بِسْمِ اللهِ الرَّحْمٰنِ الرَّحِيمِ

«Араб тафаккурини шакллантириш» муассасаси Исломга қарши манфур урушдир

Устоз Саид Фазл

Ҳизб ут-Таҳрирнинг Миср вилоятидаги матбуот бўлими аъзоси

Миср режими Оқ уйдаги ўз хўжайинларининг кўрсатмаси бўйича, Ғарб рози бўладиган, унинг мавжудлигига зид келмайдиган ҳамда мамлакатдан унинг нуфузини чиқариб ташлашга ҳаракат қилмайдиган янгича исломий ғоя ва тушунчаларни яратишга уриняпти. Тўғрироғи, Миср режими Ғарбнинг Уммат билан бўлган тўқнашувида ҳамда Умматнинг дин ва ақидасига қарши урушида ўзини найза учига айлантириб қўйган. Шунинг учун мамлакатдаги диний хитобни монополлаштириб, уни Ғарб қарашларига мос келадиган ва амалий сиёсий ақидасидан узилган тарзда янгилашга чақирди. Бу режим Исломнинг барқарор асосларига қарши чиқадиган ва унинг арконларини йўқ қиладиган ҳар бир нарсани рағбатлантирди. У, шунингдек, Исломга манҳажий тўғри асосда даъват қилаётганларга ёки Исломга бўлган даъватни уни ҳақиқий тушунишга олиб келадиган ҳамда одамларни уни татбиқ қилиш учун фаолият қилишга ундайдиган тарзда олиб чиқаётганларга қарши курашди.

Миср режими майдонни тўғри фикрдан ҳамда Ислом фикрлари ва тушунчаларини онгли равишда тушунишдан бўшатиб, у ерга Ислом, унинг ақидаси, аҳкомлари ва татбиқ қилиш тариқатини бузиб кўрсатаётганларни, тўғрироғи, Исломнинг ўзгармас асос ва рамзларига қарши чиқадиганларни олиб келишга ҳаракат қиляпти. Шунинг учун бир қанча телеканалларни очиб, дастурлар, муассасалар ва тадқиқот марказларини молиялантирди. Уларнинг ичида энг муҳими «Араб тафаккурини шакллантириш» муассасаси бўлиб, унинг асосчилари қаторига исломий исмлар билан номланиб, ўзларини мусулмонман деб даъво қилган, лекин Исломга нафрати билан танилган қилсаларни ҳам киритган. Дарҳақиқат бу кимсалар пайғамбаримиз Маҳаммад ﷺнинг суннатларига қарши чиқиш орқали мусулмонларнинг дини ва эътиқодлари ҳақида шубҳа уйғотишга ҳаракат қилаётган кимсалардир. Уларнинг бу ҳаракатлари Ғарб олиб бораётган Ислом ва унинг фикрларига қарши қабиҳ уруш доирасида бўляпти. Бу урушдаги найза учи Миср режими ҳамда унинг гумашталари ва ижрочиларидир. Режимнинг бу гумашта ва ижрочилари Исломни, унинг аҳкомлари ва оятларини масхара қилиш билан танилган бўлиб, ҳозирда Исломга қарши чиққан ҳар бир кишини рағбатлантиришмоқда. Аслида, Ислом, унинг ақидаси ва фикрларига қарши чиқиш ҳамда исломий аҳкомларни татбиқ қилишга ҳаракат қилаётган даъват етказувчиларга қарши курашиш ишига қулай замин яратиб бераётган мана шу режимдир.

Ушбу муҳит Ислом Буҳайрий, Иброҳим Исо ва Юсуф Зидан ва бошқа расво кимсаларни етиштириб чиқарди. Уларнинг Исломни таҳқирлашлари ҳаммага маълум бўлиб, Исломга қарши ёмон гаплари ижтимоий тармоқларни тўлдириб ташлаган. Уларнинг қилмишларини баён қилишимиз ва бунга далиллар келтиришимиз шарт эмас. Чунки Уммат уларни режимни таниганчалик танийди. Зеро, уларнинг мавжуд бўлишига қўйиб берган, керакли воситалар билан қўллаб-қувватлаган ҳамда одамларга хитоб қилишлари учун экстремист мафкурага эга деб даъво қилинган шахсларга берилмайдиган кенг майдонларни уларга бўшатиб берган мана шу режимдир. Бу одамлар зиё-маърифат соҳиблари деб аталсалар-да, аслида, ўзларининг атеистик фикрларини бераётган ва Уммат ёшлари онгини ўзлари келтирган асоссиз шубҳалар билан тўлдиришга ҳаракат қилаётган атеистлардир.

