بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Америкада йиллик Халифалик конференцияси

Ҳижрий 1437 йил 8 шаъбон, милодий 2016 йил 15 май якшанба куни Ҳизб ут-Таҳрир-Америка Чикаго штатида ўзининг йиллик Халифалик конференциясини ўтказишга муваффақ бўлди, алҳамду лиллаҳ. Ушбу конференция 1924 йил усмоний Халифалик қулатилганининг тўқсон беш йиллигини хотиралаш муносабати билан Ҳизб ут-Таҳрир томонидан олиб борилаётган халқаро кампания доирасида бўлиб ўтди. Ушбу кампания Аллоҳ Субҳанаҳу ва Таолонинг Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлашдек бир фарзини адо этишга бутун дунё мусулмонларини даъват қилиш кампаниясидир.

Ҳизб ут-Таҳрир-Америка юртда кетаётган президентлик сайлови кампанияси муҳитини ҳамда мусулмонларни Америка жамиятига қориштириш учун уларга қарши ўтказилаётган қаттиқ босимларни эътиборга олган ҳолда, конференция учун «Анбиёлар амалига эргашиб, исломий сиёсий фаолият олиб бориш», номини танлади. Бу номни танлашдан мақсад, барча мусулмонларга уларнинг мусулмон сифатидаги бурчлари анбиё ва росуллар амалларини давом эттиришдан иборатлигини эслатишдир. Зотан, уларнинг амаллари инсонлар тинч хотиржам ҳаёт кечиришлари учун уларни Аллоҳ Азза ва Жаллага итоат қилишга даъват қилишдан иборат бўлган. Шунингдек, мусулмонларга анбиё ва росуллар йўли, бугунги кундаги каби куфр жамиятига қоришиш ҳам, жамиятдан ажралиб яшаш ҳам бўлмаганини, балки таъсир ўтказишдан иборат бўлганини эслатишдир. Дарҳақиқат, улар ўзлари жўнатилган миллатларга Аллоҳ Субҳанаҳу ва Таолонинг рисоласини етказиш, улар ишониб яшаётган куфр фикрларининг хато ва залолатдан иборатлигини баён қилиш эди. Бундан ташқари, росуллар ўз рисолаларини ўзларига қарши қўлланилган босимларга заифлик қилмай, алдовларга учмай етказганлар.

Конференция дастурида учта маъруза қилинди ва савол-жавоблар бўлими билан якун топди.

Биринчи маъруза, «Одам AC дан то Муҳаммад САВга қадар: анбиёю росуллар даъватини тўхтатмай давом эттириш» номли маъруза бўлди. Унда Аллоҳ Субҳанаҳу ва Таолонинг анбиёю росулларни инсонларга юборишдан мақсади, Ўзига имон келтириш, Ўзининг амрларига итоат қилиб, кўрсатган йўлида ҳаёт кечиришни инсонларга етказишдан иборат бўлгани эслатилди. Уларнинг ҳаммалари инсонларни шу нарсаларга ғоят шижоат, сабот билан даъват қилганлари ва бир-бирларини саботли бўлишга чақирганлари айтилди.

Иккинчи маъруза, «Биз доимо шу ерликмиз, илдизимизни бир-биримизни ҳурмат қилиш ва сабрга чақириш билан эътироф этамиз» номли маъруза бўлди. Унда мусулмонлар Америкага янги келган эмас, балки ҳали Колумб етиб келишидан олдин ҳам шу ерда мавжуд бўлганлар, деган қатъий ҳақиқатни эслатиб қўйиш орқали мусулмонларни рағбатлантиришга ҳаракат қилинди. Аввалги мусулмонлар иккала Америкада ўзларининг исломий ўзликларини сақлаш учун курашганликлари, илм-фан соҳасида эришган ютуқлари башариятнинг ҳаёт даражасини кўтаришга хизмат қилгани мусулмонларга етказилди. Ушбу маърузада йиғилганларга Ислом Умматининг – барча миллатлар билан бирга – Халифалик давлати замонида Аллоҳнинг буйруқлари асосида яшаган пайтда, турли илм-фан соҳасида доим тараққиётга эришиб келганликлари тушунтирилди.

Ҳайқириқлар ортидан сўзланган «Исломдаги сиёсий фаолият» номли якуний маърузада мусулмонларга уларга нисбатан «ё қоришиб кетинг ёки аралашмай яшанг» маъносидаги ёндашувнинг хатолиги тушунтириб ўтилди. Бунинг муқобилида эса Америкадаги ва барча юртлардаги мусулмонлар юриши керак бўлган барча пайғамбарлару росуллар йўли ёритиб берилди. Бу йўл биз мусулмонлардан Ислом рисолатини бутун ҳаёт учун кенгқамровли йўл сифатида етказишни талаб қилади. У Аллоҳ Азза ва Жалла бутун башариятга, шу жумладан, америкаликларга ҳам юборган рисоладир. Бундан ташқари, якуний маърузада бугун инсонлар ишонган ва ўшанга мувофиқ яшаётган фикрлару ақидалар ботил эканлиги ҳам ёритиб берилди. Мана шу фикрий кураш эканлиги, Ислом бутун инсониятни танг-бадбахт ҳаёт кечиришдан, ер юзида ҳурмат-иззатда бахтли бўлиб яшаш сари олиб чиқувчи ягона альтернатив экани баён қилинди. Ушбу якуний маъруза Америкадаги мусулмонлар ижро этишлари мумкин бўлган муайян амалий қадамлар ва фаолиятларни кўрсатиб бериш билан тамомланди.

Конференция баҳс-мунозара олиб борувчилар комиссиясининг саволларга жавоб бериши билан якун топди. Маъруза қилганлар йиғин иштирокчилари саволларига жавоб бердилар.

Маълумки, Ҳизб ут-Таҳрир оламшумул сиёсий партиядир. У исломий оламда Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш учун ҳаракат қилади. У Ғарб давлатларининг бирортасида ҳам, жумладан, АҚШда ҳам Халифалик давлатини барпо қилишга ҳаракат қилмайди ва бунга уринмайди ҳам. Шунингдек, Ҳизб ўз мақсадига етиш йўлида зўравонлик амалиётларини қўллаш йўлини қабул қилган эмас.

Ҳизб ут-Таҳрир                                                                          8 шаъбон 1437ҳ

Америка                                                                                       15 май 2016м