Роя газетаси:

Араб давлатлари ташқи ишлар вазирлари Эронни регионал хавфсизликни издан чиқаришда айблашмоқда

Араб давлатлари ташқи ишлар вазирлари Эрондаги Саудия элчихонасига қилинган ҳужумни қоралашди ҳамда Эрон араб давлатлари ишларига аралашишда давом этаваредиган бўлса, янада каттароқ қаршиликка дуч келажагидан огоҳлантиришди.

Араб давлатлари Лигасига аъзо давлатлар ташқи ишлар вазирларининг фавқулодда йиғинидан сўнг Бирлашган Амирликлар ташқи ишлари вазири Абдуллоҳ ибн Зайд Оли Наҳён «Эрон бизга қўшнилигича қолади, бироқ бу қўшнининг кимлигини билолмай қоляпмиз. Шу боис у ўзининг қўшниликка яроқли ёки яроқсиз эканини белгилаши лозим. Шу кунга қадар биз Эронда яроқсизликни кўриб келдик. У Ғарб билан алоқаларини мустаҳкамлаб, регионал давлатлар билан бунинг аксини қилмоқда», деди.

Саудия ташқи ишлар вазири Одил Жубайр ҳам Эрон билан дипломатик ва савдо алоқаларини узиш биринчи ташлаган қадами эканини, ҳозирда унинг давлати халқаро ва регионал давлатлар билан Эронга қарши эҳтимолли чоралар қабул қилиш ҳақида мубоҳаса этаётганини таъкидлади.

Жубайр масаланинг тафсилотини очиқламади, аммо йиғин ортидан ўтказилган матбуот конференциясида агар Эрон «терроризм, мазҳабпарастлик ва зўравонлик»ни қўллаб-қувватлашда давом этаверса, барча Араб давлатларининг қаршилигига учрашини таъкидлади.

Араб давлатлари Лигаси йиғинининг сўнгги баёнотида ҳам Баҳрайннинг «террорчи» тармоқни фош этгани айтилар экан, бу тармоқнинг Эрон қўзғолон соқчилари корпуси томонидан  қўллаб-қувватланиши урғуланди. Лиганинг ҳамма аъзолари айни баёнотни қўллаб-қувватлашди.

Аммо Ливан қўллаб-қувватламади. Чунки Эрон томонидан қўллаб-қувватланадиган Ҳизбуллоҳ жамоаси нуфузи кучли сиёсий куч ҳисобланади (Рейтер ахборот агентлиги).

Роя газетасининг 2016 йил 13 январ чоршанба кунги 60-сонидан