بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мусулмонлар рошид Халифалик давлати йўқлиги пайтида ўз юртларидан қувғин қилинмоқдалар, уй-жойсиз қолиб, ерни тўшак, осмонни ёпинчиқ қилмоқдалар

Сурия-Иордания чегарасида 70 минг қочқин

Ўтган пайшанба «Чегарабилмас шифокорлар» ташкилоти Сурия-Иордания чегарасида туриб қолган қочқинларга ёрдам ва озиқ-овқатлар етказиб берилишини қайта йўлга қўйиш зарурлигига чақирди. Бу қочқинлар Иордания чегарачилари томонидан чегаралар ёпиб қўйилиши ортидан Иорданияга киритилмаётган эди.

Ташкилот Рикён ва Ҳадлат минтақаларида тўпланиб қолган қочқинларга етказиб берилган ёрдамлар, сувлар жуда оз миқдорда бўлганини таъкидлайди. Уларнинг озиқ-овқат, сув ва тиббий ёрдамнинг қайта етказиб берилишига жуда муҳтожликларини, буни кутиб бўлмаслигини алоҳида урғулайди.

Ташкилотнинг амалиётлар бошқарувчиси Бану Ду Ғариз, ёрдамлар етказиб берилишининг ўзи етарли эмаслигига, балки минтақани нишонга олган бомбардимонлардан қочиб чиққан қочоқларнинг халқаро ҳимояга ва хавфсиз жойга муҳтож эканига эътиборни қаратди. Иорданиянинг бир ўзини уруш оқибатларига ташлаб қўймаслик керак, балки минтақа ичкариси ва ташқарисидаги барча давлатлар бу бошпана изловчиларни хавфсиз жой билан таъминлаш учун кенг кўламда ҳаракат олиб боришлари ҳам зарур, дея қўшимча қилди.

Ғариз чегараларни беркитиб олиш оқибатларидан огоҳлантириб, бундай дейди: «Ҳозирги вазият шу ҳолда давом этаверса, ўлим ҳолатларига гувоҳ бўламиз, қочқинларга ёрдам етказиб бериш орқали бу ҳолатларнинг олдини олишимиз мумкин». (Даруру Шомия сайти).

Роя газетасининг 2016 йил 6 июл чоршанба кунги 85-сонидан