Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар (qalampir.uz 18.09.2023й): 18 сентябрь куни Москва шаҳрида Ўзбекистон Республикаси ва Россия Федерацияси ҳукумат раҳбарлари даражасидаги Қўшма комиссиянинг 4-мажлиси бўлиб ўтди. Бу ҳақда ҳукуматларнинг расмий сайтида хабар берилди.
Изоҳ: Ўзбекистон ва РФ Бош вазирларининг учрашуви Мирзиёевнинг Америка сафарига тўғри келди. Яъни президент Шавкат Мирзиёев Америкага кетган бўлса, Бош вазир Абдулла Арипов Россияга кетди. Буни Россия Ўзбекистонни Америкага осонликча бериб қўймаслигига бир сигнал сифатида тушуниш мумкин. Шунингдек, Украина ботқоғига ботиб қолган Россия ўзининг халқаро майдондаги обрўси тушиб кетганига қарамай Марказий Осиё, хусусан Ўзбекистон ҳали ҳам унинг чангалида эканлигини Америкага кўрсатиб қўймоқчи бўлди. Ушбу мажлисда кўтарилган масалаларга келсак, Бош вазир Мишустин бу сафар ҳам АЭС қурилишини эсга олди ва ўтган йилги Ўзбекистондаги энергетик инқирозга ишора қилиб, АЭС қурилиши зарурлигини уқтирмоқчи бўлди. Шунингдек, худди Ўзбекистонда рус мактаблари камдек, яна қўшимча рус мактаблари қуриш бўйича таклифни Арипов хурсандчилик билан қабул қилган. Зеро, Ариповнинг сўзларига кўра, Ўзбекистондаги мактабларнинг 10 фоизида рус тилида таълим берилади, бу эса мингдан ортиқ мактаб демакдир. Яна бир эътиборли, балки ажабланарли иш Ариповнинг Россиядаги меҳнат муҳожирлари масаласида рус ҳукумати кўрсатаётган ёрдамни юксак қадрлашини айтгани бўлди. Бош вазирнинг русларга бундай ялтоқланиши ҳар қандай ақли расо кишининг энсасини қотирмай қўймайди. Ахир мана шу ёвуз рус ҳукумати Марказий Осиё, хусусан ўзбекистонлик меҳнат муҳожирларини турли разил йўллар билан Украинадаги урушга тиқмаяптими?! Анави вазирнинг кўзи кўр, қулоғи карми?! Ҳатто Россияда ўзбек, тожик ва балки бошқа тилларда – айнан Марказий Осиёликлар учун – рус армиясининг Украинадаги “ҳарбий операция”сига қўшилишга тарғиб қилинган реклама баннерлари илинганлиги ҳақидаги хабарлар тарқаяпти. Ўзбек ҳукуматининг бирор расмийси бу борада лом-мим дегани йўқ. Демакки, бу ҳукумат ўз халқини Россиянинг қонга ботган панжасига ташлаб қўйган. Шунинг учун ҳам Россия улар устида хоҳлаган ишини қиляпти. Мусулмон халқимиз шуни англаши лозимки, Ислом ҳокимият тепасига келмас экан, у ички ва ташқи сиёсат учун асос қилинмас экан, халқ устидаги бундай хорлик ва қолоқлик асло аримайди.
Хабар (president.uz 19.09.2023й): Президент Шавкат Мирзиёев АҚШга амалий ташрифи давомида Марказий Осиё мамлакатлари ва АҚШ Президентлари саммитида иштирок этди ҳамда Бирлашган Миллатлар Ташкилоти Бош Ассамблеясининг 78-сессиясида нутқ сўзлади.
