بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Сиёсий кенгаш, ёлғон ваъдалар ва авф қилиш иддиоси!

Ҳусий жангарилари ва Али Солиҳ тарафдорлари Ҳизб ут-Таҳрир аъзоси шайх Ҳусайн Наср (Абу Билол)ни ҳамон ҳибсда ушлаб турибди. Ҳижрий 1437 йил 13 зул-қаъда, милодий 2016 йил 16 августда Имрон районида сохта айбловлар ва асоссиз шубҳалар билан ҳибсга олинган шайх қанд касаллиги билан оғрийди. Аллоҳ у кишига шифои том берсин, у билан бир қаторда, барча мазлумларга ёруғлик берсин. Улар Ҳизб ут-Таҳрирга Исломий Давлат ташкилотига ва Жабҳатун Нусра (ҳозирда Фатҳуш Шом дейилмоқда) алоқадор, деган ёлғон айблов қўйишди. Албатта, бу Ҳизб ут-Таҳрирга ҳеч бир томондан тўғри келмайдиган айблов. Ҳизб ут-Таҳрир оламшумул сиёсий ҳизб бўлиб, Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлашга ҳаракат қилади. Бу ҳаракатида Набий САВнинг Мадинаи Мунавварада илк Ислом давлатини барпо этишдаги тариқатларига маҳкам амал қилиб, ундан заррача четга чиқмайди. Зеро, Набий САВ биринчи Ислом давлатини барпо этиш тариқатларида жамиятга қурол кўтармаганлар, суиқасдлар уюштирмаганлар, режимларга хушомад қилиш ё ялтоқланиш йўлини тутмаганлар, билъакс, ботилликларини фош этиб, уларни ағдаришга ҳаракат қилганлар, бошқарувда шериклик қилишга ҳам ёки унинг ярмини олишга ҳам рози бўлмаганлар. Шунингдек, турли таклифу тарғиботларга ҳам рози бўлмадилар, ҳатто бу ҳокимиятни тўла эгаллашга олиб борса ҳам. Чунки бу Ислом ақидаси ва низомига зиддир. Шундай қилиб, Ҳизб ўз ғояси йўлида Росулуллоҳ САВнинг тариқатларини маҳкам ушлаш билан даъватда худди Набий САВнинг даъватда йўлиққан азоб-уқубатларига йўлиқди. Масалан, тўсқинлик қилиш, ёлғончига чиқариш, қийноқларга солиш, бадном қилиш, қарши гижгижлаш, таъқибу тазйиқлар ўтказиш… ва бошқа, даъватни илдизи билан йўқ қилиш кўзланган ғаразли нопок услублар каби.

Ҳусийлар билан Али Солиҳ ўзаро ҳамкорликда ташкил қилган сиёсий кенгашда 2016 йил 20 сентябр сешанба куни умумий афв эълон қилишганди. Бу умумий афв уларнинг Ямандаги урушда Саудия етакчилигидаги коалицияни қўлловчи рақибларига ҳам, агар улар айни йўлларидан қайтишса, тегишли бўлганди. Аммо Ҳизб ут-Таҳрир бу урушни ҳам, хоҳ ички, хоҳ ташқи бўлсин, мусулмонларнинг бир-бирлари билан уришишларини ҳам қоралаганди. Бироқ мана шуларга қарамасдан, умумий дея иддио қилинган афв ҳали ҳам ижро этилгани йўқ, зулм ва асоссиз шубҳалар билан қамоққа олинганлардан кўпчилиги озод этилмади, бир вақтнинг ўзида, жиноятчилик ва коррупция билан қамалганлардан кўпчилиги озод этилди!!

Зулмнинг охири жуда ёмон. Аллоҳ Таоло Ўзининг даъватига қарши курашган ва даъватини етказаётган дўстларига душманлик қилган кимсаларни кузатиб туради. Ана, бу кунлар ўзи зулмга қаршиман, дея туриб, золимлар билан иттифоқчилик қилаётган ва коррупция қўғирчоғига айланган ҳар бир кимсани шармандасини очмоқда!!

Ҳизб ут-Таҳрирни ўз йўлидан на макру-найранглар, на тил бириктирувлар ва на ҳибсу қамоқлар қайтаролсин. У – Аллоҳнинг изни ила – Умматга насиҳат қилишда ҳамда Пайғамбарлик минҳожи асосидаги рошид Халифалик давлатини барпо этиш орқали кенг қамровли уйғонишни рўёбга чиқариш учун Уммат билан биргаликда ҳаракат қилишда давом этади. Эртанги кун кутиб турувчи учун жуда яқин, Аллоҳнинг Ўзи мададкор ва таваккал қилинишга лойиқ зотдир.

Ҳизб ут-Таҳрирнинг Яман вилоятидаги матбуот бўлими

Телефон: 735417068

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">aan1924@gmail.com

Ҳизб ут-Таҳрир сайти: www.hizb-ut-tahrir.org

Ҳизб ут-Таҳрирнинг матбуот бўлими сайти: www.hizb-ut-tahrir.info