиё ишлари бўйича махсус вакили Масъад Булус орқали 2026 йил 20 июнда тақдим этган таклифи Суданни мамлакат миқёсида 90 кунлик муддатга кенг қамровли ва дарҳол гуманитар сулҳ эълон қилишни ўз ичига олган ҳужжат орқали мавжуд вазиятга таслим бўлишга чақиради… Биз 2026 йил 29 июлдаги саволга берилган жавобда шундай деган эдик: [«Инсонпарварлик ёрдамини етказиб бериш баҳонаси билан Америка таклифини ўз ичига олган сулҳ, агар у Тезкор кўмак кучлари каби исёнчи айирмачилар билан бўлса, бу уларнинг тузилмасини тан олиш ва уларни ўз ҳолича эътироф этиш ҳисобланади… Шунингдек, ҳужжатда («қўшинларни олиб чиқиш ва қайта жойлаштириш амалиётлари бўйича қадамлар қўйилишини ўз ичига олган хавфсизлик чора-тадбирлари») ҳақида сўз борганда, у Тезкор кўмак кучларининг мавжудлиги ва фаолияти давом этишини тасдиқлайди ҳамда уларни тарқатиб юбориш ва мавжудлигига чек қўйиш ҳақида гапиришдан қочади, аксинча, Тезкор кўмак кучларини қайта жойлаштиришга чақирганда уларнинг қолишини билвосита талаб қилади… У мамлакат армияси ва Тезкор кўмак кучлари каби уни парчалашга интилаётганларни тенглаштиради… Ҳужжатда («инсонпарварлик ёрдамини етказиб бериш, тинч аҳолини ҳимоя қилиш ва қочқинларнинг қайтиши учун шароит яратиш» баҳонаси билан «чекланган ҳарбий олиб чиқиш амалиётлари») га чақирилган… Бу эса ушбу кучларни тарқатиб юбормасдан ва мавжудлигига чек қўймасдан сақлаб қолишни тасдиқлайди… Ушбу ҳужжатда, шунингдек, («ўт очишни доимий равишда тўхтатишга эришиш ва фуқаролик ҳокимияти бошчилигидаги ўтиш жараёнини бошлаш учун музокаралар олиб бориш мақсадида сулҳ давридан фойдаланиш»)га чақирилганда Тезкор кўмак кучларининг мавжудлиги ва устунлиги қонунийлиги тасдиқланади, чунки у Тезкор кўмак кучларини айирмачи ва исёнчи кучлар сифатида эмас, балки Суданни бўлиб юбориш учун унинг айирмачи ҳукуматини эътироф этган ҳолда тилга олади»] ва биз яна шундай деган эдик: [«Маълумот учун айтамизки, Американинг сўнгги таклифи янги эмас, балки у эскидир. Бу таклиф Американинг «Тўртлик» (Америка, Саудия Арабистони, Миср ва Бирлашган Араб Амирликлари) номидан 2025 йил 12 сентябрда чиқарилган ҳамда доимий ўт очишни тўхтатишга олиб келадиган 3 ойлик инсонпарварлик сулҳига чақирувчи Америка таклифининг янгиланишидир»] Бу эса Американинг Дарфурни бўлиб юбориш мақсадини кўзлаган ҳолда Тезкор кўмак кучларининг Дарфур устидан назоратини тан олиш режасини тасдиқлайди…
• 2- Судан Американинг Булус ҳужжатини рад этганини эълон қилди ва айрим шартлар билан уни қабул қилишга тайёрлигини билдирди. Шу сабабли биз 2026 йил 29 июлда чиқарган саволга жавобда шундай деган эдик: […Судан ҳукуматининг 2026 йил 20 июндаги сўнгги Америка таклифига берган жавоби 2026 йил 25 июнда келиб тушди ва унинг тафсилотлари кейинроқ эълон қилинди. «Ал-Жазира» тармоғи 2026 йил 10 июлда Судан расмий манбаларига таяниб, ҳукуматнинг сўнгги Америка таклифига берган жавобини хабар қилди. Бу манбалар шундай деди: («Судан ҳукуматининг жавоби келтирилган иккинчи ҳужжатда қуйидагилар қайд этилган: „Тезкор кўмак кучларининг шаҳарлардан чекиниши ва уч босқич орқали аниқ жойларга тўпланиши: биринчиси 30 кун ичида амалга оширилади ва у Кўк Нил вилояти, Шимолий Кордофан ҳамда Шимолий, Марказий ва Ғарбий Дарфурдан чекинишни ўз ичига олади. Иккинчиси биринчи босқич якунлангандан кейин 30 кун ичида бошланади, бу Тезкор кўмак кучларининг Ғарбий Кордофан ва Жанубий Дарфур вилоятлари шаҳарларидан чекинишидир. Учинчиси: