Матбуот баёноти

Алҳамдулиллаҳ, Ҳизб ут-Таҳрирнинг Ўзбекистондаги зулм ва зўравонликка қарши кампанияси муваффақиятли кечди

بسم الله الرحمان الرحيم

Каримов даври зулм тегирмонидан омон чиққан собиқ сиёсий маҳбусларни яна қайта қамоққа олиш ва узоқ муддатли қамоқларга ҳукм қилиш билан Мирзиёев бошлиқ ўзбек режими бутун дунёга ўзини шарманда қилди. Буни ҳозирда бутун Ислом уммати кузатиб турибди. Ўзи шундоқ ҳам Муборак Фаластин заминида бегуноҳ мусулмонлар, айниқса аёллар ва болаларнинг қони лаънати яҳуд вужуди томонидан дарё мисол оқизилаётгани етмаётгандек, ўзларини мусулмон ҳисоблайдиган ҳокимлар ҳам уммат орқасидан пичоқ уришдан ҳеч тийилишмаяпти. Бирор мантиққа тўғри келмайдиган, бераётган қуруқ ваъдаларига тамоман зид бўлган зулму зўравонликларнинг кети кўринмай қолди. Шунингдек, ҳукумат ёш авлодга Исломий таълим-тарбияни тақиқлаш ҳақидаги қонунни қабул қилмоқчи эканлиги, ҳижобга тоқатсизлик қилаётгани, никоҳни қийинлаштириб қўйгани, кўпхотинликни тақиқлаб, ҳатто уни тарғиб қилишни ман қилгани, Исломий қадриятларни жамиятдан узоқлаштиришга уринаётгани – буларнинг барчаси бу ҳукуматнинг қайси томонга юзланганини яққол намоён қилмоқда. У Ислом ва мусулмонлар манфаатини ҳимоя қилиш ўрнига, Россия ва Америка каби мустамлакачиларни рози қилишни афзал кўрмоқда.

Хабарингиз бор, Ҳизб ут-Таҳрир бутун олам мусулмонларини бундай зулму зўравонликларга қарши туришга даъват қилиб, ““ВОО УММАТИМОО!” Ўзбекистондаги фикр маҳбусларидан нидо” номли дунё бўйлаб кенг кўламли кампанияни эълон қилган эди. Ушбу кампанияга Покистон, Тунис, Швеция каби мамлакатлардан Ҳизб йигитлари бошчилигидаги мусулмонлар оммаси ҳам қўшилди. Жумладан, Швеция Стокгольмдаги Ўзбекистон элчихонаси олдида ўтказилган намойишда Ҳизб ут-Таҳрир Ўзбекистон матбуот бўлими раиси Ислом Абу Халил сўзга чиқиб, ҳукуматни кофир мустамлакачи давлатларни рози қилиш учун қилаётган бу каби зулму зўравонликларини бас қилишга ҳамда Ислом ва мусулмонларга қарши қаратилган сиёсатларга эргашишдан тийилишга чақирди.

Ҳижрий 1446 йил 17 муҳаррам, милодий 2024 йил 23 июл куни Ҳизб ут-Таҳрирнинг Украинадаги расмий вакили Фозил Амзаев бошчилигидаги делегация норозилик мактубини топшириш учун Киевдаги Ўзбекистон элчихонасига борди. Шунингдек, Ҳижрий 1446 йил 11 муҳаррам, милодий 2024 йил 17 июл чоршанба куни Ҳизб ут-Таҳрирнинг немис тилида сўзлашувчи давлатлардаги расмий вакили муҳандис Шокир Осим бошчилигидаги делегация норозилик мактубини топшириш учун Венадаги Ўзбекистон элчихонасига борди. Делегация раиси элчихона расмийсига Ҳизбни таништириб, қуйидагиларни таъкидлади: “Ҳизб ут-Таҳрир – фикрий-сиёсий фаолият олиб борадиган партия, у ҳеч қандай моддий фаолият билан шуғулланмайди. Балки Ҳизб ўз мақсадига эришишда зўравонлик воситаларидан фойдаланишни рад этади ва Исломий юртларда пайғамбарлик минҳожи асосидаги Рошид Халифаликни барпо этишга жиддий ҳаракат қилади. Бинобарин, ўзбек ҳукумати Россия каби мустамлакачи давлатларни рози қилиш учун Ҳизб ут-Таҳрирни террорчи ташкилотлар қаторига қўйиши катта хатодир. Шунингдек, Ҳизб аъзолари қайта ҳибсга олинганларидан сўнг, имзо чектириб олиш учун уларга ёлғон иқрорномаларни тақдим этиш, агар имзо чекмасалар аёлини зўрлаш ёки фарзандини ҳибсга олиш билан таҳдид қилиш мутлақо қабул қилиб бўлмас ишдир”.

