Бошқаларнинг сионистлардан нима фарқи бор?

بِسْمِ اللهِ الرَّحْمٰنِ الرَّحِي

Фаластинда сионист яҳудийлар Ислом уммати учун муқаддас замин – Фаластинни, Қуддусни бутунлай тортиб олиш, эгаллаб ўзиники қилиш мақсадида мусулмонларини қатлиом қилмоқда. У ердаги барча инсонлар – ёшу қари, эркагу аёл Масжид ал-Ақсони ўзларига Аллоҳнинг омонати, деб биладилар. Аслида бутун иймон аҳли учун бу муборак замин ва у қатори аввалда Ислом давлатиники бўлган ҳар бир қарич ер омонатдир.

Ўша юртнинг фидоий ўғлонлари каби иймони бутун боболаримиз ҳам Бухорий замини нажас ўриснинг оёқлари остида қолиб кетмасин, деб шиддат билан курашган. Аммо ўрис ўша боболаримизни қирғин қилиб, сибир лагерларида ўлдириб битирган. Еримиз аллақачон кофир қавмлар учун очиқ ва уларнинг хоҳлаган фаҳш уруғларини сепиб ундирадиган томорқасига айланиб қолган. Бу ерни куфр тузумидан озод қилиш учун сўз айтувчи йўқ. Борлари эса ё қувғинда ёки узоқ йиллардан бери қамоқларда ва ҳатто айримлари у ерларда қатл қилинмоқда. Халқимиз орасидан яна ҳужралар таълимоти туфайли сал уйғонишга интилаётган кишиларни топсалар ДХХ ва ИИБ ходимлари – худди анави сионист яҳудийлар каби – бир гала бўлиб бостириб кириб, оналаримиз, қизларимиз ва илм аҳлларини потенциал террорчи сифатида олиб кетиб қамамоқда. Бу курашларидан келиб чиқиб айтиш мумкинки, буларнинг анави сионист яҳудийлардан асло фарқи йўқ. Бу юртнинг “сионистлар”и (исроил) яҳудий ҳамкасбларидан кўра Ўзбекистонда ўзларини жуда хотиржам ҳис этадилар. Шундай хотиржамки, ҳатто бу яҳудийтабиат ўзбекзабон “сионистлар” боғчалардаги гўдакларимизга ҳам Исломни “терроризм” деб танитиришдан чўчишмаяпти.

Тўғри, юртимизга бирорта куфр давлати – Фаластин Ғазосига бостириб кирган яҳудлар каби – оммавий қирғин қилиш учун бомбалар ташлаб, аскар киритмаяпти. Бунинг сабаби, бу юрт аллақачон ўрис каби душманларнинг хоҳлаганча тасарруф қиладиган томорқасига айланиб бўлганидандир. Ислом дини, Аллоҳнинг шариати асосидаги бошқарув ҳақида сўз очган кишиларни қамаб бўлгач, энди ҳатто Исломнинг озгина кўриниши бўлган соқол ва ҳижобни ҳам ўзларига малол олишмоқда. Динимизнинг ўлчовини ифодаловчи “ҳалол” ёзувларини ва араб имлосидаги ҳар қандай номларни дўкон пештахталаридан юлиб ташламоқда. Ҳа, булар аниқ бузғунчи қавмлардир! Улар фақат содда ва саёзроқ фикрлаётган халқ кўзига уйғоқ мусулмонларни “террорист” ва “экстремист” дея танитиб, оммани чалғитишмоқда холос. Бу ишларда бугунги имом-домлалар ва ижтимоий тармоқларда ДХХ кўрсатмаси билан фаолият юритаётган лайча тролларнинг хизматлари ҳам катта бўлмоқда…

Дарвоқе, бугун ойни этак билан ёпиб бўлмаслигига ишонган айрим кофир ғарб сиёсатчилари “терроризм” ва “экстремизм” деган чалғитувчи атамалардан воз кечиб, Исломга қарши курашаётганларини очиқ тан олмоқда. Чунки дунё аҳли “терроризм”, “экстремизм” деган сўзлар содда ва ўзлигини йўқотган халқлар учун қулоқларга илинадиган “лағмон” эканини аллақачон англаб етди. Шундай бўлса-да, бу атамалар Марказий Осиёдаги айрим соддалар қулоғига ҳануз лағмон сифат илиниб, ишлатиб келинмоқда.

