Ҳафталик муҳим воқеалар таҳлили

بسم الله الرحمن الرحيم

﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾

“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”

Хабар (daryo.uz 25.11.2023й): 25 ноябрь куни Тошкент шаҳрида Туркий давлатлар ташкилоти мусулмон диний идоралари раҳбарлари кенгашининг IV йиғилиши бўлиб ўтди. Йиғилишда Туркий давлатлар ташкилоти бош котиби, Туркия, Озарбайжон, Ўзбекистон, Қозоғистон, Қирғизистон муфтийлари, уламолар ҳамда диний соҳа вакиллари иштирок этди.

Изоҳ: Ушбу йиғилишда Туркия диёнат ишлари бошқармаси раиси Али Эрбош Ислом Умматининг қонли ярасига айланган Муборак Фаластин масаласи, жумладан террорист яҳудларнинг Ғазодаги мусулмонларни аёвсиз қирғин қилаётгани ҳақида нималардир деганини ҳисобга олмаганда, бошқа биров бу масалани тилга олмаган. Йиғилишни ёритган Ўзбекистон мусулмонлари диний идораси матбуот хизмати хабарида ҳам Ғазо воқеалари борасида бир оғиз гап йўқ. Аксинча, йиғилишда асосан “терроризм ва экстремизм” (Ислом ва мусулмонлар)га қарши кураш, шунингдек ақидапарастлик ва мутаассиблик иллатларига, исломофобияга муросасиз бўлиш каби масалалар муҳокама қилинганлиги айтилган. Бу салла-чопонлар кошоналарда ўтириб олиб, гўёки Ислом оламидаги муҳим масалаларни муҳокама қилиб, уларга ечим излашибди эмиш. Уммат вужудининг бир аъзоси бўлган Ғазо аҳли нажас яҳудлар қатлиомидан инграётган бир пайтда, бу хоин имомчаларнинг қуруқ тўпланиб, қаёқдаги сафсаталарни гаплашиб, яна келган жойига қайтиб кетишдан бошқа  нарсага ярамайдиган аҳволга келиб қолгани дард устига чипқон бўляпти. Ҳолбуки, мана шу “дин пешволари” ўз халқларига қарата “қандай диний муаммоларингиз бўлса бизга айтинг, биздан сўранг, анави “террорист ва экстремистлар”дан эҳтиёт бўлинг, улар сизни тўғри йўлдан адаштиради” дея оғиз кўпиртириб келишади. Муборак Замин – Фаластин масаласи каби ишларга келганда эса, оғизларига толқон солиб олишгани етмаганидек, яна ҳеч уялмай-нетмай мустамлакачи давлатлар ва уларнинг демократияси тегирмонига сув қуйишда давом этишади. Чунки уларнинг наздида ҳозир Ислом оламидаги асосий муаммо “терроризм ва экстремизм”, ақидапарастлик, мутаассиблик экан. Аслини олганда, Ислом Умматининг асосий муаммоларидан бири уларнинг ўзларидир. Чунки дунё мусулмонлари Исломий юрт ҳукмдорларидан Ғазога армия жўнатишни талаб қилаётган бир вақтда, улар ҳам ушбу талабни қўллаб-қувватлаш ўрнига, мана бундай сафсатабозликлари билан улкан хиёнатга қўл уришмоқда. Бугун Росулуллоҳ ﷺнинг агар амирлар ва уламолар бузилса, инсонлар ҳам бузилиши ҳақидаги сўзлари нақадар ҳақ эканлиги воқеда ўз исботини топиб бўлди.

Хабар (kun.uz 28.11.2023й): Ўзбекистонда ҳуқуқ-тартибот идоралари ходимларини «обрўсизлантириш мақсадида» иш фаолиятига оид фото ва видеоларни интернетда эълон қилганлик учун жавобгарлик жорий этиш таклиф қилинди. 28 ноябр куни бўлиб ўтган йиғилишда тегишли қонун лойиҳаси Олий Мажлис Қонунчилик палатасида концептуал жиҳатдан иккинчи ва учинчи ўқишда қабул қилинди.

