Шом ўлкасида қирғин бўлиши, Ийсо алайҳиссалом тушиши ва ҳижрат ҳақидаги саволга жавоб
بِسْمِ اللَّـهِ الرَّحْمَـٰنِ الرَّحِيمِ
Шом ўлкасида қирғин бўлиши, Ийсо алайҳиссалом тушиши ва ҳижрат ҳақидаги саволга жавоб
Hizb-uzbekistan.info сайтимизга Mr.Nurziyo исмли мухлисимиздан келган саволга жавоб
Савол:
Ассалому алайкум азиз биродарларим. Аллоҳ сизлардан рози бўлсин қилаётган ишингларни ажрини минг бор кўпайтириб берсин. Мени ҳам саволларим бор эди. 1 чи Савол : Пайғамбаримиз Муҳаммад (С.А.В) Шомда қиёматга яқин қирғин бўлади кофирлар худди оч қолган бўри овқатига ташлангандек сизларга ташланади сўнг Ийсо алайҳиссалом тушади деган экан. шундай ҳадис борми? бўлса шарҳлаб берсангизлар. Мана ҳозир кўраябмиз Шомда яъни Сурияда барча кофирлар бирлашиб у ердаги мусулмонларни қирғин қилишябди.
2 чи саволим: Ўзбекистонда мусулмонларга жуда қийин бўлиб кетяпти. Яқинда бир воқеа бир опамизнинг устида бўлиб ўтди. Ўша опамиз духтирга боласини олиб борган, бошида ўранган рўмоли бор бўлган ва бу муслима аёлни шифохонада медсестра қиз бошидаги рўмолини мажбурлаб ечтириб ташлаган. Аёллар шифохоналарга ҳам бораолмай қолябди. Бундай вазиятда нима қилиш керак? Ҳижрат қилиш керакми? Ҳижрат қандай вазиятда қилинади ?
Ҳурмат билан Нурзиё. 19.01.2016
Жавоб:
Ва алайкум ассалом ва роҳматуллоҳи.
Биринчи саволга жавоб.
Саволда бироз чалкашлик юз берибди. Яъни саволдаги маънода келган иккита алоҳида алоҳида ҳадисларни бирлаштириб юборилган.
Биринчи ҳадис:
لا تقوم الساعة حتى ينزل الروم بالأعماق أو بدابق – ودابق قرية قرب حلب – فيخرج إليهم جيش من المدينة، من خيار أهل الأرض يومئذٍ، فإذا تصافوا قالت الروم: خلو بيننا وبين الذين سبوا منا نقاتلهم، فيقول المسلمون: لا والله لا نخلي بينكم وبين إخواننا فيقاتلونهم فينهزم ثلث لا يتوب الله عليهم أبداً، ويقتل ثلث أفضل الشهداء عند الله، ويفتح الثلث لا يفتنون أبداً، فيفتحون قسطنطينية فبينما هم يقتسمون الغنائم قد علقوا سلاحهم بالزيتون إذ صاح فيهم الشيطان: إن المسيح قد خلفكم في أهليكم فيخرجون وذلك باطل، فإذا جاءوا الشام خرج، فينما هم يعدون للقتال يسوون الصفوف إذ أقيمت الصلاة، فيتنزل عيسى بن مريم صلى الله عليه وسلم، فأمهم، فإذا رآه عدو الله ذاب كما يذوب الملح في الماء، فلو تركه لذاب حتى يهلك، ولكنه يقتله الله بيده، فيريهم دمه في حربته
Абу Ҳурайра розияллоҳу анҳудан: Пайғамбар соллаллоҳу алайҳи ва саллам дедилар: Қиёмат қуйидаги ишлар содир бўлмагунича бўлмайди: Рум аҳли Аъмоқ ёки Добиқ деган шаҳарга тушади (Добиқ – Ҳалаб яқинидаги шаҳар), у ерда Мадинадан (ёки мутлақ қандайдир шаҳардан) мусулмонлар кофирларга қарши чиқиш учун келишади, улар ўша вақтда дунёнинг энг яхшилари бўлади. Рум кофирлари мусулмонларга “Улар билан ўртамизда воқеа содир бўлганлар ва