Изоҳ: Ушбу сиёсий тадбирлар ҳафтанинг энг муҳим ҳодисаси сифатида Ўзбекистон матбуотида жуда кенг ёритилди. Мирзиёев ўзининг Америкага ташрифи доирасида Халқаро валюта фонди, Жаҳон банки, Жаҳон савдо ташкилоти раҳбарлари, БМТ бош котиби, Европа кенгаши президенти каби расмийлар, шунингдек “Citigroup”, “Boston Consulting Group”, “Air Products”, “Cerberus”, “Oppenheimer”, “GE HealthCare” каби корпорация ва компаниялар раҳбарлари билан учрашувлар ўтказди. Бундай учрашувлар ортида албатта Америка ҳукуматининг ёрдами ва қўллаб-қувватлови турибди. Хусусан, Мирзиёевнинг Америкага ташрифи вақтида нуфузли Forbes журналида Мелик Кайланнинг АҚШ президенти Жо Байденнинг янги геостратегик ташаббусини ўрганиб, Ўзбекистон ва унинг президенти Шавкат Мирзиёевнинг бу борадаги марказий ролига эътибор қаратилган мақоласи чоп этилди. Булардан кўриниб турибдики, Америка Марказий Осиёда ўз нуфузини кенг ёйиш ва таъсирини мустаҳкамлашда асосий эътиборни Ўзбекистонга қаратган. Шунинг учун ҳам у Мирзиёевга бошқалардан кўра алоҳида “ҳурмат-эътибор” кўрсатяпти. Америка ўзи кўзлаётган мазкур мақсадларига эришиш учун Ўзбекистон ҳукуматининг демократик қадрият ҳисобланадиган эркинликларни оёқости қилаётганига кўз юмяпти. Чунки Америка ҳозир ўзбек ҳукуматидан демократияга қатъий амал қилишни талаб қиладиган вақт эмас, деб ҳисоблаяпти. Ҳа, шундай бўлиши табиий ҳол, бунинг ажабланарли жойи йўқ. Зеро, Американинг икки хил стандартлар бўйича сиёсат юргизиши ҳеч кимга янгилик бўлмай қолган. Унинг учун асосийси манфаатни рўёбга чиқаришдир, бу йўлда у ўзи муқаддас деб билган ҳар қандай қийматдан воз кечиб юборади. Ўзбек ҳукумати эса, мана шундай иккиюзламачи ёвуз давлат билан ош-қатиқ бўлишдан тийилмаяпти. Американинг нақадар ёвуз ва жирканч давлат эканлигини Ироқ, Афғонистон ва бошқа юртлардаги улкан жиноятлари тасдиқлаб турибди. Асосийси, Аллоҳ Таоло мусулмонларни айнан Америка сингари Ислом ва мусулмонларга ашаддий душманлардан қаттиқ огоҳлантирган эди. Уларни ҳаргиз дўст тутмасликни, уларнинг қалбидаги нафрати жуда қаттиқ эканлигини бир эмас, бир неча маротаба эслатган эди. Бироқ бундан анави қўрқоқлик ва қуллик касалига мубтало бўлган бошлиқлар ибрат олмаяпти.
Хабар (kun.uz 22.09.2023й): Соғлиқни сақлаш вазирлиги Наманганда ўнлаб болаларнинг саломатлиги ёмонлашишига сабаб қилиб кўрсатилаётган «Kaliy yodid 1 mg (0,001) tabletka №100 (Antistrumin)» дори воситаси истеъмолини лаборатория хулосалари чиққунга қадар зудлик билан вақтинча тўхтатиб туриш ҳақида топшириқ берди.
Изоҳ: 3 ёшдан 15 ёшгача бўлган болаларнинг ақлий, руҳий, жисмоний ривожланишини таъминлаш ва турли касалликларни олдини олиш мақсад қилингани айтилган йодлаш амалиёти бошлангач, мамлакат касалхоналарига дардга чалинган гўдаклар келтирила бошланди. Ҳукумат тарафидан дабдабали тарзда ташвиқот қилиб келинган “Ёрқин миллат” дастурининг биргина Наманган вилоятида 450 боланинг заҳарланиши билан боғлиқ фожиавий оқибати ижтимоий тармоқларда етарлича ёритилгани сабаб йодлаш амалиёти вақтинча тўхтатилди ва “Kaliy yodid” дори воситаси лаборатория текширувидан ўтказиладиган бўлди. Бошқа вилоятлардаги тиббиёт ходимлари йодланиш оқибатида касалланган болалар аҳволини яширгани сабаб бу мудҳиш фожианинг ҳақиқий кўлами ноаниқлигича қоляпти. Маълумки, Ўзбекистонда куфр демократия тузуми татбиқ қилиниши оқибатида иқтисодий танглик юзага келиб, аҳоли турли витаминларга бой маҳсулотларни истеъмол қилишдан маҳрум бўлиб келяпти. Оқибатда мамлакатимизда йод танқислиги муаммоси пайдо бўлди. Энди бунга қарши курашиш учун ҳукумат томонидан ўйламай-нетмай қадамлар ташланди ва шошма-шошарлик билан болаларни ёппасига йодлаш дастури қабул қилиниб, жуда тез амалда татбиқ қилинди. Бошқа масалаларда суст бўлган ҳукуматнинг бу масалада жуда тез ҳаракат қилгани кўп шубҳалар уйғотади. Давлатнинг бу дориларни етарлича текширувдан ўтказмай болаларга бериб юбораётгани эса, ёш авлодга ва инсонлар соғлиғига қай даражада эътиборсиз эканлигини кўрсатади. Ўзбекистондаги ғайриисломий сиёсат фармацевтика соҳасига даромад манбаи сифатида қарайдиган капиталистик зеҳниятни пайдо қилган. Шу сабаб тиббиёт соҳаси ҳам катта бизнесга айланиб қолди. Моддий манфаатни ҳаётнинг асосига айлантирувчи демократик тузум бекор қилинмас экан, халқимизнинг бойликлари, озиқ-овқат маҳсулотлари ва соғлиғи мустамлакачи давлатлар ва капиталист компаниялар учун даромад манбаи бўлиб қолаверади.
