Бугунги имконият эртага топилмайди
Бугунги имконият эртага топилмайди
بِسْمِ اللهِ الرَّحْمٰنِ الرَّحِيم
Ислом ақидасининг асосларидан бири Қиёмат кунига иймон келтириш бўлиб, у кунда ҳар бир иймон эгаси Роббиси ҳузурида ихтиёридан, имкониятидан жавоб беради. Яъни қилган амалларимиз ўз ихтиёр доирамизда содир бўлган бўлса, ушбу амал учун жазо ёки мукофот муқаррардир. Шунингдек, сўраладиган ишларимиздан яна бири, имкониятимиздаги амаллар бўлиб, у хоҳ жисмоний меҳнат бўлсин, хоҳ лафзий бўлсин албатта сўраламиз.
Бугунги кунда умматдаги асосий муҳтожликлардан бири ўзи даъво қилаётган динини чуқур билмаслиги бўлиб, у ушбу масалада билувчиларга муҳтождир. Ўқувчига тушунарли бўлиши учун: билувчи, деганда, фаразан сиз Исломдаги битта амалнинг шаръий ҳукмини биласиз, ушбу билганингиз бир илм бўлиб, билмаган инсонингизга билдириш имкониятингиздаги иш бўлиб қолади. Аллоҳ Таоло Ўз каломида илм аҳлларига таъриф бериб шундай дейди:
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَابِ
– “Айтинг: “Биладиган зотлар билан билмайдиган кимсалар тенг бўладими?”” (Зумар:9)
Агар билувчилар ҳақни ва инсонларнинг амалларига тааллуқли ҳукмларни баён қилиш ўрнига жимликни афзал кўрсалар, яъни инсонларни Аллоҳнинг амрига эргашиб, Унинг ризоси томон бошлашдан ва етакчилик қилишдан сукут қилсалар, инсонлар ботилга ва билимсизликка гирифтор бўладилар, ҳар қандай адаштирувчи кимсанинг этагини тутиб, дўзахга кетаверадилар.
Инсонларни ношаръий амаллардан тўсиб, яхши амалларга чақириш, билмаганларга ҳақни танитиш ҳар биримизнинг вазифамиз бўлиб, Аллоҳ Таоло олдида жавобгарлигимиз аниқ ишдир. Ушбу жавобгарлигимиз имкониятимизга қараб кенгайиб боради. Агар уммат етакчилигини даъво қилаётган олимлар, Ислом ва мусулмонларнинг ҳақларидан кўра, ҳукмдорларнинг раъйига қараб иш тутишда давом этсалар, Қиёмат тонггида жиноятчи кимсалар қаторида Аллоҳга рўбарў бўладилар.
Аллоҳ Таоло айтади:
فَيَوْمَئِذٍ لَّا يُعَذِّبُ عَذَابَهُ أَحَدٌ وَلَا يُوثِقُ وَثَاقَهُ أَحَدٌ
– “У кундаги (Аллоҳнинг) азоби каби ҳеч ким азоблай олмас! Ва У зотнинг (кишан ва занжирлар билан) боғлаши каби ҳеч ким боғлай олмас!” (ал-Фажр:25-26)
Ақли расо инсон шуни яхши биладики, қаттиқ зарурат бўлиб турганда гапирмай туриш, сукут сақлаб, тилни тишлаш ҳақиқатни яшириш бўлиб, умматга, яъни ўз ака-укаларингизга, ўз қибладошларингизга нисбатан хиёнат ҳисобланади.
Ҳеч қачон унутмаслик керакки, бугун имтиҳондамиз. Имтиҳон пайтида киши ё ҳурмат қозонади ё таҳқирланади. Ким бу имтиҳондан тойилса дунё-ю охиратини қўлдан бой беради. Аллоҳ Субҳанаҳу Ўзининг солиҳ бандаларига кўз кўриб, қулоқ эшитмаган ва ҳеч бир инсон ақлига келмаган неъматларни тайёрлаб қўйган.
Билол ибн Ҳорис Музаний (р.а.) ривоят қилган ҳадисда Пайғамбар (с.а.в.) шундай деганлар:
«إِنَّ الرَّجُلَ لَيَتَكَلَّمُ بِالْكَلِمَةِ مِنْ رِضْوَانِ اللَّهِ, مَا كَانَ يَظُنُّ أَنْ تَبْلُغَ مَا بَلَغَتْ, يَكْتُبُ اللَّهُ تَعَالَى لَهُ بِهَا رِضْوَانَهُ إِلَى يَوْمِ يَلْقَاهُ, وَإِنَّ الرَّجُلَ لَيَتَكَلَّمُ بِالْكَلِمَةِ مِنْ سَخَطِ اللَّهِ, مَا كَانَ يَظُنُّ أَنْ تَبْلُغَ مَا بَلَغَتْ, يَكْتُبُ اللَّهُ لَهُ بِهَا سَخَطَهُ إِلَى يَوْمِ يَلْقَاهُ»
«Бир киши Аллоҳ рози бўладиган бир гапни гапиради, бу гапи қаерларга етиб боришини ўйлаб ҳам кўрмайди. Аллоҳ Таъоло унга шу гапи учун Ўзига рўбарў бўладиган кунга қадар Ўз розилигини битади. Яна бир киши Аллоҳ ғазабланадиган бир гапни гапиради. Бу гапи қаерларга етиб боришини ўйлаб ҳам кўрмайди. Аллоҳ унга шу гапи учун Ўзига рўбарў бўладиган кунига қадар Ўз ғазабини битади». Молик ривояти.
Ушбу ҳадисда зикр қилинаётган кишилардан бўлишга, яъни бир оғиз бўлса-да ҳақ сўзни айтиб Роббимизни рози қилиб олиш имкониятига эга кунда турибмиз. Яъни бугунги кунда айтадиган бир оғиз ҳақ сўзингиз, яқин кунда тикланажак исломий жамиятнинг эълон қилинишидан кейинги йиллаб айтадиган сўзингиздан афзалдир. Ваҳоланки, фатҳ бўлишидан илгари инфоқ-эҳсон қилган ва иймон келтирган кишиларни Аллоҳ ҳузуридаги даражалари нақадар буюк эканлигини Аллоҳ Таоло Ўз каломида шундай баён қилади:
وَمَا لَكُمْ أَلَّا تُنفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا وَكُلًّا وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ
– “Сизлардан (Макка) фатҳ бўлишидан илгари инфоқ-эҳсон қилган ва жиҳод қилганлар (Макка фатҳидан кейин инфоқ-эҳсон қилган ва жиҳод қилган кишилар билан) баробар бўлмас. Улар кейин инфоқ-эҳсон қилган ва урушган кишилардан улуғроқ мартабададирлар. Барчаларига Аллоҳ гўзал (оқибат) ваъда қилди. Аллоҳ қилаётган амалларингиздан хабардордир”. (Ҳадид:10)
Ҳизб ут-Таҳрирнинг Ўзбекистондаги медиа офиси. Зайниддин
14.11.2019й