иккинчи босқич бажарилгандан кейин 30 кун ичида бошланади ва у Шарқий ва Жанубий Кордофан вилоятларидан чекинишни ўз ичига олади“. Тўпланиш жойи сифатида Тезкор кўмак кучлари билан иттифоқдош Абдулазиз ал-Ҳилу бошчилигидаги Халқ ҳаракатининг Шимолий қаноти қўрғони бўлган Кавода белгиланди…»)]. Демак, Судан ҳукуматининг Тезкор кўмак кучларидан ўзи эгаллаб олган шаҳарлардан чекинишини, сўнгра эса маълум жойларга жойлашишини талаб қилиши — бу уларнинг мавжудлигини тан олиш ҳамда уларни тарқатиб юбормаслик ва тугатиб юбормасликни англатади… Шуни таъкидлаш жоизки, Тезкор кўмак кучлари ҳукуматнинг чекиниш ёки музокаралар ўтказиш ҳақидаги талабларига осонликча бўйсуна қолмайди. Акс ҳолда, улар исён кўтармас, шунча ваҳшийликларни содир этмас, жиноятлар қўлламас ва миллионлаб одамларнинг кўчиб кетишига сабаб бўлмас эди. Улар билан боғлиқ масала фақат ҳарбий куч ишлатиш орқали уларни мутлақо йўқ қилиш қарори билангина ҳал қилинади.] Тугади.

• 3- АҚШ Давлат департаменти 2026 йил 23 сентябрда баёнот бериб, шундай деган эди: («Судан Қуролли Кучлари ва Тезкор кўмак кучлари ҳамда уларнинг қўмондонликлари Суданнинг конституциявий ҳукуматини ҳимоя қилмайди») ва АҚШ Давлат департаменти ўз баёнотида ўзининг *(«тинчликни тиклаш ва ҳокимиятни Судан халқига қайтаришга ҳаракат қилиши»)*ни даъво қилди. Шунингдек, баёнотда («иккала томондан ҳеч қандай шартларсиз инсонпарварлик сулҳини қабул қилишни ва фуқаролик ҳукуматига ўтишга олиб келадиган кенг қамровли сиёсий мулоқотга содиқ қолишни бир неча бор сўрагани») қайд этилди… (Ал-Жазира, 2026 йил 23 сентябрь). Бу сўзлар бевосита Бурҳоннинг ўзига қаратилган бўлиб, у давлатнинг расмий муассасаларидан бири бўлган армия қўмондони ва президентлик Сиёсий кенгаши номидан мамлакатни сиёсий жиҳатдан бошқариб турган шахсдир. Бу унинг ҳарбий қўмондон экани, сиёсатчи эмаслиги боис раҳбарлик сифатидаги эътирофини бекор қилиш билан қўрқитишдир. Ваҳоланки, у Америка ва бошқалар томонидан Суданнинг расмий президенти сифатида эътироф этилишига қаттиқ интилади.
• 4- Сўнгра Америка томонидан бошқа бир босим ҳам қўлланилди. Америка 2026 йил сентябрь ойида БМТ Бош Ассамблеясининг одатдаги йиллик йиғилишларида иштирок этиш ва нутқ сўзлаш учун Нью-Йоркка келиши лозим бўлган Бурҳонга кириш визасини беришни рад этди. Ҳолбуки, у Бош Ассамблеяга келган бошқа аъзо давлатларнинг барча президентлари ва вакиллари каби Суданни ифода этувчи энг олий расмий шахс эди… Америка буни Бурҳоннинг ўт очишни 90 кунга тўхтатиш ҳақидаги унинг таклифини ҳамда Америка президентининг махсус вакили Булус ҳужжатида келтирилган шартларни қабул қилиши билан боғлади… Бурҳон бу унинг хўжайини бўлмиш Америка томонидан ўз таклифларини қабул қилиш орқали ўз мамлакатини парчалаб юборишга рози бўлиши учун қилинаётган босим эканини тушуниб етди ва 2026 йил 26 сентябрда шундай деди: («Мамлакат ҳеч қандай босим ёки шантажга бўйсунмайди») ва яна шундай деди: («Бизнинг мақсадимиз бутун Суданни, ҳатто Дарфурни ҳам ана шу нопок кимсалардан тозалашдир») (Анадолу, 2026 йил 26 сентябрь). Шуни таъкидлаш жоизки, Американинг бу чекиниш вақтинчалик экани ҳақидаги кўрсатмасига кўра армияни у ердан деярли ҳеч қандай қаршиликсиз олиб чиқиб кетган ва Дарфурда барқарорлик ҳамда алоҳида давлат эълон қилинишига сабаб бўлган шахснинг ўзи айнан Бурҳон эди. Ваҳоланки, у мана энди: «Бизнинг мақсадимиз бутун Суданни, ҳатто Дарфурни ҳам ана шу нопок кимсалардан тозалашдир», демоқда!
