بِسْمِ اللهِ الرَّحْمنِ الرَّحِيمِ 

Матбуот баёноти

Ливанда сиёсий тушунчалар инқирозга учради

Шаҳарнинг такаббур ҳокими оғзини тўлдириб ирқчилик ва тоифачиликка чақиришдан уялмаяпти

Зағарто шаҳридаги Арда райони ҳокими Ҳабиб Латуф «Шаҳримизга ер сотиб олиш ва қурилиш учун четдан келган ва масиҳий бўлмаган харидорга ҳаргиз рухсатнома бермайман, ҳатто бу ишим билан мени қонунан қамасалар ҳам», деди. Сўнг «Устувор вазифамиз, миллий бирлигимизни муҳофаза қилиш»дир деди. «Ардадаги сунний мусулмон харидорни минтақада ер харид қилмаслик»ка чақирди, унга кўра «Бу иш минтақа демографияси билан ўйнашиш ва шу орқали муштарак яшаш принципини таҳқирлаш ҳисобланар» эмиш.

Дарҳақиқат, биз «Бу бадбўй ирқчилик ва тоифачиликни улоқтиринг, у ҳар қандай чегарадан ошиб ўтди» сарлавҳаси остида варақа чиқариб, унда айни иллат хавфидан огоҳлантирган эдик. Варақада бундай сўзлар келган: «Миллатчи раҳбарларнинг, асосан, республика президентининг Ливандаги қочқинлар қаршисида айтган ушбу гаплари тарих давомида такрорланиб келган яширин гина-нафратни ҳамда бурунлар жирканадиган бадбўй ирқчиликни алангалатмоқда. Унинг бу баёноти келтириб чиқараётган тоифачилик ҳеч кимга сир эмас. Зеро, сиёсий нутқ фашистик ирқчилик нутқига айланиши шу даражада хавфлики, агар қўйиб берилса, ирқчиликнинг сабаб ва ёмон оқибатлари кучайиб, тарихдаги салибчилар урушида юз берган ҳолат даражасига кўтарилиши мумкин».

Варақада яна бундай дейилган: «Бу иш сиёсий нутқ чегарасидан ўтиб, ирқчилик нутқи даражасигача етди. Ливандаги чириб бораётган режимнинг жамиятлар ўртасида бундай душманчилик оловини ёқишдан мақсади, ўз айб-авратини ҳамда бошқарув сиёсатини билмайдиган тоифачи раҳбарлар айбини яширишдир. Зеро, улар ҳамон юртнинг қуруқлиги, денгизи ва самосини фасодга тўлдиришмоқда… Бу жуда-жуда хатарли ҳолат. Юрт аҳли бунга чек қўймаса бўлмайди. Сурия аҳлига қарши бундай адоват ва уларнинг ёмон оқибатлари шу даражада хатарлики, буни содир этаётган ва унга гижгижлаётганлар тасаввур қилишлари қийин».

Мана, биз огоҳлантирган ёмон оқибатлардан бирини кўриб қўйинг: кичик бир шаҳарча раҳбари чиқиб олиб, ирқчилик баёнотини беряпти, ҳатто уни амалда татбиқ қиляпти… Чунки Ливан ҳукумати бутун таркибий қисми билан юрт аҳлига қарши энг катта жиноят, яъни инсонлар ўртасига фитна солиб, ораларини бўлиш жиноятини содир этмоқда. Агар Ливан раҳбарлари онгига ирқчилик ин қуриб олмаганида ва улар ирқчилик нутқини қилишмаганда эди, анави шаҳар ҳокими ҳам «шаҳримизга ер сотиб олиш ва қурилиш учун четдан келган ва масиҳий бўлмаган харидорга ҳаргиз рухсатнома бермайман, ҳатто бу ишим билан мени қонунан қамасалар ҳам», дейишга журъат қилмаган бўларди. Чунки энг катта раҳбарлар аҳмоқлиги сабабли, бу кичик ҳоким тоифачилик ва ирқчиликни қонундан ҳам устун кўрса бўлаверади, деб ўйлаяпти.

Биз Ҳизб ут-Таҳрир аъзолари Ливан режимини қайта такрор огоҳлантирамиз: ирқчилик нутқи кишини тезроқ ҳалок бўлишга олиб боради, уни зудлик билан тўхтатиб қолмоқ лозим. Акс ҳолда, анави Арда ҳокимига ўхшаган кимсалар ўнлаб пайдо бўлиши ва бунинг фалокатли оқибати барчанинг бошига тушиши турган гап.

Ҳизб ут-Таҳрирнинг

Ливандаги матбуот бўлими

Телефон: 009613155103

Факс: 06-424695

Электрон почта: ht@tahrir.info

Ҳизб ут-Таҳрирнинг матбуот бўлими сайти: www.hizb-ut-tahrir.info