بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Наҳотки, Судан Исломга қарши фитна уясига айланган бўлса?!

Иброҳим Усмон Абу Халил қаламига мансуб

2017 йил 27-28 сентябр кунлари Хартумда Африка қитъаси Хавфсизлик ва Разведка хизматлари Конференцияси (CISSA)нинг 14-сессияси бўлиб ўтди. Унда ўттиздан зиёд Африка давлатларининг хавфсизлик раислари, АҚШ Марказий Разведка Бьюроси (МРБ) вакиллари, Франция, Саудия ва Амирликлар хавфсизлик хизмати вакиллари қатнашди. Икки кун давом этган бу конференция шиори «Терроризмга қарши кураш ва Африкадаги сиёсий барқарорлик сари «муваффақиятли қадам», деб номланди. Конференция сўнггида Судан миллий хавфсизлик ва разведка хизмати директори (CISSAнинг навбатдаги сессиясига раислик қилаётган) генерал лейтенант Муҳаммад Ато Мавло – хавфсизлик ва барқарорлик, иккаласи бир-бири билан чамбарчас боғлиқлигини ҳамда бир-биридан асло ажралмаслигини таъкидлади. У Конференция томонидан терроризм илдизлари, бугуни ва келажаги экспертлар ёрдамида қунт билан изчил ўрганиб чиқилганини, айтди. Шунингдек, Конференция иштирокчиларининг терроризмга қарши курашиш учун кенгқамровли стратегик ҳамкорликка ишонишларини, бундан ташқари, қитъада сиёсий барқарорликни рўёбга чиқаришга қаттиқ тавсиялар беришларини қатъий таъкидлади.

Биз айни конференцияда кўтарилган шиордан, республика президентининг нутқидан, хавфсизлик ва разведка директори сўзларидан у ердаги асосий диққат-эътибор «терроризм»га қарши курашга қаратилганига гувоҳи бўлдик. Африка қитъасининг сиёсий барқарорлиги ҳақидаги гаплар эса, бу одамларни лақиллатиш учун айтилган тутуриқсиз гаплар, холос. Чунки асосий мавзу «терроризм»га қарши кураш мавзуси бўлган. Хўш, шу даражада хавфсизлик ва разведка хизматларини йиғилишига ундаётган ва унга қарши курашиш ёки уруш қилиш учун стратегиялар белгилашга мажбур қилаётган бу терроризм нима ўзи?!

Америка етакчилигидаги халқаро сиёсатни кузатиб бораётган ҳар бир инсон «терроризмга қарши кураш» Америка лойиҳаси эканини, бунга бутун дунёни сафарбар қилаётган ҳам шу давлат эканини билиб олиши қийин эмас. Унинг айни лойиҳасига Ислом олами ва Африкадаги барча юртлардаги унинг малайлари қўшилишди. Улар Американи рози қилиш йўлида барча хавфсизлик хизматию разведкасини ишга солишди. Бу терроризм, дейилаётгани нима ўзи, АҚШ ҳам, исломий юртлар ҳукмдорлари ҳам, Судан дохил Африка давлатлари ҳукмдорлари ҳам унга қарши шу даражада уруш қилишаётган бўлса?!

Терроризмга қарши кураш-уруш, Америка наздида Исломга қарши урушдир ва бунга мутлақо шубҳа йўқ. Гап шундаки, Америка агар Исломга қарши курашини очиқ маълум қиладиган бўлса, бу ўзига қарши бир ярим миллиард мусулмонни қўзғаб юборишини ва бу билан у мағлубиятга-зиёнга дуч келиши мумкинлигини билади. Исломга қарши туришга на фикрий, на ҳарбий жиҳатдан қодир бўла олиш мумкинлигини ҳам Америка ва бутун Ғарб яхши билади, ахир, буни асрлар давомида синаб қўришган ва муваффақиятсизликка юз тутишган. Айнан шу сабабдан улар Ал-Қоида, Исломий Давлат каби ташкилотларга қарши зоҳирда уруш бошлашди, ўзларининг жиноятлари, ёлғонлари ва зулмларига шу жамоаларни баҳона қилишди. Америка Ислом ва мусулмонларга қарши ўзининг уйдирмаю фитналарини шу Давлат ташкилоти билан дастаклади. Чунки Давлат ташкилотининг қилмишлари, ҳам сиёсий, ҳам амалий жиҳатдан Американинг Исломга қарши курашига хизмат қилмоқда. Чунки Давлат ташкилоти қилмишлари нафрат қўзғовчи жирканчли ишлар бўлиб, одамларни бу ташкилот ва унинг бошқарувидан бездирмоқда. У ўзини «халифалик», деб эълон қилди, татбиқ қилаётган нарсаларини «ислом», деди. Бу эса Американинг ўз иттифоқчилари билан Исломга қарши курашдаги лойиҳасига хизмат қилди.

«Терроризм»га қарши кураш Ғарб-Америка тил бириктирувидир. У бошидан охиригача ёлғон нарса. Аслида, улар Исломга қарши курашишяпти. Нега? Чунки Ислом сиёсий тузумдир, бутун инсонлар учун сақофат ва яшаш тарзидир, бу албатта капиталистик тузумдаги яшаш тарзига таҳдид солмоқда. Зотан, капиталистик тузум бутун инсоният ҳаётини бузди, очкўзлик, зулм ва коррупция жаҳаннамида куйиб-жизғинак бўлишга олиб келди.

