بِسْمِ اللهِ الرَّحْمنِ الرَّحِيمِ

Таяммум тўғрисидаги саволга жавоб

Ижтимоий тармоқлардан бирида Билол исмли мухлисимиздан келган саволга жавоб

Савол:

 Ассалам алайкум. Бир йигит бир масаланинг шаръий ҳукмини мендан сўради, мен аниқ далиллари билан ушбу ҳукмни билмаганим учун сизлардан сўрашга қарор қилдим. Савол қуйидагича: “Ассалом алайкум ва роҳматуллоҳи, ака мен жунуб бўламан, лекин ювиниш учун уйим совуқ, ювинсам касалланиб қоламан. Уй совуқилиги сабабли ювинишга имконим бўлмаса қандай қилиб намоз ўқийман?”

Жавоб:

Ва алайкум ассалом ва роҳматуллоҳи.

يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنْتُمْ سُكَارَىٰ حَتَّىٰ تَعْلَمُوا مَا تَقُولُونَ وَلَا جُنُبًا إِلَّا عَابِرِي سَبِيلٍ حَتَّىٰ تَغْتَسِلُوا ۚ وَإِنْ كُنْتُمْ مَرْضَىٰ أَوْ عَلَىٰ سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ ۗ إِنَّ اللَّهَ كَانَ عَفُوًّا غَفُورًا

 “Эй иймон келтирганлар, токи гапираётган гапларингизни билишингиз учун, маст ҳолингизда намозга яқин келманглар. Ва яна сафарда бўлмасангиз то чўмилмагунингизча жунуб ҳолингизда (намозга яқин келманг). Агар бетоб ё сафарда бўлсангизлар, ёки сизлардан бирон киши ҳожатхонадан чиққан бўлса, ёхуд хотинларингиз билан яқинлашган бўлсангиз ва (мазкур холатларда) сув топа олмасангиз покиза тупроқ билан таяммум қилиб, юз ва қўлларингизга суртинглар. Албатта Аллоҳ афв этувчи ва мағфиратли бўлган зотдир”. (Нисо. 43)

عن عمرو بن العاص قال : احتلمت في ليلة باردة في غزوة ذات السلاسل فأشفقت أن أغتسل فأهلك فتيممت ثم صليت بأصحابي الصبح فذكروا ذلك للنبي صلى الله عليه وسلم فقال : يا عمرو صليت بأصحابك وأنت جنب؟ فأخبرته بالذي منعني من الاغتسال, وقلت: إني سمعت الله يقول " ولا تقتلوا أنفسكم إنّ الله كان بكم رحيما " فضحك رسول الله صلى الله عليه وسلم ولم يقل شيئا

 Амр ибн Ос розияллоҳу анҳудан, у киши айтади: “Зоти Салосил жангидан қайтаётган эдик, совуқ кечада жунуб бўлиб қолдим. Агар ювинсам касал бўлиб, ҳалок бўлишим мумкин, деб қўрқдим ва таяммум қилдим. Кейин шерикларим билан бомдод намозини ўқидим (бир ривоятда уларга имом бўлиб ўқиб бердим). (Мадинага) келганимиздан кейин шерикларим Росулуллоҳ соллаллоҳу алайҳи ва салламга бўлган ишни айтишди. Шунда Росулуллоҳ соллаллоҳу алайҳи ва саллам: “Эй Амр жунуб ҳолингда шерикларинг билан намоз ўқидингми?”, деб сўрадилар. Мен у кишига мени ғусл қилишдан қайтарган сабабни тушунтирдим ва “мен Аллоҳнинг “Ўзларингни ҳалокатга ташламанглар, албатта Аллоҳ сизларга ўта раҳмли бўлган зотдир” деганини эшитганман”, дедим. Шунда Росулуллоҳ соллаллоҳу алайҳи ва саллам кулдилар ва ҳеч нарса демадилар”. Абу Довуд ва Дора Қутний ривояти.

Демак, юқоридаги ҳадисдан кўриниб турибдики, жунуб ҳолатидаги мусулмон, агар ғусл қилса касал бўлиши эҳтимолини аниқ деб билса, у ғуслнинг ўрнига таяммум қилиши мумкин. Лекин саволдаги ҳолатда уйини иситишга тадбир ва имконлар қидирмасдан шу ишни қилиши жоиз бўлмайди, яъни уйини иситиб соғлигига хавф бўлмайдиган ҳолатни пайдо қилишга ҳаракат қилганидан кейин ҳам, уйни исита олмаса ёки бошқа бирон сабаб билан соғлигига хавф йўқолмаса, ана шундан кейин бу одам бемалол таяммум билан намоз ўқиши мумкин. Валлоҳу аълам.

Ҳизб ут-Таҳрирнинг Ўзбекистондаги медиа офиси Муслим

27.01.2016й.