بِسْمِ اللَّـهِ الرَّحْمَـٰنِ الرَّحِيمِ

Роя газетаси:

АҚШ Ироқ режими илтимоси билан Мосул ғарбида юзлаб инсонни қирғин қилмоқда

2017 йил 26 март якшанба куни «Ҳаёт Лондония» сайтида қуйидагича хабар нашр қилинди:

«Кеча АҚШ марказий қўмондонлиги Америка учоқларининг Мосул шаҳри ғарбидаги бир жойни бомбалагани, оқибатда оддий фуқаролардан катта қисми ҳалок бўлганини тасдиқлади. Лекин қўмондонликнинг баёнотида қўшимча қилинишича, айни ҳаво ҳужуми Ироқ хавфсизлик кучлари талаби билан амалга оширилган. Ҳужумда фуқароларнинг ўлдирилиши натижасида Мосулнинг сўнгги кварталини «ИШИД»дан қайтариб олинган. Ироқлик масъуллар ва фуқаролик ташкилотлари эски шаҳар яқинидаги «Янги Мосул» минтақасида амалга оширилган айни ҳаво ҳужумида 500 нафар атрофида фуқаро ўлганини тасдиқлади. Маҳаллий кенгаш раисаси Басма Басим «Янги Мосул» кварталини бориб кўриб, минтақанинг буткул вайрон бўлганини, Халқаро коалиция ҳаво ҳужумларида 500дан зиёд инсон нобуд бўлганини хабар қилди. У минтақадаги ҳолатни «иккинчи Кобани», дея сифатлади.

Видеолавҳаларда Мосулнинг ғарбий районларида фуқаровий мудофаа гуруҳлари вайроналар остидан ўнлаб жасадларни чиқариб олаётгани, сўнг шаҳар ташқарисига олиб чиқиш учун тез ёрдам машиналарининг етишмаслиги сабабли жасадларни жамоат боғлари ва ҳовли саҳнларига дафн қилишаётгани акс этган.

Роя газетасининг 2017 йил 29 март чоршанба кунги 123-сонидан

0

0