بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Суриядаги жангчи гуруҳларни ҳарбий жиҳатдан қўллаб-қувватлов – бунга ундаган омиллар тугагани учун – тўхтатилди

Аҳмад Абдулваҳҳоб қаламига мансуб

Ғарб давлатлари, шу жумладан Америка ўзини Сурия халқининг дўсти эканини даъво қилиб келди. У қуролли гуруҳларни қўллаб-қувватлаб, уларга қурол-яроқлар юбора бошлади. Аммо юборган қуроллари ҳеч нарсага ярамайдиган, табиийки, режимни ағдаришга ҳам олиб бора олмайдиган жуда заиф қуроллар эди. Албатта шундай бўлиши табиий. Ахир, унинг Шомдаги малайини ағдариш мақсадида қўзғолонга чиққан гуруҳларни қандай қилиб қўллаб-қувватласин?! У ҳолда, Ғарб давлатларига ўзини айни қуролли гуруҳларни қўллаб-қувватлаётган қилиб кўрсатиш нега керак бўлди?!

Шубҳасиз, бунинг сабаблари бир нечта. Улардан муҳими, Америка ушбу гуруҳларни ўзига итоат қилишдан бўйин товлаган пайтда уларни «террорчи» ташкилотлар рўйхатига киритиб энг ривожланган қуроллар ёрдамида йўқ қилишга, шу билан бирга, ўзининг малайига қарши чиққан халқни қирғин қилишга баҳона пайдо қилишдир. Ахир, бунга ўзимиз гувоҳ бўлдик: Ғарб давлатлари ўзларининг ҳужумларида айнан фуқароларни нишонга олди, содир этган мунтазам қирғинлари ёшу қарини, эркагу аёлни омон қолдирмади, истисносиз ҳаммага етиб борди… бутун дунё лом-мим демай кўриб-эшитиб турди… Шом тоғути қўзғолон бошланганидан бери қўллаб келган иши шу эди. Яъни, уларни тўхтовсиз қамоққа олиш ва қатл қилиш билан шуғулланди, шу орқали уларни қўлларига қурол олишга мажбур қилди… натижада, бу тоғут Сурия қўзғолони оқимини, келишиш мушкул бўлган сиёсий оқимдан ҳарбий оқимга буриб юборишни уддасидан чиқди… Бу эса Америкага ўзини Сурия халқини дўсти эканини даъво қилиш орқали қўзғолонни жиловлаб олиши, кейин йўқ қилиши учун имконият дарвозаларини очиб берди. Зеро, уларни жиловлаб олиш қўллаб-қувватлаш учун яна бир сабаб бўлган. Бунинг қандай оқибатларга олиб келгани ҳеч кимга сир эмас. Масалан, Туркия, Саудия ва Қатар айни қўзғолонни жиловлаш ролини ўйнаб беришди. Ғарб жангчи гуруҳлар етакчиларини жиловлаб олишга муваффақ бўлгач, ўз малайига қарши кўтарилган халқдан бир миллионга яқинини шаҳид қилди, миллионлабини қочқинга айлантирди, уй-жойларини, касалхоналарини, иситиш печларини, мактабларию масжидларини вайрон қилди, ҳатто уйларини вайрон қилишда ўзлари билан қўшиб кўмиб ташлади… Хуллас, Ғарб ниятига эришгач, жангчи гуруҳларга ўт очишни тўхтатиш ва тарангликни юмшатиш, деган нарсани тиқиштирди ҳамда жангчи гуруҳларни қўллаб-қувватлашдан воз кечганини маълум қилди, сўнг эса, Шом тоғутининг ҳокимиятда қолишига рози эканини билдирди… Айнан шу Ғарб Шом тоғутига нисбатан позициясини босқичма-босқич билдирди. Масалан, бошида «Башар Асад ўз қонунийлигини йўқота бошлаяпти», «қонунийлигини йўқотди», «Сурия келажагида унинг ҳеч қандай роли йўқ», деди, кейин «унинг бирор роли бўлиши мумкин», дейишга ўтди, сўнг «унинг ва ҳукуматининг қолишга рози бўлиш» ҳақида гапирди. Унинг қолиши ҳақидаги гапни собиқ АҚШ элчиси Роберт Форд, АҚШ маъмурияти Асаднинг қолишига рози, деди. Шундай экан, энди Америка бу тоғутга «Сурия ўтиш даври ҳайъати мухолафати» ёки «миллий бирлик ҳукумати», деган мансабларни биргаликда баҳам кўришига қўйиб берди. Мудом Шом тоғути қудратда турар экан, мудом Сурия ҳарбий ва хавфсизлик муассасалари сақланиб қолар экан, мазкур ҳайъату ҳукуматлар қандай бўлишининг фарқи йўқ… Гўёки сурияликлар қишлоқ хўжалик вазирлигини ағдариш ёки ислоҳ қилиш, ички савдо вазирлигини ағдариш ва истеъмолчини ҳимоя қилиш… учун қўзғолон бошлагандай!!

