بِسْمِ اللَّـهِ الرَّحْمَـٰنِ الرَّحِيمِ

Нетаняхунинг ташрифи бузғунчи ташриф бўлиб, олқиш ва меҳмоннавозликка ҳақли эмас: Сенинг ва давлатинг қўли қуролсиз бегуноҳ инсонлар қонига ботган

Айни пайтда яҳудийлар давлати бош вазири Бенямин Нетаняху Африкадаги Жанубий Саҳро давлатларига сафар қилмоқда. У ўз турнесини Угандадан бошлаб, унинг ортидан 2016 йил 4 июлда Кенияга, сўнг Руандага сафар қилади ва Эфиопияда тамомлайди. Бу сионистлар раҳбарининг 1994 йилдан бери Африкага қилаётган биринчи сафари ҳисобланади. Ўшанда яҳудийлар давлатининг бешинчи бош вазири Исҳоқ Рабин Марокашга сафар қилган эди. Нетаняху айни сафарини «Исроил миссиясининг Африкага қайтиши», деган маънода «лакмус қоғоз», деб номлади. Бу қабиҳ кимса Африка давлатларини кезар экан, ўзини тинчлик тарғиботчиси, терроризмга қарши курашчи, айни давлатлар билан дипломатик алоқалар ўрнатиб, у ердаги қишлоқ хўжалик ва тиббиёт секторларига ёрдам берувчи қилиб кўрсатмоқда.

Биз Ҳизб ут-Таҳрир-Кения аъзолари айни зиёратга қуйидаги кескин сўзларимиз орқали шарҳ бермоқчимиз:

Биринчидан: ҳеч шубҳа йўқки, бу сионистик бошқарув режими содир этган даҳшатли жиноятларга нисбатан бутун дунёда, шу жумладан, Африкада ҳам чексиз нафрат мавжуд. Шу боис, айни зиёратдан Африка давлатлари унинг репрессив бошқарувини қўллаб-қувватлашда давом этиши учун бу давлатларни авраш кўзда тутилган. Шуниси эътиборга лойиқки, бир нечта Африка давлатлари 1973 йил уруши ортидан, яъни Миср Сурия билан биргаликда бу жинояткор давлатга қарши қақшатқич уруш олиб борганидан сўнг у билан алоқаларни норасмий тарзда узиб қўйишган эди. Аммо бутун Африка қитъасига ҳамон заиф раҳбарлар ҳукмронлик қилаётгани, улар ажнабий сиёсий босимга қарши курашолмаслиги афсусланарли ҳол. Чунки улар ҳамон янги мустамлакачилик қуллари бўлиб қолмоқда ва аслида ҳам улар мустақил эмас. Бу эса, ўз навбатида, уларни мустамлакачи ва уларга малай давлатларнинг курашларида тайёр ўлжага айлантирмоқда.

Иккинчидан: Аслида, Нетаняху қабиҳ, мақтанчоқ, алжирайдиган ва кўнгли тусаган ишни қиладиган кимса. Анархиянинг мангу рамзи ҳисобланган бундай одам тинчлик ва интизом тарғиботчиси бўлиши мумкинми?! Нетаняху тинчлик ва интизомни муҳокама қилишга вақт сарфлашга арзийдиган кимса эмас. Чунки америкалик диндорлар ҳимояси остида машҳур «жаҳаннам амалиёти»да Фаластин Озодлик ташкилоти фронтига қарши пистирмага етакчилик қилган мана шу кимса бўлади. У 1968 йилги «ҳолдан тойдириш уруши» бўлган махсус Карома жангида қўллари қонга беланганини одамлар унутган, деб ўйлаяпти шекилли?! Бу аёллар, болалар ва қариялар қотили ҳокимиятдалик пайтида «тинчлик шартномаси»ни бузганини ҳеч ким билмайди, деб ҳисоблаяпти шекилли?! Бундай кимса меҳмоннавозликка мутлақо лойиқ эмас. У фаластинликлар билан тинчликни муҳокама қилар экан, бу нарса фақатгина ваҳший аскарларининг ҳеч бир хавф, интиқом ёки жазога дуч келмай, бегуноҳ фаластинликлар қонини тўкишини англатади.

