Аббоснинг эски-янги ташаббуси таслим бўлиб, мутелик қилиш ташаббусидир
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Аббоснинг эски-янги ташаббуси таслим бўлиб, мутелик қилиш ташаббусидир ҳамда яҳуд вужудини пайдо қилиб, унга ҳомийлик қилган БМТ ва мустамлакачи давлатларга боғланишдир
Фаластин ҳукумати раҳбари Маҳмуд Аббос 2018 йил 20 феврал сешанба куни халқаро конференция ўтказишни ўз ичига олган тинчлик режасини таклиф қилди. Таклифга кўра, бу халқаро конференция «икки давлат барпо қилиш» ечимини жонлантириш учун музокараларни қайта бошлашга қаратилади. Ҳолбуки, «икки давлат» ечими муборак заминнинг асосий қисмида яҳуд вужуди босқинчилигини қонунийлаштиради ҳамда «бўлажак» Фаластин давлатини қуролсизлантирилган, яҳуд вужудини ҳимоя қилувчи ва бу вужуд билан алоқаларни нормаллаштириш учун кўприк вазифасини ўтовчи давлатга айлантиради. Аббоснинг бу таклифи Қуддусга халқаролик мақомини бериш ҳамда «халқаро кучлар» ва «учинчи томон» номи остида қўшимча босқинчи кучларнинг Фаластинга кириб келишига замин тайёрланаётган бир пайтда янгради.
Аббос ва унинг тўдаси «тинчлик»ни рўёбга чиқариш ва тегишли халқаро қарорларни татбиқ қилишдаги БМТ билан Хавфсизлик кенгашининг муваффақиятсизлигини эътироф этса-да, бироқ улар ушбу мустамлакачи ташкилотга, Америка ва Ғарб давлатларига ҳануз чирмашиб ёпишишмоқда. Улар яҳуд вужудига ҳомийлик қилаётган бўлса-да, Аббос ва унинг тўдаси уларнинг воситачи ҳакам бўлишига рози бўляпти. Аббос бу адолатсиз ташкилот қарорларига боғланишни ҳануз давом эттирмоқда. Қолаверса, бу ташкилотни «дунё унга таянадиган энг олий нуқта, пирамида чўққиси ва бу ташкилотдан кейин фақат Арши-аъло бор» деб билмоқда.
﴿كَبُرَتْ كَلِمَةً تَخْرُجُ مِنْ أَفْوَاهِهِمْ إِن يَقُولُونَ إِلَّا كَذِبًا﴾
«Уларнинг оғизларидан чиққан сўз оғир сўздир. Улар фақат ёлғон сўзлайдилар» [Каҳф 5]
Воқеаларга таъсир ўтказиш, ташаббусларни бошлаш ҳатто қарор чиқарувчиларнинг ўзлари ҳам риоя қилмаган қарорларга риоя қилиш билан бўладими?! Мўмин одам битта тешикдан икки марта чақтирмаслиги керак бўлган бир пайтда, Аббос қачонгача Бирлашган Миллатлар Ташкилоти татбиқ қилишга ожизлик қилган қарорлар татбиқини талаб қилади?! Қолаверса, бу ташкилот Бош ассамблея томонидан Фаластин масаласида чиқарилган 705та қарорни, Хавфсизлик кенгаши томонидан чиқарилган 86та қарорни татбиқ қилмасликка тил бириктирди. Аббос, унинг ҳукумати ва Озодлик ташкилоти сабоқ чиқариши учун яна неча бор чақтириши лозим? Қачонгача улар алдаб чалғитишни давом эттирадилар?!
Трампнинг «Қуддусни яҳуд вужуди пойтахти» дея эътороф қилиш тўғрисидаги қарорини рад этишни даъво қилаётган Фаластин озодлик ташкилоти, унинг ҳукумати ва раҳбари бу жиноятга шерикдир. Қолаверса, улар бу жиноятда ташаббускорлар бўлиб «икки давлат барпо қилиш» ечими учун «курашувчилардир». Қуддусни Ғарбий ва Шарқий Қуддусга бўлганлар ҳам, Фаластин аҳлини тамсил этишларини даъво қила туриб, босқинчи вужуд қонунийлигини ва унинг мавжуд бўлиб туриш ҳуқуқини тан олганлар ҳам шулардир. Бугун юз бераётган ишлар улар эккан ифлос дарахтнинг меваларидир. Қолаверса, мана энди Аббос Фаластинга лоқайдлик қилиш ва унга қарши тил бириктириш ҳаракатини тугалламоқда. У – Қуддусга халқаро мақом беришни, Фаластинга яҳуд босқинчиларидан ташқари янги қўшимча босқинчи кучларни жалб қилишни истамоқда ва Фаластин масаласининг исломий мазмунини йўқ қилишга қаттиқ ҳаракат қилмоқда. Чунки у – бизнинг у ердаги ҳуқуқимизни бу тўғридаги Аллоҳнинг ҳукмига эмас, балки Канъонийларга боғлиқ қилиб қўйди.
Озодлик ташкилоти, унинг ҳукумати ва мусулмонларнинг барча ҳукмдорлари Фаластинга ўйинчоқдай муносабатда бўлиб келишди. Бугун Ислом Уммати учун уларни тўхтатиш ва Фаластин исломий замин эканини ҳамда унинг ечими Исломга боғлиқлигини очиқ эълон қилиш вақти келди. Ислом Уммати Фаластинни бир неча ўн йиллар давомида кишанлаб келган малай режимларни йўқ қилиш орқали бу иш тизгинини ўз қўлига олади ва пайғамбарлик минҳожи асосидаги Рошид Халифаликни барпо қилади. Ана ўшанда Халифалик ўз ҳайбати билан зафар қучади, яҳудийлар ва мустамлакачилар орқа ўгириб қочади. Ўша кунда замин, ор-номус ва муқаддас жойлар масаласида лоқайдлик қилганларнинг барчаси пушаймон бўлади, бироқ кеч бўлади.
﴿وَيَقُولُونَ مَتَىٰ هُوَ قُلْ عَسَىٰ أَن يَكُونَ قَرِيبًا﴾
«Ҳали улар: У (кун) қачон бўлур? – деб (сўрайдилар). Шоядки яқин бўлса, деб айтинг!» [Исро 51]
Ҳизб ут-Таҳрирнинг муборак замин Фаластиндаги матбуот бўлими
Телефон: 0598819100
Электрон почта: info@pal-tahrir.info
Фаластиндаги матбуот бўлими сайти: www.pal-tahrir.info