бизнинг ўртамизни ҳоли қўйинглар, улар билан урушамиз” – дейишади. Мусулмонлар кофирларга “Аллоҳга қасамки йўқ, орангизни тек қўймаймиз” – дейишади. Ва ўрталарида уруш бўлади. Мусулмонларнинг учдан бир қисми орқасига қочиб кетади, уларнинг тавбасини Аллоҳ ҳеч қачон қабул қилмайди. Улардан яна учдан бир қисми ўлдирилади, улар Аллоҳнинг наздида шаҳидларнинг энг афзалидирлар. Қолган учдан бири фатҳга эришади, улар ҳеч қачон фитналанмайдилар. Қустантинияни (Констатинопол – ҳозирги Туркиядаги Стамбул шаҳри) фатҳ қиладилар. Қуролларини дарахтларга илиб қўйиб ўлжаларни тақсимлаётганларида Шайтон келиб, “Масийҳ Дажжол чиқди, у орқаларингда аҳлларинг билан” – дейди. Мусулмонлар чиқадилар лекин бу гапнинг ботиллигини кўрадилар. Шомга етишганида (Дажжол) чиқади. Кейин (Дажжолга қарши) жанг учун сафларга туришганида намозга азон айтилади ва Ийсо ибн Марям алайҳиссалом тушади, мусулмонларга бошлиқ бўлади. Буни кўрган Аллоҳнинг душмани (Дажжол) ҳудди сувга тушган туз эригани каби эриб кетади. Агар тек йўқса эриб ҳам кетарди, лекин Ийсо унга қарши урушади ва уни ўлдиради. Ва найзасида (қуролида) унинг (Дажжолнинг) қонини уларга (мусулмонларга) кўрсатади. Муслим ривояти.
Ушбу ҳадисдан кўриниб турибдики, қиёмат яқинлашганида Ийсо алайҳиссалом тушадилар ва Дажжолга қарши урушадилар.
Иккинчи ҳадис:
قال رسول الله صلى الله عليه وسلم : يوشك الأمم أن تداعى عليكم كما تداعى الأكلة إلى قصعتها، فقال قائل: ومِن قلة نحن يومئذ؟ قال: بل أنتم يومئذٍ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن في قلوبكم الوهن، فقال قائل: يا رسول الله وما الوهن ؟ قال: حب الدنيا، وكراهية الموت
Пайғамбар соллаллоҳу алайҳи ва саллам дедилар: “(Келажакда) Шундай кунлар келади, устиларингизга (кофир) умматлар ҳудди оч қолган бўри ўлжасига ташлангандек ташланади. Сўрашди: “ У кунда биз озчилик бўлганимиз учун шундай бўладими, эй Росулаллоҳ?”. Жавоб бердилар: “Йўқ, сизлар у кунда кўпчилик бўласизлар, лекин сувнинг устидаги кўпик каби бўласизлар. Аллоҳ душманларингиз қалбидан сизлардан қўрқишни олиб қўяди, сизларинг қалбларингизга ваҳн солиб қўяди”. Сўрадилар: “Ваҳн нима у?”. Жавоб бердилар: “Дунёни яхши кўриш ва ўлимдан қўрқиш”. Абу Довуд ривояти. Саҳиҳ.
Булардан хулоса қилиш мумкинки, ушбу иккала ҳадислар ҳам қиёмат аломатлари мавзусидаги ҳадислар ҳисобланади ва иккаласи ҳам саҳиҳ ҳадислар. Бугунги кунда Сурияда кетаётган куфр ва Ислом ўртасидаги урушнинг ушбу ҳадисларга алоқаси бўлиши ҳам мумкин, бўлмаслиги ҳам. Яъни биринчи ҳадисда айтилган Ийсо алайҳиссалом тушиши воқеаси хозирги жанглардан кейиноқ бўлиши ҳам мумкин, ёки бошқа вақтлар келиб яна шу каби жанглар бўлиб, шундай воқеа бўлиши ҳам мумкин.
