Матбуот баёноти

Швеция Миграция хизмати Абдулазиз Абдуджалиловни Ўзбекистонга депортация қилмоқчи

Ҳизб ут-Таҳрир Ўзбекистон Матбуот бўлими раҳбарининг Швецияда истиқомат қилувчи Абдулазиз Абдуджалиловни ҳибсга олиниши бўйича баёноти.

2025 йил 30 октябрда Ҳизб ут-Таҳрир аъзоси ва Ўзбекистон фуқароси Абдулазиз Абдуджалилов Стокголм Миграция хизматида ҳибсга олинган.

Бизга маълум бўлишича, Депортация хизмати Абдулазизни Ўзбекистонга депортация қилишга қарор қилган.

Шу муносабат билан Швеция Миграция хизмати эътиборини қуйидагиларга қаратмоқчимиз:

1. Биринчидан, Ҳизб ут-Таҳрир – бу фақат фикрий ва сиёсий ишлар билан чекланган, ҳар қандай зўравонлик фаолиятидан қочадиган исломий сиёсий партия.

2. Иккинчидан, Ўзбекистонда Ҳизб ут-Таҳрир фаолиятини тақиқлаш ва партия аъзоларини таъқиб қилиш соф сиёсий хусусиятга эга, буни кўплаб мутахассислар ва инсон ҳуқуқлари фаоллари таъкидлаган ва таъкидламоқда.

3. Учинчидан, Ўзбекистонда йиллар давомида минглаб йигитларимиз судланган ва юзлаб одамлар қийноққа солинган ҳолда ўлдирилган. Кўпчилик ҳали ҳам қамоқда. Бу йил ҳам бир нечта йигитларимиз судланган ва узоқ муддатли қамоқ жазосига ҳукм қилинган.

4. Тўртинчидан, Абдулазизни Ўзбекистонга депортация қилиш, уни ҳеч бўлмаганда қийноққа солиш ва қамоқ жазосига ҳукм қилиш билан баробар бўлади.

Юқоридагиларни инобатга олган ҳолда, сиздан Абдулазизни депортация қилишни тўхтатишингизни ва уни тезда озод қилишингизни сўраймиз.

Ҳизб ут-Таҳрир Ўзбекистон Матбуот бўлими