بسم الله الرحمن الرحيم

Роя газетаси:

АҚШнинг Эронга санкция жорий қилишидан энг катта зарар кўрадиган Европадир

Ҳижрий 1439 йил 23 Рамазон, милодий 2018 йил 8 июн жума куни «Русиял Явм» веб-сайти нашр қилган хабарда бундай дейилади:

«Эрон президенти Ҳасан Руҳоний Шанхай Ҳамкорлик Ташкилоти (ШҲТ)нинг Олий даражадаги саммитида иштирок этиш учун Хитойнинг порт шаҳри Циндаога етиб келди.

Шанба куни Хитойда бошланиб, икки кун давом этиши кутилаётган ШҲТ саммитида Ҳасан Руҳоний фахрли меҳмон сифатида қатнашади.

Бу саммит АҚШ президенти Дональд Трамп Қўшма Штатларнинг Тэҳрон билан имзоланган ядровий келишувдан чиқишини эълон қилиши ортидан ўтказилмоқда. Мазкур келишув – Эрон ядровий дастурини музлатиб қўйиши эвазига ундан иқтисодий санкцияларни бекор қилишни кўзда тутади».

Роя газетаси шарҳи:

АҚШнинг Эронга жорий қилган санкцияларидан албатта Эрон нишонга олинмаган. Чунки Эрон ўтган йиллар давомида ўзига жорий қилинган бу каби санкцияларга кўникиб бўлган. Қолаверса, айни санкциялар таъсирини енгиллатиш мақсадида ўзининг нефт маҳсулотларини чиқариш учун Хитой, Россия ва бошқа Европа давлатлари орқали канал очишга ҳаракат қилмоқда, Америка буни яхши билади. Шунинг учун у айни санкциялар билан Европа давлатларини нишонга олди. Чунки 2015 йил имзоланган ядровий келишув ортидан улар Эронга миллардлаб долларлик сармоя киритишаётган эди. Бундан ташқари, Америка Европа экспортлари учун божхона санкцияларини ҳам жорий қилди. Ўз навбатида, бу бутун Европа Иттифоқини оёққа туриб, Америка тушириб қўйган танг аҳволдан чиқиш чорасини излашга мажбур қилди.

Роя газетасининг 2018 йил 13 июн чоршанба кунги 186-сонидан