Изоҳ: Ушбу қонунни қабул қилишга ундаган омил ижтимоий тармоқларда ички ишлар идоралари ходимларининг халққа қилаётган қўпол муомаласи ва зулми фош бўлиб қолаётганидир. Дарҳақиқат, авваллари бу соҳа ходимларининг жинояти, одамларга ўтказаётган зулмлари аксар ҳолларда жамоатчиликдан ёпиқ ҳолда қолиб кетарди. Бироқ сўнгги йилларда халқимизда журъат кучайиб, хавфсизлик тизими ходимларининг қинғирликларини фото ва видеолавҳалар орқали бутун дунёга ёйиб юбориш ҳолатлари бошланди. Албатта, бу бугунги ҳукуматни жиддий ташвишга солиши турган гап. Шунинг учун мазкур қонунга эҳтиёж туғилди ва у ими-жимида, жамоатчиликка билдирмай ўтказиб юборилди. Шундай қилиб, халқ хавфсизлик тизимининг зулму зўравонлигини фош қиладиган охирги “қуроли”дан ҳам айрилди. Энди ушбу қонун орқали хоҳлаган шахсни хоҳлаган пайтда жазолаш мумкин бўлади. Бошқача айтганда, олдинроқ блогерларни қамаш учун фирибгарлик, товламачилик каби навбатчи моддалар қўлланган бўлса, бундан бу ёғига ҳар қандай одамни қамаш ёки жаримага тортишга имконият эшиклари янада кенгайди. Чунки ушбу қонунда жуда кўп ноаниқликлар бўлиб, уни хоҳлаган одамга қарши қўлласа бўладиган қилиб қабул қилинган. Бу ерда қонундаги ноаниқликларни бартараф этиб, уни такомиллаштиришга эътибор қаратилмаган, дейиш ноўрин, аксинча бу қасддан қилинган. Токи, юқорида айтганимиздек, бу қонун асосида хоҳлаган одамни жавобгарликка тортиш имконияти туғилсин. Ушбу қонун муҳокамасида уни қабул қилиш оқибати яхшиликка олиб келмаслиги, балки “фуқароларнинг ички ишлар органлари ходимларига нисбатан бўлган ҳурматини қўрқув, ишончини шубҳа, севгиси ўрнини нафрат эгаллашига хизмат қилади” дея фикр билдирилган. Албатта, бу тўғри. Бироқ ҳозир ҳам хавфсизлик тизимига нисбатан халқимиздаги қўрқув, ишончсизлик ва ўртадаги жарлик етарли даражада улкан. Энди бу янада кучаяди ва чуқурлашиб боради. Шуни алоҳида таъкидлаш лозимки, қонун муҳокамасида хавфсизлик тизими одамлар ишонадиган ва яхши кўрадиган бир институт бўлиши лозимлиги айтилган. Бунга эришиш учун, аввало юртимизда ҳақиқат ва адолатни юзага чиқарадиган тузумни ўрнатиш лозим. Бу эса, табиийки Ислом тузуми ва унинг адолатли қонунларидир. Мана шундагина хавфсизлик тизими халқ манфаатига хизмат қилади ва одамлар соҳа ходимларини яхши кўриб, доимо ҳақларига дуода бўлади.

Хабар (qalampir.uz 29.11.2023й): Ўзбекистон Республикаси Президенти Шавкат Мирзиёев Россия етакчиси Владимир Путин билан телефон орқали мулоқот қилди. Бу ҳақда Кремл матбуот хизмати хабар берди. “Икки томонлама ҳамкорликнинг долзарб масалалари, жумладан, Ўзбекистон Президентининг яқинда Москвага ташрифи чоғида эришилган келишувларни амалга оширишни давом эттириш масалалари муҳокама қилинди” дейилади хабарда.

Изоҳ: Маълумки, октябр ойининг 5-7 кунлари Шавкат Мирзиёев Путиннинг таклифига биноан расмий ташриф билан Россияда бўлган эди. Учрашувнинг якуний куни – 7 октябрда Ўзбекистон президенти Шавкат Мирзиёев, Россия давлат раҳбари Владимир Путин ҳамда Қозоғистон етакчиси Қосим-Жомарт Тўқаев Россия газини Қозоғистон орқали Ўзбекистонга етказиб бериш жараёнига старт берганди. Ҳар йили қиш совуғига тайёргарликни тезак ғамлаш билан ўтказишга кўникиб кетган ҳудудлардаги аҳоли ҳам, раҳбарларнинг ушбу “оламшумул старти”дан бу сафар яхшигина умидланган эдилар. Аслида, ўзимизда улкан газ захиралари бўла туриб, уни хоин раҳбарлар қўли билан мустамлакачи ўрисга қўш-қўллаб топшириб, сўнгра яна қиммат нархларда сотиб олишимизнинг ўзи ўта шармандалик ва учига чиққан хорлик эди. Аммо шундай бўлса-да, айрим ОАВда чиққан хабарларга кўра, бу “старт”дан қўшни Хитой халқи қувонишга ҳақлироқ экани маълум бўлиб қолмоқда. Гап шундаки, “Kun.uz”, “Spot” нашрлари Хитой божхона бош бошқармаси хабарига таяниб, “Ўзбекистон октябр ойида Хитойга газ экспортини бироз оширди” дея хабар бергач,  халқимиз Россиядан келадиган газдан умидини узиб, давлатнинг бу келишуви Хитой халқининг қувончи учун экан-да, деган ўйга бориб қолди. Манбада айтилишича, Ўзбекистон Хитойга бор-йўғи саккиз ой давомида жами 454,4 млн долларлик газ ўтказиб улгурган. Ўзбекистон раҳбарининг “мактаб ойналарини ғишт билан тўсиб ташлаш билан совуқдан сақланиш” таклифини беришининг ўзиёқ, юқоридаги келишув ва битимлардан халқимизга сариқ чақалик фойда йўқлиги келиб чиқмайдими?! Бугун барча мусулмон ўлкалари устидаги раҳбарлар Америка ёки Россия каби мустамлакачилар малайи эканлиги ва улар Уммат манфаатларини ҳимоя қилиш ўрнига, асосан хўжайинларини рози қилиш пайида бўлишлари Ғазо қирғини манзарасида маълум ва машҳур бўлиб қолди. Лекин шундай бўлса-да, олам мусулмонлари ҳақиқий азизлик Ислом Халифаси байроғи остидаги бирликка қайтишда эканини тушуниб турган бир пайтда, халқилиз бу каби Уммат ғамига бегона раҳбарларнинг навбатдаги найрангидан хулоса чиқармаслиги ачинарли ҳолдир.