• 5- Демак, Америка томонидан Суверен кенгаш раиси Бурҳон бошчилигидаги Судан ҳукуматига қарши амалга оширилган шунча дипломатик босимлардан сўнг, улар бу босимни Эфиопия воситасида ҳам ўтказишни мақсад қилгани кўриниб турибди… Шу сабабли ҳам Эфиопия бош вазири Аби Аҳмад октябрь ойининг охирида Россиядан «Сухой» русумидаги 12 та ҳарбий самолётни қабул қилиб олаётган пайтда шундай деган эди: («Қирувчи самолётлар мамлакатнинг стратегик жиҳатдан тўсқинлик қилиш қобилиятини янада кучайтиради. Бироқ бу ҳарбий самолётларнинг қўлга киритилиши ва дипломатик кескинлик Судан билан кенг кўламли тўқнашув муқаррар эканини англатмайди, ҳамда ҳар икки томон учун юзага келадиган оғир юкларни ҳисобга олган ҳолда, ҳозирги босқичда тўғридан-тўғри уруш ҳақида гапириш ҳали эрта…» Судан янгиликлари, 2026 йил 4 ноябрь). Ушбу баёнотда Суданга қарши уруш бошлашга тайёрлиги ҳақида ишора мавжуд бўлиб, у ўз ичига таҳдидни олган, айниқса бу илғор ҳарбий самолётларга эга чиқилгани ҳақидаги гаплар билан биргаликда тилга олинса. Бундан олдинроқ, Судан Суверен кенгаши 2026 йил 1 ноябрда эълон қилган ҳисоботда қуйидагилар қайд этилган эди: («2026 йилнинг февраль ва октябрь ойлари оралиғида Эфиопия ҳудудидан учирилган, жумладан 187 та дронни ўз ичига олган 70 та ҳужум қайд этилган»). Ҳисобот Судан Ташқи ишлар вазирлиги томонидан Ҳарбий разведка ва Бош разведка бошқармаси билан ҳамкорликда тайёрланган бўлиб, унда яна шулар ҳам келтирилган эди: («Мазкур ҳужумлар оқибатида 484 нафар тинч аҳоли вакили ҳалок бўлди ва жароҳат олди, Кўк Нил, Хартум ва бошқа ҳудудларда шифохоналар, аҳоли яшаш пунктлари, ёқилғи ва электр мажмуаларини нишонга олган ҳолда армиянинг 176 нафар аскари ўлдирилди»… «Судан трансчегаравий амалиётлар учун халқаро жавобгарликни Эфиопия зиммасига юклайди ҳамда ундан ўз ҳудудига қарши уюштирилаётган ҳужумларни зудлик билан тўхтатишни ва Тезкор кўмак кучлари томонидан фойдаланилаётган Эфиопия иншоотларини ёпишни талаб қилади»… «Судан мазкур ҳаракатлар натижасида етказилган зарарлар ва вайронагарчиликлар юзасидан айбдорларни жавобгарликка тортиш ҳамда товон пулларини олишга интилмоқда»), шунингдек ҳисоботда («ўтган ой Кўк Нил вилоятидаги Вад ал-Маҳи ҳудудида қочқин оилаларни нишонга олган ҳужум оқибатида 30 нафар тинч аҳоли, жумладан 26 нафар аёл ва 4 нафар бола ҳалок бўлгани») кўрсатиб ўтилган (Франс Пресс, Ал-Жазира, 2026 йил 1 ноябрь). Судондаги тузум ўн ой давомида сукут сақлаб келиб, сўнгра Эфиопиядан дронлар учирилгани, улар юзлаб тинч аҳоли ва ҳарбийларни ўлдиргани ва яралагани ҳамда электр станциялари ва инфратузилмаларга вайронагарчилик ва зарар етказганини эълон қилиб чиқмоқда! Ва у мазкур ҳужумларга қарши ҳеч қандай жавоб қайтармасдан туриб, Эфиопиядан бу ҳужумларни тўхтатишни, исёнчи ва айирмачи Тезкор кўмак кучларига қарашли иншоотларни ёпишни ҳамда товон пулларини тўлашни талаб қилишга ўтди! Бу эса тузумнинг ожизлиги ва лоқайдлигидан далолат беради. Бу ҳолат бошқаларнинг унга нисбатан куч кўрсатишига, унга ҳужум қилишига ҳамда унинг рақиблари ва исёнчи айирмачиларни қўллаб-қувватлашига сабаб бўлмоқда.
