Роя газетаси:

Фаластин босқинчилари бўлмиш яҳудийлар билан алоқа ўрнатиш сари ҳаллослаб чопаётган мана шу Туркиядир «Эрдогандир»

Туркия ва яҳудийлар давлати ўртасидаги муносабатлар қайта тикланмоқда

Турк президентлиги расмий вакили Иброҳим Калин – агар Тель-Авив Туркия шартларига вафо қилса, Анқара билан Тель-Авив ўртасидаги «Исроил» гази савдоси билан боғлиқ ақлоқалар қайта тикланиши эҳтимоли борлигини таъкидлади.

У бу сўзларни «Исроил» бош вазири Бенямин Нетаньяху икки давлат муносабатларидаги эҳтимолий яхшиланишларга ишора қилганидан сўнг айтди.

Калин Туркия томонидан «Исроил» билан муносабатларни қайта тиклаш учун учта шарт қўйилганини билдирди ва Тель-Авив ҳозиргача улардан фақат биттасини бажарганини таъкидлади. Калинга кўра, бу битта шарт Озодлик флотилияси доирасида Ғазо қамалини ёриб ўтишга ҳаракат қилган Туркиянинг «Мовий Мармара» ёрдам кемасига қарши «Исроил» кучлари томонидан қилинган ҳужум учун узр сўраш бўлган.

Кейин Калин «Исроил» қолган икки шартни ҳамон бажармай келаётганини қўшимча қилди. Бу шартлар Мармара кемасига қилинган ҳужум учун товон тўлаш ва Ғазо қамалини олиб ташлашдан иборат.

Нетаньяху 9 декабр чоршанба куни ўз ҳукумати Туркия билан унга газ сотиш масаласини муҳокама қилаётганини маълум қилди.

«Исроил» энергетика вазири Юваль Штайницга кўра, Исроил ўзидаги конлардан олинадиган газни экспорт қилади ва барча альтернативларни, шу жумладан, Туркияни эътибордан қочирмайди («Россия Сегодня» сайти).

Роя газетасининг 2015 йил 16 декабр чоршанба кунги 56-сонидан