АҚШ мустамламлакачи давлатдир!
Матбуот баёноти
АҚШ мустамламлакачи давлатдир!
Унинг божхона сиёсатига бўйсуниш эса Умматнинг суверенитетига тўғридан-тўғри таҳдид солади!
Капитализмни бутун дунёга тарғиб этувчи Америка сўнгги пайтларда жаҳон миқёсида «божхона кризиси»ни бошлади. Бу билан у капиталистик мафкуранинг асосий таянчларидан бири бўлган эркин бозор қоидаларини ҳам, ўз қўли билан барпо этган Жаҳон Савдо Ташкилотининг принципларини ҳам менсимасдан четга сурмоқда. Бу ҳолат капиталистик тузумнинг инсонпарварликдан йироқ, фақат суиистеъмолга асосланган эканини яна бир бор очиқ намоён этди. Ажабланарлиси шундаки, Бангладешдаги муваққат ҳукумат АҚШнинг божхона чораларини қабул қилиш билан унга бўйсунувчи сиёсатни танлади. Бир қатор давлатлар Боинг маҳсулотларидаги нуқсонлар туфайли буюртмаларини бекор қилаётган бир пайтда, Бангладеш ҳукумати айнан шу компаниядан 25 та қимматбаҳо Боинг самолётини сотиб олиш, шунингдек, АҚШдан пахта ва суюлтирилган табиий газ импорт қилиш ҳақида ҳалокатли қарор қабул қилди. Бундан ташқари, ҳукумат халқ кўзидан яширин ҳолда Америка билан икки томонлама учрашувлар ўтказиб, маълумотни ошкор қилмаслик тўғрисидаги тарихий келишувни имзоламоқда. Бу битимни махфий имзолашнинг сабаби – юртдаги онгли инсонлар, ҳалол сиёсатчилар ва зиёлилар Америка Бангладешни ўзининг геосиёсий қуроли сифатида ишлатишга уринаётганини ва бу минтақада мустамлакачилик лойиҳаларини амалга оширишда қаттиқ туриб ҳаракат қилаётганини англаб етганларидир. Аллоҳ таоло бундай деган:
﴿إِن يَثۡقَفُوكُمۡ يَكُونُواْ لَكُمۡ أَعۡدَآءٗ وَيَبۡسُطُوٓاْ إِلَيۡكُمۡ أَيۡدِيَهُمۡ وَأَلۡسِنَتَهُم بِٱلسُّوٓءِ﴾
«(Эй мўминлар), агар улар (мушриклар) устингиздан зафар қозонсалар, душманларингиз бўлурлар ва сизга қўл ва тилларини ёмонлик билан чўзурлар (яъни сизларни ўлдирурлар, ҳақоратлар қилурлар)» [Мумтаҳана 2]
АҚШнинг бундай божхона сиёсатини капиталист иқтисодчилар нега инкор этмаяпти, деб сўрасангиз, тўғри, улар сиёсий иқтисодни биладилар. Бироқ шунга қарамай, шу даражада содда ва калтабинки, АҚШнинг божхона сиёсатини фақат иқтисодий нуқтаи назардан баҳоламоқдалар ва унга жавобни фақат иқтисодий қарши чоралар билан бериш мумкин, деб ўйламоқдалар. Агар Бангладешдаги муваққат ҳукумат Америка компанияларини мамлакатнинг энергетика соҳасидан чиқариб юборганида эди, мана шундай ғайриинсоний сиёсатларга муносиб жавоб берган бўлар эди. Аммо афсуски, бу масала ҳатто Бангладеш ва Америка ўртасидаги савдо танқислиги бўйича ҳисоб-китобларда ҳам инобатга олинмади.
Ҳокимиятни қўлга киритишга ўч Бенгал Миллий партияси эса, АҚШнинг божхона сиёсатида ҳукумат билан тўлиқ ҳамкорлик қилишини айтиб, халқни алдади. Америка ўз ҳукмронлигини Бангладешда тобора кенгайтириб бораётган бир пайтда эса, айримлар ҳатто Америка дипломатларига совғалар улашишдан ҳам тортинмади.
Биз, Ҳизб ут-Таҳрир – Бангладеш вилояти, муваққат ҳукуматни қатъий огоҳлантирамиз ва шундай деймиз: Америка мустамлакачи давлатдир. Шунинг учун у билан ҳар қандай келишувлардан воз кечинг. Аксинча, айни вазиятдан унга бўлган ҳар қандай тобеликдан, айниқса савдо соҳасидаги боғлиқликдан халос бўлиш имконияти сифатида фойдаланинг.
Эй инсонлар!
Ҳар қандай онгли сиёсатчи яхши биладики, Америка ўзининг капиталистик мустамлакачилик сиёсати орқали бир неча марта, қайта-қайта жаҳон иқтисодиётини таназзулга солган. Бугун ҳам у дунёда яккаҳокимлик ўрнатиш мақсадида навбатдаги савдо урушини бошламоқда. Сиёсий мулоқот маркази тадқиқотлар директори доктор Муаззам таъкидлаганидек, Америка жорий этаётган бир томонлама савдо сиёсатлари ва янги бож ставкалари жаҳон савдо тизимига жиддий таҳдид солмоқда. Шу тариқа, капитализм доим тарғиб қилиб келган «эркин бозор иқтисодиёти» деган даъвонинг ёлғонлиги, ҳатто замонавий иқтисодчиларнинг кўзида ҳам фош бўлди.
Фақат Халифалик тузумигина юртларимизни иқтисодий жиҳатдан ўзини ўзи таъминлайдиган даражага етказишга ва тўғридан-тўғри хорижий инвестицияларга таянадиган сиёсатларни бутунлай ўзгартиришга қодирдир. У Америка мустамлакачилиги ташкилотлари бўлган Халқаро Валюта Фонди ва Жаҳон Банки кабиларни илдизи билан йўқ қилиб, Ислом асосида одил ва илғор иқтисодий тузум барпо этади. Шу тариқа дунёни адолат ва мувозанат устувор бўлган иқтисод сояси остига қайтаради. Ўзингиз яхши билганингиздек, Ҳизб ут-Таҳрир бу борада кўплаб маҳаллий ва халқаро анжуманларда Халифаликнинг етакчи иқтисодий сиёсатлари ҳақида батафсил баёнотлар тақдим этган. Шунинг учун Ҳизбнинг онгли ва холис раҳбарияти атрофида сафларингизни бирлаштиринг ва Пайғамбарлик минҳожи асосидаги иккинчи рошид Халифаликни барпо этишга шошилинг. Аллоҳ Таоло бундай деган:
﴿وَلَوۡ أَنَّ أَهۡلَ ٱلۡقُرَىٰٓ ءَامَنُواْ وَٱتَّقَوۡاْ لَفَتَحۡنَا عَلَيۡهِم بَرَكَٰتٖ مِّنَ ٱلسَّمَآءِ وَٱلۡأَرۡضِ وَلَٰكِن كَذَّبُواْ فَأَخَذۡنَٰهُم بِمَا كَانُواْ يَكۡسِبُونَ﴾
«Агар у қишлоқларнинг (жойнинг) аҳли иймон келтириб, тақводор бўлганларида эди, албатта Биз уларга осмону ердан баракот (дарвозаларини) очиб қўйган бўлур эдик. Лекин улар (пайғамбарларимизни) ёлғончи қилдилар, бас, уларни ўзлари қилган гуноҳлари сабабли ушладик» [Аъроф 96]
Ҳизб ут-Таҳрирнинг Бангладешдаги матбуот бўлими