• 6- Судондаги тузум энг кўп мурожаат қиладиган нарса бу — ўзига қарши ишлайдиган ҳамда уни айирмачилар билан музокара қилишга, шу орқали уларни тан олиш ва мамлакатни улар билан бўлишиб олишга тайёргарлик кўришга чақирадиган Бирлашган Миллатлар Ташкилотидир. Шу сабабли Судан Ташқи ишлар вазирлиги 2026 йил 1 ноябрда Эфиопияга қарши БМТ Хавфсизлик Кенгаши ва Африка тинчлик ва хавфсизлик кенгашига шикоят киритилганини эълон қилди. Суверен кенгаш раисининг маслаҳатчиси Амжад Фарид шундай деди: («Эфиопия Суданни бевосита тўқнашувга тортишга интилмоқда ва Хартум Судан ҳудудини нишонга олган дрон ҳужумлари туфайли Аддис-Абебага қарши БМТ Хавфсизлик Кенгашига расмий шикоят киритди»). У яна шундай деди: («Судан дронлар Эфиопия ҳудудидан учирилганига амин бўлди ва шикоятда мазкур ҳужумлар ҳақидаги тафсилотлар ҳамда далиллар ўз аксини топди») (Ал-Арабия, 2026 йил 2 ноябрь). Бундан олдинроқ, 2026 йил 28 октябрда Судан мудофаа вазири Судан ахборот агентлигига берган баёнотида шундай деган эди: («Йигирмадан ортиқ давлат Тезкор кўмак кучларини моддий-техник таъминот, ёлланма аскарлар, маблағ ва дронлар билан қўллаб-қувватлаш орқали Суданда давом этаётган урушда иштирок этмоқда»). Агар Судан ҳокимлари мамлакатга қарши катта фитна тўқилаётганини англаб етсалар, уларнинг бурчи — Тезкор кўмак кучларини тор-мор қилиш, мамлакат тақдири билан ўйнашаётган ташқи қўлларни кесиб ташлаш ва умумий сафарбарлик эълон қилишдир. Чунки Эфиопиянинг қилмишлари Суданга қарши эълон қилинган уруш билан баробардир, улар Америка раислик қиладиган ҳамда ёнида Британия, Франция ва бошқалардек Суданни парчалаб ташлаш учун тил бириктираётган давлатлар турган Хавфсизлик Кенгашига мурожаат қилишлари керак эмас!