Америка мусулмонларнинг юртлари устидан ҳукмрон бўлишни, бойликларини ташиб кетишни истайди, аммо унинг қаршисида Ислом, унинг аҳкомлари ва холис даъватчилари тўғаноқ бўлмоқда. Шунинг учун ҳам у «терроризм»га қарши кураш ниқоби остида Исломга қарши курашиб, уни илдизи билан йўқ қилишга, ўрнига куфрни ўрнатишга уриняпти. Бу ишда унга мусулмонларнинг ёрдам беришларини хоҳлаяпти, фақат ҳукмдорларгина эмас, балки уларнинг бутун халқлари қатнашсин, деяпти. У мисоли ўз душманини йўқ қилиш учун ўзини унга дўст кўрсатиб, қўйнига кириб олган илон кабидир. Американинг айни режаси бўйича, у душманларига қарши курашмаётганини, уларга заррача зарар келтирмаслигини, аксинча, уларга тараққиёт ва фаровонлик олиб келишини, бинобарин, улар Америкага ишонмоқлари, ундан қўрқмасликлари кераклигини даъво қилади, яъни мусулмонлар унга ишониб, ўзлари унинг кундасига бош қўйиб беришлари керак!! Америка стратегияси зимнида яширинган нарса шу. Мусулмонларнинг ўзлари бу ишни «ҳамкорлик», деган чиройли ва жозибадор сўзлар билан амалга оширишлари лозим. Бу «ҳамкорлик», деган сўз билан рувайбизалар ўзларини гўё катта давлатлардек ҳис қилишяпти, худди йирик давлатлар ҳамкорларидек!!

Кишини жуда ҳайрон қолдирадиган нарса шуки, ушбу Исломга, унинг аҳкомларига ва холис даъват аҳлига қарши курашга анави Инқоз режими ҳам қўшилди. Ҳолбуки, Исломни, унинг шариатини татбиқ қиламан, деган шиорлар билан келган мана шу режимдир. Бунинг воқеда умуман ҳис қилиб бўлмайдиган қуруқ шиорлар бўлишига қарамай, режим уларни Ислом ва унинг адолатини севувчи Судан аҳлига зўрлаб тиқиштирди. Мана, бугун Инқоз ҳукумати Американи рози қилиш йўлида кетма-кет ён бериб, Ислом шиорларидан воз кечди, исломий шариатни татбиқ этиш тўғрисида гапирмай ҳам қўйди. Билъакс, берган ваъдаларини бузиб, динимизда маълум-аён бўлган аҳкомларни бекор қилди. Чунки Ғарбни, айниқса, Американи рози қилмаса бўлмайди! Мана, Америка ҳам ундан қисман рози бўлиб, йигирма йил муқаддам унга жорий қилган иқтисодий санкциясини олиб ташламоқда… Лекин уни «терроризм»га ҳомийлик қилувчи давлатлар рўйхатидан ҳануз чиқармай туриш билан баттар хорлаяпти! Бу Инқоз тушунадиган фаросатли ҳукумат бўлганда эди, «терроризм»га қарши кураш Исломга қарши кураш эканини тушунган бўларди, ахир, аслида бу режим қуролли жамоаларга ҳомийлик қилмайди-ку?! Йўқ, бу режимдан талаб қилинаётган нарса, Ислом ва унинг аҳкомларига қарши курашда тинимсиз ён бериши керак. Кўриб қўйинг, АҚШнинг Хартумдаги элчиси вазифасини бажарувчи Стивен Коцис 2017 йил 7 октябр шанба куни элчихона қароргоҳида ўтказган матбуот конференциясида – бугун Судданни Қўшма Штатларнинг терроризмга ҳомийлик қилувчи давлатлар рўйхатидан чиқариш масаласини Хартум билан муҳокама қилишга шароит йўқ, ҳозир бунинг вақти эмас, деди. Сўнг «Судан ҳукумати айни рўйхатдан чиқиш учун нима қилиши кераклигини яхши билади, умид қиламизки, бу шартларни яқинда бажаради», дея қўшимча қилди. Оқил инсоннинг тушунмоғи учун ишоранинг ўзи кифоя.

Америка Исломга қарши курашида нималар қилмасин, мусулмонлар орасидаги баъзи динини дунёси эвазига алмаштириб, кофир Ғарбга тобе бўлишни афзал топган кимсалардан қанчалар фойдаланмасин, кофир ва мунофиқлар исташсин-исташмасин, Аллоҳ албатта Ўз нурини ҳар тарафга тўла ёйгувчидир. У Пайғамбарлик минҳожи асосидаги рошид Халифалик барпо бўлишига оид динни ғолиб қилиш ваъдасини албатта бажарувчидир. Ана шунда Ислом ва унинг аҳли куч-қудратга тўлади, куфр ва унинг аҳли хор бўлади. Аллоҳ Таолога дуо қилиб, бу кунни яқин қилишини сўраймиз, У бунинг бу ишнинг эгасидир ва бунга қодирдир.

Роя газетасининг 2017 йил 11 октябр чоршанба кунги 151-сонидан