Хабар (uza.uz 22.09.2023й): Ўзбекистон президенти Шавкат Мирзиёев БМТ Бош ассамблеясининг 78-сессиясидаги нутқида, экстремизм балоси тарқалишига, ёшларнинг радикаллашувига йўл қўймаслик учун биргаликдаги ҳаракатларни кучайтириш зарурлигини таъкидлади.
Изоҳ: Шавкат Мирзиёев яҳудий Каримов қилмишини такрорлаб БМТ минбаридан бутун дунёни муқаддас динимизнинг кенг ёйилаётганидан, айниқса ёшлар орасида унга интилиш кучайиб бораётганидан огоҳлантирди. Бу ҳам етмаганидек, Ислом ва мусулмонларга адовати ва душманлигини яширмайдиган Америка ва Ғарбдан БМТ воситасида ўзбек ёшларини тарбиялашда бошчилик қилишни сўради. Бусиз ҳам Мирзиёев ҳукумати гоҳ Россия, гоҳ Ғарб давлатлари ноғорасига ўйнаб, юртимиз иқтисоди ва ижтимоий ҳаётини инқироз ёқасига олиб келиб қўйди. Ҳаёт оғирлашгани сари ҳукуматнинг “Янги Ўзбекистон”, “Учинчи Ренессанс” ва бошқа ғоялари пуч иддаолар эканлиги тобора хунукроқ тарзда фош бўляпти. Демократиянинг тутуруқсиз тузум эканлиги, Ғарб давлатлари унга чақиришдан юртларни мустамлака қилишда фойдаланиб, мазлум халқларнинг мусибатларига эътибор бермайдиган иккиюзламачи давлатлар эканлиги ҳам фош бўлди. Россиянинг эса чириб битганлиги, унинг кучи меҳнат муҳожирларини ҳийла билан қамоққа олишга ва Украинага жўнатишга етаётгани аён бўлиб, мусулмонлар қалбида ўчмас нафрат ўтини пайдо қилмоқда. Бугунги кунда динга бўлган қизиқишнинг кучайиб боришида мазкур омиллар ҳам муҳим ўрин тутиб, мусулмонлар учун бу ҳаётда ишониш ва амал қилиш мумкин бўлган ягона йўл Ислом эканлиги ўз исботини топяпти. Шубҳасиз, Ислом дини мусулмонлар ҳаётини мукаммал Шаръий қонунлар билан тартибга солишидан ташқари, халқимизни ажралмас бир вужуд бўлишга буюриб, уларни золим ва хоин раҳбарлар зулмига таслим бўлмайдиган журъатли, қўрқмас шахсиятларга айлантиради. Ислом ва куфр йўли очиқ ажралган бугунги фитнали замонда мусулмонлар ҳар қандай таҳдид ва мўътадил йўналишлардан таъсирланмай, Ислом йўлини маҳкам тутишлари зарур. Шундагина Аллоҳнинг синовидан муваффақиятли ўтиб, икки дунё саодатига мушарраф бўлишади.
Ҳизб ут-Таҳрир Ўзбекистон матбуот бўлими аъзоси Абдураҳмон
25.09.2023й
