Сизга ёрдам берамиз деганларнинг гапи ёлғон
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Сизга ёрдам берамиз деганларнинг гапи ёлғон
Роя газетаси мухбирларининг Ҳалаб ва Сурияга нусрат-ёрам бериш учун Ҳизб ут-Таҳрир уюштирган тадбирлар билан боғлиқ электрон ҳисоботи
Ҳизб ут-Таҳрир Ҳалаб аҳлига ёрдам бериш учун ўзи фаолият қилаётган бир неча минтақаларда кўплаб тадбирлар уюштирди. Бечораларга ёрдам бериш учун бармоғини ҳам қимирлатиб қўймаган бутун олам кўз ўнгида қатли ом қилинаётган Ҳалаб аҳлига ёрдам бериш учун мурожаатлар йўллади. Туркия ҳукмдорлари позициясини, хусусан, бутун Суриядаги, айниқса, Ҳалабдаги биродарларимизни қатли ом қилиши учун Америка, Россия, Европа, Британиядан ҳамда Башар режими ва Ливандаги Эрон Ҳизбининг маҳаллий югурдакларидан иборат куфр кучларига ўз юрти дарвозаларини ланг очиб берган Эрдоган позициясини қоралади.
Скандинавия (яъни Швеция, Норвегия ва Финляндия)да Ҳизб мусулмонларни 2016 йил 16 декабр жума куни Копенгагендаги Туркия элчихонаси олдида ўзи уюштирган намойишда қатнашишга чақирди.
Ҳизб ут-Таҳрир-Британия мусулмонларни ҳижрий 1438 йил 18 робиул-аввал, милодий 2016 йил 17 декабр шанба куни пойтахтдаги Сурия элчихонаси олдида Лондон вақти билан эрталабки 11:00да уюштирган намойишда иштирок этишга чақирди.
Ливанда эса, Ҳизб ут-Таҳрир-Ливан вилояти ҳижрий 1438 йил 14 робиул-аввал, милодий 2016 йил 13 декабр сешанба куни Триполидаги Нур майдонида «Ҳалабни ёқишяпсан… Бироқ биз ҳам, Ҳалаб ҳам тирик қолади» номли катта намойиш ўтказди. Тинимсиз бомбардимон ва қирғин остида қолган, номусларию муқаддас нарсалари топталаётган Ҳалаб аҳлига ҳамдард бўлиш учун олиб борган айни намойиши ортидан эртасига жума куни яна икки намойиш ўтказди. Уларнинг бири Сайдодаги Заътирий жомеида, иккинчиси Буқодаги Саъд Найл жомеида бўлиб ўтди.
Ҳизб Голландияда ҳам ҳижрий 1438 йил 18 робиул-аввал, милодий 2016 йил 17 декабр шанба куни кундуз соат 13:00да намойиш ўтказди. Намойишда Голландиядаги мусулмонларни Ҳалаб аҳлимизга ёрдам бериш учун ўзи томонидан Гаагадаги Сурия элчихонаси олдида уюштирилган намойишда қатнашишга чақирди.
Ҳизб ут-Таҳрир-Туркия вилояти Истанбулдаги Россия консуллиги олдида ҳалаблик фуқароларга қарши Россия кучлари билан Асад жангарилари томонидан содир этилаётган жиноятларга қарши намойиш ўтказди. Шунингдек, 2016 йил 16 декабрда мусулмонларни Анқарадаги Кўжатепа масжидида жума намозини адо этишга чақирди. Жума намозидан сўнг барча намозхонлар ёвузлик боши ва террорнинг онаси бўлган АҚШ давлатининг Анқарадаги элчихонаси томон норозилик юриши қилдилар. Бурса ва Коньяда ҳам жума намози ортидан Ҳизбнинг матбуот баёноти ўқиб эшиттирилди. Булар «Биз Ҳалабга нусрат-ёрдам талаб қиламиз… нега армияларимиз биқсиниб ётибди!» шиори остида Туркия бўйлаб ўтказилган қатор тадбирлар ва намойишлар доирасида ўтказилди.
Ҳизб ут-Таҳрир-Тунис вилояти Ҳалабдаги аҳлимизга ёрдам бериш ва ёрдамга чақириш учун ҳижрий 1438 йил 17 робиул-аввал, милодий 2016 йил 16 декабр жума куни қатор тадбирлар ўтказди, масжидларда маърузалар уюштирди.
