بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Устоз Шоҳир Исоф Аъраж масаласига нисбатан тутган позицияси учун Фаластин режими томонидан қамоққа олинди

Ҳизб ут-Таҳрирнинг Фаластиндаги матбуот бўлими аъзоси муҳандис Боҳир Солиҳнинг хабар қилишича, Фаластин режими Ҳизб ут-Таҳрирнинг Ғарбий Салфитдаги Бадё шаҳрилик аъзоси устоз Шоҳир Исофни ҳибсга олди. Бу ўтган жума 2017 йил 17 март куни устознинг Босил Аъраж билан боғлиқ воқеаларга нисбатан сиёсий қараши ва позицияси ортидан юз берди.

Боҳир Солиҳга кўра, устоз Шоҳир режимга қарши қилган маърузаси ортидан иш жойида ҳибсга олинган. У ўз маърузасида яқинда режимнинг шаҳид Босил Аъраж ва унинг яҳудийлар қўлидаги тўрт нафар дўстларини зимдан суд қилгани ҳақида ҳамда хавфсизлик бўйича яҳудийлар билан ҳамкорлик қилаётгани, тинч намойишчиларни бостираётгани ҳақида гапирган.

Боҳир Солиҳ режимнинг шаҳид ва дўстларига нисбатан қилган мункар ишларини яширишга уриниб овора бўлаётгани ва бунинг уддасидан чиқолмаслиги ҳақида сўз юритиб, жумладан, «режим ҳалол ва холис инсонларга қарши жиноят содир этиш ва гуноҳ кетидан гуноҳга ботиш ўрнига, ўзининг бундай шармандали қилмишларидан хижолат бўлиши керак», деди.

Сўнг у Фаластин режимидан дарҳол устоз Шоҳирни озод қилишни ҳамда фуқаролар ҳуқуқларига тажовуз қилиб, менсимасликни бас қилишни талаб қилди.

Роя газетасининг 2017 йил 29 март чоршанба кунги 123-сонидан