بسم الله الرحمن الرحيم

Матбуот баёноти

Президент Башир «Судан бирлигини қурбон қилдик, бирлик ва тинчлигимизни йўқотдик» деб айтиши билан Ҳизб ут-Таҳрир гапириб келган, у эса одамларни эшитишдан қайтарган ҳақиқатни тан олмоқда!

Кигали шаҳрида бўлиб ўтган Африка давлатлари олий даражадаги саммити чоғида «CNBC» телеканалига берган интервьюсида президент Башир «2005 йили урушга барҳам бериш учун тинчлик битимига имзо чекиш»гани тўғрисида гапириб, «Биз Судан бирлигини қурбон қилдик ва юрт иккига бўлинди, асосий мақсадимиз тинчликка эришиш эди… бироқ, минг афсуски, ҳозирда бирлик ҳам йўқ, тинчлик ҳам», деди!

Президент Башир Судан шимоли ва жанубида хавфсизлик ва тинчлик ўрнатиш тўғрисидаги битимининг имзоланиши хавфли бўлганини тан олаётган экан, бунга нисбатан қуйидаги фактларни келтириб ўтмоқчимиз:

Биринчидан: Биз Ҳизб ут-Таҳрир-Судан вилояти аъзолари президент Башир ва унинг ҳукуматини айни машъум бўлинишнинг хавфли эканидан, унинг ортида Америка турганидан, режаларини тузиб, ўзаро жанг қилаётган томонларга уни тиқиштирганидан тинмай огоҳлантириб келдик. Бироқ ҳукумат бундан тегишли сабоқ олмади. Аксинча, қулоқларини беркитиб олди, юртимиз бойликларига кўз олайтираётган мустамлакачи кофир Ғарб режаларига эса қулоқ солди, ниҳоят, шу ифлос жиноятга қўл урди… У жанубни бўлиб, уни уруш балосига гирифтор қилди!

Иккинчидан: Ҳизб ут-Таҳрир-Судан вилояти Суданнинг тақсимланиш режасини фош этди: Ҳизб жанубнинг бўлиниши юз беришидан олдин бунга норозилик билдириш ҳамда Уммати исломияга бўлинишнинг хатарини тушунтириш учун улкан тадбирлар ўтказди. Жумладан, бу ҳақда бозорларда, масжидларда, жамоат жойларида минглаб варақалар тарқатди, турли ахборот воситалари ва журналистлар учун қатор матбуот баёнотлари чиқарди, катта залларда форумлар ўтказди, халқни намойишларга олиб чиқди, қуролли кучлардан иборат Уммат фарзандлари ғайратини қўзғашга ҳаракат қилди, учта катта шаҳар билан бирга, пойтахтда кўп кишилик юришларни ўтказди. Шунингдек, Ҳизб парламент олдида намойишлар уюштириб, юртдаги нуфузли шахсларга очиқ хатлар юборди, уларни Суданни парчалаш режасидан огоҳлантирди, ҳукуматга, мухолафатга, сиёсатчиларга, матбуот ходимларига ва оддий одамларга заррача узр қолдирмай, Суданнинг бутун аҳлига мурожаат қилиб, яқинда имзоланадиган бўлиниш битимига қарши чиқишга чақирди, бунинг оқибати фуқароларга мусибат, юртга вайронагарчилик олиб келишидан огоҳлантирди. Бироқ ҳукумат қаттиқ туриб, собиқ ҳукуматлардан бирортаси амалга оширмаган шу режани амалга оширди!

Учинчидан: Жанубнинг бўлинишига афсус-надомат чекаётган Президент Башир Ҳизб ут-Таҳрирнинг Суданни бўлиниши режасини фош этувчи насиҳатига қулоқ солиб, уни қабул қилиш ва режани барбод қилишга ҳаракат қилиш ўрнига, хавфсизлик ходимларини Ҳизб йигитларига қарши сафарбар қилди. Хавфсизлик ходимлари Ҳизб йигитларини қувғин қилди, асоссиз равишда ҳибсга олди, маҳкамага топшириб, жиноий иш очди, тазйиқлар ўтказди. Ҳатто йигитларимиз депутатларга очиқ маъруза қилаётганларида, уларни машъум Найваша битимини қабул қилишдан огоҳлантираётганларида парламент залида ҳибсга олди!

Сўзимиз ниҳоясида бундай деймиз: Фақат тилда афсус билдириб, амалда ҳеч нарса қилмасликдан фойда йўқ. Хатони ўнглаш учун ҳали ҳам фурсат бор. Президент Башир Ҳизб ут-Таҳрирнинг бундан 13 йил муқаддам Мишакус битими пайтида айтган ва огоҳликка чақирган сўзларини ўша пайтдаёқ тушуниб етган. Демак, у айни муаммони тубдан ҳал этмоғи лозим. Ечим фақатгина шу пайтга қадар қилган насиҳатларимизни адо этишда, яъни Исломни барпо этишдадир. Бу эса Пайғамбарлик минҳожи асосидаги рошид Халифалик давлатида исломий ҳаётни қайта бошлаш учун Ислом аҳкомларини татбиқ ва ижро ўрнига қўйиш билан амалга ошади. Зеро, Халифалик давлати бутун дунёга етакчилик қилиб, унинг ҳамма ерига эзгулик улашган ҳамда юрту фуқаро муаммоларини муолажа қилган. Чунки у Ҳаким ва Хабир Аллоҳнинг буйруғидир.

Аллоҳ Таоло бундай деди:

أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّـهِ حُكْمًا لِّقَوْمٍ يُوقِنُونَ

«Динсизлик ҳукмрон бўлишини исташадими, имонлари комил бўлган қавм учун Аллоҳдан ҳам гўзалроқ ҳукм қилувчи ким бор?!»    [Моида 50]

Ҳизб ут-Таҳрирнинг Судан вилоятидаги матбуот бўлими

Телефон: 0912377707 – 0912240143

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">spokman_sd@dbzmail.com