• 7- Эфиопияга қарши қилинган бу айбловлар ва БМТ Хавфсизлик кенгашига қилинган шикоятдан сўнг икки давлат ўртасидаги таранглик янада кучайди ва улар бир-бирларига қарши дипломатик чоралар кўришди. «Рейтерс» агентлиги 2026 йил 4 ноябрда эфиопиялик юқори мартабали амалдорга таяниб хабар беришича: («Мамлакат чегарадаги Асоса шаҳрида жойлашган Судан консуллигини ёпди ва у ерда ишлайдиган олти нафар дипломатга 48 соат ичида чиқиб кетишни буюрди»). Агентлик Судан расмийларига таяниб маълум қилишича: («Судан ҳукумати бунга жавобан Судан шарқидаги Ал-Қадариф шаҳрида жойлашган Эфиопия консуллигини ёпди ва у ерда ишлайдиган дипломатларни ҳайдаб чиқарди»). Ташқи ишлар ва халқаро ҳамкорлик вазирлигининг муовини элчи Муовия Усмон Холид Судонда аккредитациядан ўтган дипломатик миссияларга тақдим этган ахбороти чоғида шундай деган эди: («Эфиопиянинг Асоса базаси Судан ҳудудига ҳарбий амалиётларда қатнашиш учун хорижлик жангчилар ва ёлланма аскарларнинг келиб ўтишини осонлаштириш билан бирга, Қўллаб-қувватлаш кучларини қурол-яроғ ва ҳарбий анжомлар билан таъминлайдиган марказга айланди…») (Судан янгиликлари, 2026 йил 4 ноябрь). Демоқчимизки, Эфиопиянинг ўзи айбдор ва тажовузкор бўла туриб, гўёки ўзига тажовуз қилингандек ҳаракат қилмоқда ва ўзига қарши қаратилган айбловлар ҳамда шикоятга норозилик сифатида Судан консуллигини ёпмоқда… Судан эса фақат дипломатик тарзда муқобил жавоб қайтариш билан чекланмоқда, холос, аммо Суданга қарши уюштирилаётган ҳужумлар бошланган Эфиопиядаги ҳарбий базаларга ҳужум қилмаяпти!
• 8- Шундай қилиб, Эфиопия билан юзага келган кескинлик Американинг Дарфурни ажратиб олиш режасига боғлиқ мақсадларни кўзлаши кўриниб турибди, гарчи Эфиопиянинг Суданга қарши тил бириктиришдан яна бошқа маҳаллий манфаатлари бўлса ҳам. У фақатгина Американинг кўрсатмаси билан Судан ички ишларига аралашади, бундан олдин эса Жанубий Суданнинг ажралиб чиқишини ҳам қўллаб-қувватлаган эди. Эфиопиянинг Суданга қарши таҳдидлар ва фитналарда иштирок этиши унинг ўзига ҳам манфаатлидир. Чунки бунга Улуғ Эфиопия Эҳё Тинчлик Дамбаси инқирози сабаб бўлиб, Эфиопия уни барпо этган ва у Мисрга қанчалик зарар етказса, Суданга ҳам шунчалик зарар етказади. Иккала давлат ҳам бунга эътироз билдириб, уч давлат ўртасидаги сувларни тақсимлаш тўғрисидаги битимни бузаётганини таъкидламоқда. Шу тариқа, мазкур тўғон минтақада Америка 2011 йилдан бери Эфиопияни уни қуришга рағбатлантирганидан кейин қазиб кетган таранглик ўчоғига айланди. Бу эса ушбу мамлакатлар ўртасида низо ва келишмовчиликларни келтириб чиқариш орқали Америкага мазкур юртларга аралашиш ва ўз таъсирини кучайтириш ҳамда улар ўзига мурожаат қилиши ва уларни бошқариб туриши учун имкон яратади. Шу сабабли ҳам 2026 йил 2 ноябрда Судан ва Миср ўртасидаги 2+2 маслаҳатлашув механизмининг иккинчи босқич йиғилишларида, яъни иккала мамлакатнинг ташқи ишлар ва сув хўжалиги вазирлари иштирокида қуйидагича баёнот берилди: («Икки мамлакат Суданнинг бирлиги ва яхлитлигига қарши ҳар қандай таҳдидни қатъиян рад этишини тасдиқлади ҳамда Суданда барқарорликни тиклаш учун ўзаро мувофиқлаштиришни кучайтиришга қарор қилди. Улар Нил дарёси қуйи қисмидаги икки давлатнинг сув хавфсизлигини ҳимоя қилиш ҳамда 1959 йилги битимга мувофиқ икки мамлакатнинг сув ҳуқуқлари ва ундан фойдаланиш имкониятларини тўлиқ сақлаб қолиш ҳамда бу ҳуқуқлар поймол қилинишига йўл қўймаслик лозимлигини келишиб олдилар. Шунингдек, улар Эфиопиянинг бир томонлама қурилган тўғони… оғир оқибатларга олиб келиши ва Нил дарёси қуйи қисмидаги икки давлат учун доимий таҳдид эканини эътироф этдилар»… «Ал-Араби ал-Жадид» ва «Судан янгиликлари», 2026 йил 2 ноябрь). Демак, Эфиопия учун Миср ва Суданга зарар етказадиган лойиҳаларига Судан қарши чиқа олмаслиги учун уни заифлаштириб қўйишдан манфаатдордир. Бу ҳолат Мисрни ҳам заифлаштиради, чунки у Судан жабҳасини йўқотгани ва Эфиопия чегараларидан узоқлашиб қолгани сабабли Эфиопияга қарши тура олмай қолади… Гарчи Миср тузуми бу тўғон қурилишининг олдини олиш учун илк кундан бо ҳаракат қилмасдан, то унинг қурилиши тугагунча кутиб тургани ва шундан кейингина гапира бошлагани унинг ҳеч қандай амалий иш қилишга жиддий ёндашмаётганидан далолат берса ҳамда ҳаракат қилмаслик борасида Америка буйруқларига бўйсунишини кўрсатса ҳам.