Иккинчи ҳадисда айтилган ҳолат эса, бугунги кун мусулмонларида аниқ кўриниб турибди деб айтиш мумкин, яъни мусулмонлар дунёга берилиб, ўлимдан қўрқиб, куфрнинг қўлида хор бўлаётгани ҳолатлари бугунги кунимизда оддий ҳақиқат бўлиб қолди.
Аммо бир нарса аниқки, мазкур ҳадислар Абу Довуд ва Ахмадлар саҳиҳ санад билан Нўъмон ибн Баширдан қилган ривоятларида Пайғамбар соллаллоҳу алайҳи ва саллам айтган “…сўнгра Пайғамбарлик минҳожи асосидаги Халифалик бўлади” ҳадисига боғлиқлиги йўқ, яъни юқоридаги иккита ҳадисда айтилган воқеалар Пайғамбарлик минҳожи асосидаги Халифалик қайта тикланганидан кейин бўлиши ҳам, ёки олдин бўлиши ҳам мумкин. Яъни мазкур иккала ҳадисдаги воқеалар содир бўлиши аниқ замон – вақт билан зикр қилинмаган, бирон вақтга қайдланмаган. Агар олдин бўлиб, Ийсо алайҳиссалом бугунги Суриядаги урушлар асносида тушадиган бўлса, бу нарса жуда кўп кофирларнинг Исломга кириб кетишига сабаб ҳам бўлади ва айни дамда, Пайғамбарлик минҳожи асосидаги Халифалик тикланиши жараёни катта суръат билан тезлашиши мумкин бўлади. Лекин бундан “Халифалик давлати тикланиши Ийсо алайҳиссаломниг кофирлар билан урушишига боғлиқ бўлади, демак Халифалик давлати Ийсо алайҳиссаломнинг жанги билан тикланади”, деган тушунча келиб чиқмайди, чунки бунинг учун бирор далил йўқ. Бундан ташқари Халифалик давлатини тиклашнинг тўғри тариқати Пайғамбар соллаллоҳу алайҳи ва саллам ушбу давлатни қандай йўл билан барпо қилган бўлсалар ўша йўл билан бўлиши шариатга тўғри келади ва у зот соллаллоҳу алайҳи ва саллам мусулмонлар давлатини жанг билан эмас, фикрий сиёсий кураш билан тиклаганликлари сийратдан маълум. Валлоҳу аълам.
Иккинчи саволга жавоб
Ха, минг афсуслар бўлсинки, бугунги кунда Ўзбекистон ҳукумати Ислом ва мусулмонларга қарши салбчилик курашида мана бир неча йиллардан бери энг аввалги ўринларда бўлиб келяпти. Намозхоналар ва масжидлар беркитилиши, ишхона муассасаларда намозни очиқ тақиқланиши, аёлларни кўчаларди очиқчасига рўмол ўрашдан ман қилиниши, жамоатчилик жойларида, умумий овқатланиш жойларида ифторликларни оммавий тарзда тақиқлаш, бир неча минглаган мусулмонларни мусулмонлиги сабабли қамоқларда сақлаш, ақлга сиғмас даражада азобларни бериш ва бошқа жуда кўплаб ҳолатларни бунга мисол қилиш мумкин. Дунё етакчи давлатлари ҳам бутун олам бўйлаб Исломга қарши салбчилик жангини кучайтириб бораётгани сабабли, Каримов режимининг бундай юзсизларча қилаётган жиноятларига тек қўйиб беришяпти.