Бугун Америка Россия ёрдамида, қўзғолонни битириш босқичларининг охирги босқичига етиб олишга ҳаракат қиляпти ҳамда бунга замин тайёрлаш учун баёнотлар беряпти. Чунки шу пайтгача у жангчи гуруҳлар қўлига кишан солиб, фронтларни музлатди, Шом тоғутини эса, жиловсиз қўйиб берди, айрим минтақалар билан ярашиб олиши учун бемалол қирғин қилиш ва қочқинга айлантиришига қўйиб берди, бу минтақалар аста секин бирма-бир ўз ишини тугата бошлади, анави гуруҳлар етакчилари бўлса, бунга қарши ҳаракат қилмай тураверишди, гўё бу каби йўқ қилмишлар уларнинг тумшуғи остида эмас узоқ-узоқда бўлаётгандай!! Дарҳақиқат, БМТнинг Суриядаги махсус вакили Стеффан де Мистура «ҳақиқат соати яқинлашди», дея «Сурия мухолафати»ни урушда ҳеч вақога эга бўлолмаганини англаб етишга чақирди. Туркия президенти Ражаб Тоййиб Эрдоган жорий ой ўртасида бўлиб ўтиши белгиланган Остона анжумани олдидан айни анжуманни «Сурия музокаралари учун якуний босқич», дея атади.

Ҳа, Шом тоғути ўз ортидаги кофир Ғарб ёрдамида мувозанатни нисбатан ўзгартириб юборишга муваффақ бўлди. Бироқ бу муваффақияти унинг кучлилиги ёки гуруҳларнинг заифлиги натижаси эмас… Балки, бунга нопок сиёсий маблағ орқали шу гуруҳлардан ўз қарор ва истакларини тортиб олиш сабаб бўлди, юқорида айтганимдек, гуруҳлар қўлини кишанлаб, тоғутга эрк бериб қўйди. Бу гуруҳлар мувозанатни қайта тиклашга қодирдирлар. Бироқ бунинг учун уларда журъатли ва чин қарорлар етишмайди… Албатта бу қўллаб-қувватловчи давлатлар билан бўлган алоқани узиш, ўз иродаларига қайта эга бўлиб, ўзлари ўзларига қарорлар чиқариш қароридир. Ана шунда айни қарорларнинг мустақил манбаи бўлади… Кейин эса, бу гуруҳлар бир аниқ муайян сиёсий лойиҳа ва онгли холис етакчилик атрофига бирлашадилар, Шом тоғутини ўз қароргоҳи бўлган Дамашқда ағдариб ташлаш учун унга қарши барча фронтлар қайта очилади. Ана шунда Шом аҳли ҳам ушбу тўғри ниятли гуруҳлар билан битта сафга тизиладилар ва уларни моллари, жонлари, жигар поралари ва барча керакли нарсалари билан қўллаб-қувватловчи ҳосилдор заминга айланади. Ахир, Шом аҳли бу Шом тоғутидан халос бўлиш ва Ислом бошқарувини ўрнатиш йўлида ўзларининг қанча-қанча қимматли нарсаларини фидо этмади дейсиз ва ҳамон шундай қурбонликларга тайёр турибдилар. Бироқ бу мақсадни амалга ошириш учун жиддий ишларни қилиш шарт. Энди анави гуруҳларнинг бир-бирлари билан қирпичоқ бўлиб, асосий душманларини унутишаётганига келсак, вазият қандай бўлмасин, бунга Шом аҳли ҳаргиз сукут қилмайди ва рози бўлмайди, озми-кўпми вақт ўтиб, бундай гуруҳлар етакчиларини албатта улоқтириб ташлайди.

Роя газетасидан олинди