• 9- Шу тариқа, Америка мамлакатни парчалаб ташлаш, хусусан, Дарфурни ажратиб олиш мақсадида Суданга қарши янги босим омилини ишга солмоқда… Судан армиясини «Тезкор кўмак кучлари» билан тенглаштириш ҳақидаги Америка баёнотларидан тортиб, Булуснинг таклифларига, Бурҳонга виза берилишининг тақиқланишига ва ниҳоят Эфиопияни янги босим воситаси сифатида киритилишигача бўлган барча ҳаракатлар — худди Жанубий Суданда қилингани каби Дарфурни ҳам ажратиб юбориш учун шароит яратишга қаратилган!! Судан ҳукмдорларидан Дарфурни қайтариб олиш ва унинг ажралиб чиқишининг олдини олиш борасида бирор-бир жиддий қадам ташлаш кутилмайди. Улар одамларни алдаш, бу ерда ёки у ерда ҳудудлар қайтариб олинганини кўрсатиш ҳамда охирги жанг Дарфур томон бўлишини уқтириш учун ўз қўшинларини бошқа ҳудудларда жанг қилдирмоқдалар… Буларнинг барчаси Ҳамидтий ва унинг Тезкор кўмак кучларининг Дарфур вилоятидаги ҳукмронлигини мустаҳкамлаш ҳамда уни ажратиб олишга тайёргарлик кўриш учун қилинаётган фирибгарликлардир. Чунки бунинг олдини олишни истаган одам асосий дард манбаси бўлган Дарфур вилоятига ҳужум қилади, барча кучларини бир жойга тўплайди ва айнан ўша томон ҳаракатланиб, ўша ердаги ёмонлик бошини қирқади. Шунда Ҳамидтий ва унинг кучлари назорат қилаётган бошқа ҳудудлар ҳам ўз-ўзидан қулайди ва улардан ҳеч қандай из ҳам қолмайди. Бу ҳукмдорлар Американинг хоҳиш-истакларини бажарган ҳамда мамлакатни шу аҳволга солган хоинлар бўлгани боис улардан ҳеч қандай яхшилик кутиб бўлмайди. Шунинг учун ҳам уларни ҳокимиятдан четлаштириш ҳамда уммат ичидан чиққан содиқ, онгли сиёсий раҳбариятни — Ҳизб ут-Таҳрир раҳбариятини олиб келиш лозим. Токи улар Халифаликни эълон қилиб, исёнчилар, осийлар, қуролли тўдалар, айирмачилар ва жосусларга нисбатан Ислом ҳукмларини татбиқ этсинлар, мамлакатни ички ва ташқи душманларнинг ёмонликларидан асрасинлар, шу ифлос уруш туфайли сарсон-саргардон бўлган юртдошларига тинчлик, осойишталик ва бошпана яратиб берсинлар… Бу Аллоҳнинг изни билан албатта амалга ошади. Расулуллоҳ соллаллоҳу алайҳи васаллам Аҳмад, Таёлисий ва Баззор ривоят қилган ҳадисда шундай деганлар: «Сўнгра пайғамбарлик минҳожи асосидаги Халифалик бўлади». Бу мўминларнинг билаклари (куч-қуввати) ҳамда Азиз ва Ҳаким зотнинг нусрати-мадади билан содир бўлади:

﴿يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُم * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُمْ﴾

Эй мўминлар, агар сизлар Аллоҳга ёрдам берсангизлар, У зот ҳам сизларга ёрдам берур ва кадамларингизни собит-барқарор қилур. Кофир бўлган кимсалар учун эса ҳалокат бўлур ва (Аллоҳ) уларнинг амалларини зое кетказур. [Муҳаммад: 7-8]

1 Жумодул охир 1448ҳ

11 ноябр 2026м