Ҳижрат масаласига келсак, мусулмон одам қайси шаҳарда бўлишидан қатъий назар, иймони тақозо қилган фарз-вожиб амалларни қила олмаса, динини сақлаши имкони бўлмай қолса, яъни динига амал қилишига мутлақ тақиқ тазйиқлар очиқ тарзда бўлса, бундай ҳолатда мусулмон одам динини сақлаб қолиш учун, динига амал қилишнинг имкони бор бўлган бошқа шаҳарга ҳижрат қилиши вожиб бўлади. Бунга далил:
إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُوا فِيمَ كُنْتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ۚ فَأُولَٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا
“Албатта мусулмонлар билан бирга ҳижрат қилмасдан кофирлар қўл остида яшашга рози бўлиш билан ўз жонларига жабр қилган қимсаларнинг жонларини олиш чоғида фаришталар уларга: «Қандай ҳолда яшадингиз?» — деганларида: «Биз бу ерда чорасиз бечоралар эдик», дедилар. (Шунда фаришталар); «Ҳижрат қилсанглар Аллоҳнинг ери кенг эди-ку?! (Нега дину иймонларингиз йўлида бу юртдан ҳижрат қилмадинглар?)» — дейишди. Бундайларнинг жойлари жаҳаннамдир. Кандай ёмон жойдир у!”. (Нисо. 97)
Ва яна Росулуллоҳ соллаллоҳу алайҳи ва саллам сийратларидаги биринчи ҳижрат воқеаси, яъни мусулмонлар устида зулм кучайиб бораётган сабабли, мусулмонлар динимизга амал қилишга сал яхшироқ имкон бўлиб қолармикан деган умидда, Росулуллоҳ соллаллоҳу алайҳи ва салламнинг маслаҳатлари билан Ҳабашистонга (хозирги Эфиопия ва атрофи ҳудудлари) ҳижрат қилганликларини очиқ далил дейиш мумкин.
Хозирги кунда зулм билан мусулмонларни хорлаётгани очиқ кўриниб турган куфрий бошқарувдаги давлатларнинг манфаатлари йўлида оят ва ҳадисларни турли ботил йўллар билан тавил қилиб, пок шариатни бузиб, ўзларини қанчалар куфрга малай эканларини исботлаётган хоин сарой олимлари, тоғут бошқарувлар манфаатлари учун, “ҳижрат воқеси хозирги кунда тўхтаган, шариатда хозир ҳижрат йўқ” деб айтаётганлари ва бу гапларига Росулуллоҳ соллаллоҳу алайҳи ва салламнинг ушбу ҳадисини далил қилиб келтираётганлари ҳолатига тўхталадиган бўлсак,
لا هجرة بعد الفتح إنما هو الإيمان والنية
Росулуллоҳ соллаллоҳу алайҳи ва саллам дедилар: “Фатҳдан кейин ҳижрат йўқ”. Табароний ривояти. Ҳасан ҳадис.
Росулуллоҳ соллаллоҳу алайҳи ва саллам бу гапни гапиришларининг сабаби, мусулмонларни ўзларини давлати, иймон келтирган ақидаларидан келиб чиққан тузумларни ҳаётларида татбиқ қилиб берувчи, мусулмонларни давлат ўлароқ ҳимоя қилувчи ҳимоячиси тикланганидан кейин, энди мусулмонларга зулмдан қочиб юришга ҳожат қолмади, энди уларнинг ҳимоячи давлати бор, деган маноъда айтган эдилар. Бундан ташқари, Росулуллоҳ соллаллоҳу алайҳи ва саллам
إن الهجرة لا تنقطع ما كان الجهاد
“Модомики жиҳод бор экан, ҳижрат йўқ бўлмайди” (Ахмад ривояти. Саҳиҳ) деган ҳадислари юқоридаги ҳадисга қарши келади ва ундан бақувватроқ экани ҳам исботланган.
Демак хулоса қиладиган бўлсак, юқорида айтиб ўтилган, бошидан рўмолини тортиб ечиб олинган каби ҳолатларда, муслима аёлга ўз динига амал қилишдан тўсиляпти ва агар бу аёл динига амал қилишга бошқа имкон топа олмаса, динига амал қилишга имкон бор юртга ҳижрат қилиши, динини иймонини сақлаб қолиши вожиб бўлади. Валлоҳу аълам.
Ҳизб ут-Таҳрирнинг Ўзбекистондаги медиа офиси Муслим
26.01.2016й.