Учинчидан: Ҳозир шу нарса аниқки, терроризмга қарши уруш терроризм ва террористлар таърифини тузаётган ғарблик кофирларга нисбатан ҳаёт-мамот масаласидир. Яна шуниси аниқки, улар Африка давлатларини шу урушга тортишга ҳаракат қилишмоқда. Ваҳоланки, аслида, бу Ислом ва мусулмонларга қарши урушдир. Ғарблик мустамлакачилар Кениядан иборат Африка давлатлари ресурсларини ташиб кетишлари осон бўлиши учун мана шундай «терроризмга қарши кураш», деган нарсани ўйлаб топишганини бу давлатлар яхши англаб етишлари лозим. Маълумки, Моссад разведка агентлиги Африка давлатлари билан – жумладан, Кения билан ҳам – «терроризмга қарши кураш»ни баҳона қилиб, мусулмонларни судсиз ўлдириб юбориш амалиётларида ҳамкорлик қилади. Дунёда энг ифлос террорист давлат «Исроил»дир. Чунки у Фаластин ерида бадбашара яҳудийлар борлиғини қуриш асносида унинг аҳлини ўз юртидан қувиб чиқарди, уларнинг 700.000дан зиёд уй-жойини ёқиб ташлаб, дунёда энг манфур террорга қўл урди. Бироқ бу давлатнинг айни қилмиши ҳалигача террористлик ҳисоблангани йўқ. Демак, бу терроризм таърифи фақат бир томондан, яъни яҳудийлар давлати ҳимоячиси АҚШ томонидан белгиланиши кундек равшан. Шуларга қарамай, яна Нетаняху Руандага ташриф буюриб, 1994 йилги қатли ом ҳақида нутқ сўзламоқда! Модомики, терроризм воқеда бор экан, террористлар рўйхатининг биринчи қаторида туриши керак бўлган АҚШ ва «Исроил» унинг асосий қўллаб-қувватловчиси бўлиб қолаверади.

Тўртинчидан: Африка давлатлари раҳбарлари ўз халқларининг соғлиқни сақлаш, таълим, транспорт каби соҳалардаги эҳтиёжларини қондиришда ҳамон ажнабий ёрдамларга таянишмоқда. Бу жуда шармандали ҳолат. Яҳудийлар давлати билан Африка ўртасидаги савдо муносабатларидан мақсад капиталистик ярим ҳукумат ташкилотларининг Африка иқтисодиётини ўз назоратлари остида ушлаб туришларидир. Бу юртларнинг иқтисодий жиҳатдан ҳануз талон-тарож қилиниб, ҳеч бир сабабсиз таъқибга учраши очкўз капиталистик мабдани қабул қилишдек, хато қарор қабул қилганига бориб тақалади. Шунингдек, бу қитъани хориждан – эгалари учун улкан фойдалар келтирувчи – кредитлар олиш билан иқтисодий қийинчиликдан қутқариб бўлмайди.

Бешинчидан: шу нарса яққол кўриниб турибдики, бу жинояткор қотил Африкага олиб келган нарса бутун дунёни иқтисодий, сиёсий ва ижтимоий жиҳатдан мустамлака қилиб келаётган капитализм чангалларини яширишга уринишдан ўзга нарса эмас. Шубҳасиз, унинг айни сафари америкалик раҳбарлар томонидан берилган кўрсатмалар натижасида уюштирилган. Зеро, яҳудийлар давлатини мусулмонларни ўлдиришдек манфур жиноятларида қўллаб-қувватловчи давлат Америкадир.

Яҳудийлар давлатининг Аллоҳ Таолонинг бандаларига қарши қилаётган қабиҳликларидан тийиб қўя оладиган давлат ёлғиз Пайғамбарлик минҳожи асосидаги рошид Халифалик давлатидир. Чунки айнан шу давлат яҳудийлар такаббурлигига, зулмига, зўравонлигига чек қўйишга қодир. Яҳудийларни ҳамма нафратланадиган махлуқотларга айлантирган бу каби сифатлар ҳақида Аллоҳ Субҳанаҳу ва Таоло Ўзининг Қуръони Каримида зикр қилган.

Шаъбон Муаллим

Ҳизб ут-Таҳрирнинг

Кениядаги матбуот бўлими вакили

Телефон: +254 737 606 667 – +254 717 606 667

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">abuhusna84@yahoo.com