Ҳизб ут-Таҳрир-муборак Фаластин вилояти 2016 йил 16 декабрда жума намозидан сўнг Ақсо масжиди саҳнида намойиш ўтказди. Қатнашчилар байроқлар ҳамда Ҳалаб аҳлини қўллаб-қувватловчи ва Россия, Эрон ҳужумлари, АҚШ ҳийла-найрангини қораловчи шиорлар кўтариб чиқдилар. Намойишда қилган нутқида Ҳизб Ҳалаб ва Сурияда содир бўлаётган қирғинлар, қочқинга айлантиришлар Фаластин, Ироқ, Яман, Грозний… каби исломий юртларда содир этилган қирғин ҳодисалари каби эканини, буларнинг барчаси Ҳалифаликнинг йўқлиги, Ислом ҳаётимиздан йўқ қилиниб, фаровон ҳаёт кечириш ҳақида ҳам ва душманларни мағлуб қилиш тўғрисида ҳам ўйламай қўйганимиз оқибати эканини таъкидлади. Кофирларнинг Шом аҳлига кўппаклар каби шунчалик ташланаётгани сабаби бу аҳлимизнинг Ислом билан яшашни талаб қилаётганларига, Пайғамбарлик минҳожи асосидаги рошид Халифалик давлати бўлмиш Ислом давлатини барпо этишга аҳд қилганига бориб тақалишини урғулади.
Ҳизб ут-Таҳрир-Индонезия ҳижрий 1438 йил 17 робиул-аввал, милодий 2016 йил 16 декабр жума куни Жакартадаги Россия эсчихонаси олдида норозилик намойиши ўтказди. Намойишда Башар режими ва унинг жангарилари жиноятлари билан Россиянинг ҳўлу қуруқни баробар ёқаётган ваҳшиёна ҳаво ҳужумларини қораловчи матбуот баёноти ўқиб эшиттирди. Баёнотда инсон томонидан ўйлаб топилган тузумларни ағдариш ва уларнинг харобалари узра Пайғамбарлик минҳожи асосидаги рошид Халифалик тузумини барпо этишга чақирди, ёлғиз ушбу тузумгина Ислом ва мусулмонларни ҳимоя қилишга қодир эканини таъкидлади.
Ҳизб ут-Таҳрир-Сурия вилояти ҳам ҳижрий 1438 йил 17 робиул-аввал, милодий 2016 йил 16 декабр жума куни қатор тадбирлар ўтказди. Масалан, Дайру Ҳассон шаҳрида Ҳизб аёллари Ҳалабга нусрат талаб қилиш намойишини уюштирдилар. Ҳизб Ҳалаб ғарбидаги Маора Артобда фаоллар ва қўзғолончилар билан биргаликда намойиш ўтказиб, Ҳалабга нусрат беришга, хоин жангчи гуруҳлар етакчиларини ағдаришга чақирди. Ҳиврондаги Ҳора шаҳрида ҳам намойишлар ўтказди.
Ҳизб ут-Таҳрир-Покистон вилояти Ҳалабдаги мусулмонларга ёрдам бериш учун юртнинг кўплаб шаҳарларида намойишлар уюштирди. Суриядаги мусулмонларга қарши содир этилаётган жиноятларни қораловчи шиорлар кўтариб чиқди. Жумладан, «Ҳалаб мусулмонлари қирғинига қуролли кучларни ҳаракатга келтириш билан жавоб қайтармоқ лозим!», «Ғарб Шом мусулмонларини қатли ом қилишга қўйиб бермоқда, чунки улар Исломни талаб қилмоқдалар», «Пайғамбарлик минҳожи асосидаги Халифалик мусулмонлар қалқонидир» каби.
Ҳизб ут-Таҳрир-Малайзия 2016 йил 17 декабрда Куала-Лумпурдаги Россия элчихонаси олдида Ҳалаб аҳлига нусрат-ёрдам бериш намойишини ўтказди. Намойишда Ислом дунёсидаги мавжуд барча режимларни ағдаришга ва Пайғамбарлик минҳожи асосидаги рошид Халифалик давлатини барпо этишга чақирди, ёлғиз ушбу давлатгина мусулмонларни озод этиб, уларни ҳимоя қилишга қодир эканини таъкидлади.
Роя газетасининг 2016 йил 21 декабр чоршанба кунги 109-сонидан