Мазкур кампания доирасида, Ўзбекистондаги маҳаллий ОАВ жамиятимизда ноҳақлик, зулму зўравонлик илдиз отаётганига бефарқ қараётганлари, ҳукумат чизган қизил чизиқлардан нарига ўта олмаётганлари ва икки стандартли ёндашув олиб бораётганларини танқид остига олган мақолалар эълон қилинди. Ушбу мақолаларда Ўзбекистонга алоқадор хорижий ОАВ ҳам эътибордан четда қолмади. Бундан ташқари, Ўзбекистон суд-ҳуқуқ тизимида ислоҳотлар ўтказилиши эълон қилинганига қарамай, у ҳамон “ахлат тузум” давридагидек хавфсизлик идораларининг таъсири остида қолаётгани ҳам қатор мақолалар орқали мусулмон халқимизга ёритиб берилди. Жумладан, 15 июл куни ўқиб эшиттирилган суд ҳукми матнида келтирилишича, мазкур 23 нафар йигитнинг аксари олий маълумотли, ҳар бирининг камида 3 тадан фарзанди бор. Шунга қарамай, суд ҳукми бўйича йигитларнинг аксари “ўта хавфли рецидивист” деб топилгани янада ажабланарли бўлди. Ҳолбуки, воқелик бунинг тамоман акси. Одамлар уларни пок-тақволи, бировнинг ҳаққига хиёнат қилмайдиган, юрти ва халқига фақат яхшиликни раво кўрадиган, ўз тинчлиги ва манфаатидан кўра, одамлар тинчлиги ва манфаатини юқори қўядиган шарафли кишилар сифатида танишади.

Албатта, юртимиздаги холис кишилар бу каби зулму зўравонлик сиёсатига қарши мазкур кампанияни қўллаб-қувватлаб чиқдилар. Кампания доирасида тарқатилаётган видео-аудио материаллар, мақолалар, тўғридан-тўғри эфирлар ва бошқаларни минглаган одамлар кузатаётгани, юзлаб изоҳлар қолдиришаётгани юқоридаги гапларимизни таъкидлаб турибди. Бироқ ичларида баъзи эсипаст кимсалар ҳам борки, уларга Аллоҳ таолонинг: “Улар чорвалар кабидирлар, йўқ, улар (беақл, бефаҳмликда) чорвалардан ҳам баттардирлар. Ана ўшалар ғафлатда қолган кимсалардир”, – деган сўзи жуда мос келади.

Сўзимиз сўнггида шуни алоҳида таъкидлаш лозимки, ҳар қандай ҳокимият зулм ва истибдод йўлини тутдими, албатта, у заифлашиб йўқ бўлиши муқаррар. Бунга тарихдан жуда кўп мисоллар бор. Каримов режимининг ўзи ҳам бунга яққол далил. Чунки сиёсатнинг зулмга қурилиши ҳукуматнинг кучсиз эканлигини, ўз халқидан қўрқишини, умиди фақат “катта оға”ларида қолганини кўрсатади холос. Аксинча, кучли ҳокимият мазлумларни ҳимоя қилиши, золимларни тийиб қўйиши, дўст-душманни бир-биридан яхши ажрата олиши, душманга қарши журъатли бўлиши каби юксак фазилатлари билан ўз халқининг меҳрини қозонади, қувватловига эришади ва дуосини олади. Ислом Уммати бугун мана шундай адолатли ҳокимларнинг келишига ҳар қачонгидан кўра кўпроқ интиқ бўлиб турибди. Рошид Халифалик замони келишини Аллоҳдан сўраб кеча-ю кундуз дуо қилмоқда. Албатта, Аллоҳнинг ваъдаси ҳақдир ва У бироздан кейин бўлса ҳам дуоларни қабул қилиб, бандаларини нусрати ва тамкини ила сийлагувчидир!

 وَيَوْمَئِذٍ يَفْرَحُ الْمُؤْمِنُونَ ‎﴿٤﴾‏ بِنَصْرِ اللَّهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ ‎﴿٥﴾‏

– Ўша кунда мўминлар Аллоҳнинг нусрати (ғолиб қилгани) сабабли шодланурлар. (Аллоҳ) Ўзи хоҳлаган кишиларни ғолиб қилур. У қудрат ва раҳм-шафқат эгасидир”.                      (Рум:4-5)

Ҳизб ут-Таҳрир Ўзбекистон матбуот бўлими