АҚШлик файласуф, публисист ва атеист Сем Харрис: “Биз террорга эмас, Исломга қарши курашаётганимизни тан олиш вақти келди”, – деган сўзини ошкора айтиб чиқди, очиқ намойиш этди. Шундай бўлса-да, Ғарб давлатларининг аксар раҳбарлари ҳали ҳам сиёсий Ислом тарафдорларини шу ном билан аташни тилларидан туширмай келадилар. Масалан, Исроилга етиб келган Буюк Британия Бош вазири Риши Сунак Тел-Авив аэропортида журналистларга берган интервьюсида 7 октябр куни Хамас томонидан амалга оширилган ҳужумларн “сўзлаб бўлмайдиган, даҳшатли террорчилик ҳаракати” деб атади. Лекин бу ҳинд айнан шу куни жароҳатланган гўдаклар ва аёллар касалхонасига жиноятчи яҳуд бомба ташлаб мусулмонлардан 1000дан ортиғини қирғин қилгани ҳақида эслаб ҳам ўтирмади.

Ҳа, воқе айнан шундай! Аср мужтаҳиди, буюк олим Тақийюддин Набҳоний раҳимаҳуллоҳ шариат асосларидан заррача оғишмай ёзган китобларидан бири – Сиёсий қарашлар китобида айтган сўзлари амалда ўз тасдиқини топмоқда. У киши китобда шундай деган эди: “Барча давлатлар Исломнинг душманидир”. Мусулмон юртлари устидаги раҳбарлардан бирортаси йўқки, мабдаий-мафкуравий Исломга, янада соддароқ айтсак, мусулмонча яшашимизга қарши курашмаётган бўлса! Демак, аслида буларнинг барчаси динимиз, мусулмонлар, Аллоҳ ва Росули ﷺнинг ашаддий душманларидир. Бизларнинг кўзимизга Туркия Эрдўғони, Эрон Ҳоманаийси ёки яна қайсидир бир мусулмонлар устидаги раҳбарнинг (исроил) сионистларига қилаётган қуруқ дўқ-пўписалари уни асло дўст қилиб кўрсатиб чалғитмасин. Улар ўз мусулмон халқининг табиий кўтарилган намойишларидан дилларини қўрқув босиб, лаблари қалтираб, сионистларга қарши хўжакўрсинга “агар қирғинни тўхтатмасанг, вазиятнинг олдини олиб қололмайман” демоқда ҳолос. Ўзбекистон ТИВ юрак ютиб берган баёнот ҳам ўша раҳбарларнинг айтаётган сийқаси чиққан навбатчи жумлалардан ўзгаси эмас.

Халқимизда “дўстинг кимлигини айтсанг сенинг кимлигингни айтаман” деган ўринли ибора бор. Дунё мусулмонлари устидаги бугунги раҳбарлар Ироқ, Сурия, Афғон мусулмонлари қонлари билан бўйнигача ботган Американи дўст тутаётгани, уйғур геноцидини тап тортмай қилаётган Хитой нажаслари ҳамда Ўрта Осиё, Кавказ, Афғонистон ва Сурия қирғинларини уюштирган ўрис билан ош-қатиқ бўлаётганининг ўзиёқ омма халққа бу раҳбарларнинг аслида кимлигини очиқ кўрсатмоқда. Янада соддароқ кишилар учун эса қоп-қоп ваъдалар бериб қайта сайланганидан сўнг мусулмоннинг соқолига ва хотин-қизларининг рўмолига чанг солаётган бу ҳукуматнинг бугун ким томонда эканини изоҳсиз ҳам тушунса бўлиб қолди. Шу боис ҳозирга келиб бирор кимса учун раҳбарларнинг хиёнатини билмаган эканман, деган узр бўлиши мутлақо мумкин эмас.

Бугунги кунда олам кишилари ҳар қачонгидан кўра буюк танлов қаршисидадир. Бу – ҳидоят ва залолат, иймон ва куфр, адолат ва зулм, ҳақ ва ботил ўртасидаги танловдир. Бу оқ ва қора бир-биридан тўла ажралган давр танловидир. Бошқача айтсак, бу – Нуҳ А. кемасига чиқиб нажот топиш ёки бўйин товлаб сувга ғарқ бўлиш, ҳалокатга юз тутиш танловидир.

Бу танловда иккиланмай ҳақни танлаганлар, албатта ғолибдирлар. Зеро, Аллоҳ таоло дейди:

وَقُلۡ جَآءَ الۡحَـقُّ وَزَهَقَ الۡبَاطِلُ‌ؕ اِنَّ الۡبَاطِلَ كَانَ زَهُوۡقًا

– “Ва: “Ҳақ келди, ботил йўқ бўлди. Зотан, ботил доимо йўқ бўлгувчидир”, дегин”.                                                         (Исро:81)

Ҳизб ут-Таҳрир Ўзбекистон матбуот бўлими аъзоси Зайниддин

22.10.2023й