Хабар (gazeta.uz 01.12.2023й): 1 декабр куни жиноят ишлари бўйича Фарғона туман судида блогер ва жамоатчилик фаоли Олимжон Ҳайдаровга оид жиноят ишини кўриб чиқиш якунланиб, суд ҳукми эълон қилинди. Суд блогерни ЖКнинг 3 та моддаси бўйича айбдор деб топган ҳамда жазоларни қўшиш йўли билан 8 йил муддатга озодликдан маҳрум қилиш жазоси тайинланди. Шунингдек, Олимжон Ҳайдаровнинг ижтимоий тармоқлардаги барча саҳифа ва каналларини ўчириш белгиланди.

Изоҳ: Ҳа, Олимжон Ҳайдаров ҳам ҳукумат тарафидан олиб борилаётган “блогерлар ови”нинг навбатдаги қурбонига айланди. Унга ҳам бошқа блогерларга ёпиштирилган туҳмат, ҳақорат, товламачилик каби навбатчи моддалар билан жазо берилди. Аслида, у 29 июл куни ҳуқуқ-тартибот органлари томонидан қўлга олинганидаёқ, бу иш юқоридан келган буюртма эканлиги ва унинг бир неча йилларга қамалиши муқаррарлиги деярли аниқ бўлиб қолганди ва шундай ҳам бўлди. Ўтказилган 10 дан ортиқ суд мажлисларида унинг айби ўз исботини топмаганлигига қарамай, Олимжон Ҳайдаровни барибир қамашди. Албатта, унинг қамалишига блогерлик фаолияти сабаб бўлди. У одамлар дардига қулоқ солиб, муаммоларини бироз бўлса-да енгиллаштириш, оғирини енгил қилиш учун ҳаракат қилган кам сонли блогерлардан бири эди. Шунинг учун ҳам кўпчилик унинг суд жараёнини кузатиб борди ва айбсизлигини қўллаб-қувватлади. Шулар қатори биз ҳам Олимжон Ҳайдаровнинг оғири енгил бўлишини истаймиз ҳамда унинг яқинларига Аллоҳдан офият ва гўзал сабр сўраймиз. Шунингдек, бундай пасткаш ва тоқатсиз сиёсат юргизаётган ўзбек ҳукуматини, айбсиз одамларни ёмонотлиққа чиқариб, узоқ йилларга қамаш ортидан халқнинг қаршиғи ва нафратига мубтало бўлишларидан огоҳлантирамиз! Ҳеч шубҳа йўқки, бундай разил сиёсат юргизаётган ва унга хизмат қилаётган ҳар бир кимсани, бу бегуноҳ одамлар ва уларнинг яқинлари қарғишлари, албатта уради! Бироқ Аллоҳнинг олдидаги жавобгарлик янада оғирроқдир! Биз яна шуни ҳам таъкидлаймизки, ҳақ ва адолатни рўёбга чиқарадиган тузум ҳокимият тепасига келмас экан, Олимжон Ҳайдаров сингари юртнинг мард ўғлонлари мавжуд тузум ва золим бошқарув қурбонларига айланаверади. Уларнинг қадри ерга урилиб, умри қамоқларда хазон бўлаверади. Аллоҳнинг дини билан яшайман, дегани учун қарийб чорак асрдан буён Ўзбекистон зиндонларида қолиб кетаётган “Ҳизб ут-Таҳрир” йигитлари тақдири бунга ёрқин мисолдир. Халқим, дейдиган адолатпарвар одамлар фақат Ислом тузуми бошқарувга келсагина ўз қадри ва ўрнини топадилар. Чунки Расулуллоҳ ﷺ: “Одамларни ўз манзил-мартабасига қўйинг”, – дея амр қилганлар!

Ҳизб ут-Таҳрир Ўзбекистон матбуот бўлими аъзоси Форуқ

04.12.2023й