بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Фаластин масаласи исломий масала, у миллий масала эмас

Заворий қилган ишлар Умматнинг асл моҳиятини кўрсатди, унга қилинган суиқасд эса ҳукмдорлар разиллигини фош этди

Тунис Моссаднинг Муҳаммад Заворийга уюштирган суиқасдни қандай уддалай олганлиги билан боғлиқ қизғин мунозаралар шоҳиди бўлди. Шанба куни Қассам отрядлари, Заворий «Абобил» учоқлари лойиҳасига раҳбарлик қилган муҳандислардан бири эди, деб эълон қилиши билан бу мунозаралар якун топди. Ҳамас ҳаракатининг ҳарбий қаноти чиқарган баёнотга кўра, Қассам отрядлари уни «қаршилик ҳаракати шаҳиди», «Тунис ва Уммат шаҳиди», деб атаган.

Якшанба куни пойтахт Тунис норозилик ҳаракати шоҳиди бўлди. Ҳаракат қатнашчилари Тунисдаги ахборот воситаларининг айни ҳодисадан кўз юмганини қоралаб, ҳукумат «сукутини қабул қилиб бўлмайди», дея баҳоладилар. (Арабий 21).

Яҳудийлар давлати ахборот воситалари Заворий вазифаси Ҳамас ҳарбий потенциалини ривожлантиришдан иборат бўлганини таъкидлаган эди. Масалан, яҳудийлар давлати Иккинчи канали билан ивритча «واللا» сайтида Заворий Ҳамаснинг Сурия ва Ливандаги ҳарбий лагерларида бўлган ва Туркияга кетишга тайёргарлик кўрган, дейилади.

Яна айни хабарда қўшимча қилинишича, Заворий ер ости йўли орқали Ғазо секторига уч марта бориб, Фаластин қаршилик ҳаракатига муҳим маълумотлар етказган, Қассам ҳарбий дастурини, айниқса, «Абобил» учоқлари лойиҳасини ривожлантиришга раҳбарлик қилган, у муҳандислик қобилияти ва техник иқтидори кучли шахс бўлган. (Ал-Жазира нет оддий иқтибос).

Роя газетаси шарҳи:

Бугун Моссад ва бошқа мустамлакачи Ғарб кучлари бутун Тунисда ўзларининг томорқасида юргандек бемалол изғиб юрибди. Уларнинг жинояткор тармоқларию ёлланма жосуслари ишга солинаётган экан, булардан қай бири муҳандис шаҳид Муҳаммад Зуворий жонига суиқасд қилганининг аҳамияти йўқ. Биринчи навбатда, бу шаҳид биродарнинг – Аллоҳ раҳмат қилсин – Ҳамас ҳаракати орқали Фаластиндаги қаршилик кучларига ёрдам беришда алоҳида ролга эга бўлганини таъкидлаб ўтиш лозим. Буни Ҳамас ҳам таъкидлаган, яҳудийлар давлати матбуоти ҳам даъво қилган. Биродарнинг айни роли эса улкан мазмунга эга.

Яъни бу мазмун Фаластин масаласи мусулмонларда чексиз аҳамият касб этаётганига очиқ далолат қилмоқда. Яна шунга ҳам далолат қилмоқдаки, Ғарб, унинг малайлари, исломий юртлардаги рувайбиза ҳукмдорлар, Фаластин Озодлик Ташкилоти, буларнинг барчаси Фаластин масаласини фақат фаластинликлар масаласи ёки Фаластин Озодлик Ташкилоти масаласи ёхуд маълум бир гуруҳ масаласи қилиб чеклаб қўйишга уринишди, аммо бунга муваффақ бўлишолмади. Ушбу тунислик – Аллоҳ раҳмат қилсин – Заворий Фаластин масаласи ўзига тегишли эканини, ҳеч қандай миллий ёки гуруҳлар масаласи эмаслигини, балки Умматнинг улкан аҳамият касб этувчи масаласи эканини ҳис этган. Шу боис ўз билимини аямай, қаршилик ҳаракатига ёрдам беришга уринди ва бунга муваффақ бўлди. Бу шуни яна бир бор тасдиқламоқдаки, Ислом Уммати Фаластин масаласи билан бир қаторда, Шом, Аракан, Ливия, Шарқий Туркистон, Яман, Кашмир, Ироқ ва бошқа исломий юртлар масаласини ҳануз ўзининг масаласи, деб ҳисобламоқда, бу масалани Умматни бўлиб ташлаш учун Ғарб ва унинг ҳукмдорлари ясаган чегараю постлар ажратолмайди, деб билмоқда. Гарчи бутун Умматда мусулмонлар масаласини ҳис этиш даражаси бир-биридан фарқли бўлса-да, лекин барчаси айни масалани ўзининг масаласи, деб билмоқда. Мана шу асл ҳақиқат бўлиб, Ғарб буни тушуниб етди, тушуниб етгани учун ҳам бор кучи билан уни одамлардан яширишга уринмоқда.

Энди масалани иккинчи томонига, яъни суиқасдни Моссад ёки бошқа Ғарб кучлари уюштирганига келсак, бу араб давлатлари режимларининг нақадар қабиҳ эканини, Уммат манфаатлари ва масалаларидан бутунлай воз кечишганини яна бир бор тасдиқлайди. Тунис ҳукмдорларининг янгилари ҳам, ўлиб кетганлари ҳам, қочиб кетганлари ҳам юртни душманга қўш қўллаб топшириб қўйишди, дарвозаларини ҳар бир кўз олайтирувчи душманга очиб беришди, бир вақтнинг ўзида, юрт аҳлига босим қилиб, ё ўзини-ўзи ўлдиришга ёки қочиб чиқишга мажбур қилишди.

Аллоҳим, ушбу Умматимизга тарқоқлигини жамлайдиган, сафларини бирлаштирадиган, бойлик ва энергиясини Уммат ва олам манфаатига сарфлайдиган етакчини маҳайё эт.

Роя газетасининг 2016 йил 28 декабр чоршанба кунги 110-сонидан