Бундай муассасалар эркинликларни, шу жумладан, фикр ва эътиқод эркинлигини муқаддасловчи капитилистик тузумнинг маҳсули ҳисобланади. Бу эркинликлардан келиб чиқадиган нарса шуки, унга кўра, на бирор дин, на пайғамбарлар ва на уларнинг ўзгармас ғоялари муқаддас ҳисобланади. Улар ўзларининг маломат қуролларини фақат Исломга қаратадилар. Бошқа динларга қаратишга эса, журъат қила олмайдилар. Зеро, Исломнинг давлати ҳам, ғамхўр раҳбари ҳам йўқ. Агар Исломнинг давлати бўлганида эди, булар Ислом ва унинг фикрларига қарши уруш олиб боришга қаратилган муассаса ва марказлар очиш у ёқда турсин, ўша гапларини айтиш учун оғиз жуфтлашга ҳам журъат қилолмас эдилар. Уларга журъат бераётган нарса Умматнинг арслон ва рижолларининг йўқлигидир. Чунки бу арслон ва эр кишиларининг ғазаби Уммат душманларини ёндирадиган оловга айланади ҳамда Умматни, унинг Китобини, муқаддас нарсалари ва рамзларини ҳақорат қилганларнинг тилини кесиб тешлайди.

Исломни татбиқ қиладиган ва унинг аҳкомларини татбиқ ўрнига қўядиган давлатнинг йўқлиги, аксинча, капитализмнинг ҳамда манфаатни ўлчов ва эркинликларни муқаддас санайдиган капиталистик тузумнинг мавжудлиги айнан мана шундай кимсаларни келтириб чиқарди. Мамлакатларимизни капитализм бошқариб, уларнинг устидан Ғарб ҳукмронлик қилар ҳамда бойлик ва ресурсларимизни талон-торож қилишда давом этаверар экан, бундан кейин ҳам мана шундай кимсалар етишиб чиқаверади. Зеро, Ғарб ўзининг сақофати сингдирилган анави кимсаларнинг борлигидан албатта фойда кўради. Тўғрироғи, биринчи навбатда уларнинг мавжудлигини таъминлашга ҳаракат қилиб, ўз ғоя ва тушунчаларини мамлакатимизда кучайтириш ва Уммат ёшлари орасига сингдириш учун уларни қўллаб-қувватлайди. Зотан, бу каби кимсалар Ғарб хавфсизлигининг ва юртларимизда Ғарб вакили сифатида ҳукм юритаётган малай режимлар хавфсизлигининг бир қисмидирлар. Уларнинг мақсади, аввало одамларни Исломдан қайтаришдир. Агар бунга қодир бўлмасалар, Исломни хонакилаштиришга, уни амалий сиёсий ақидасидан узиб ташлашга ҳамда Ғарбни безовта қилмайдиган, унинг мамлакатда бўлишига таъсир қилмайдиган, бойлик ва ресурсларимизни талон-торож этишига таъсир қилмайдиган индивидуал ибодатлар билан чеклашга муваффақ бўлишдир. Зеро, Ғарб ғафлатдаги бир Умматнинг бойликлари устида кураш олиб бормоқдаки, унинг уйғонишини ёки ўзига тегишли бўлган нарсани тиклаш учун ташаббус кўрсатишини ҳеч қачон истамайди.

Бугунги кунда инсоният капитализмнинг ваҳшийлигидан ва инсонларни қул қилиб олишидан азоб чекмоқда. Капитализм ва демократияни кўтариб чиқиб, шулар орқали бутун дунёни озод қилишни даъво қилаётган йирик давлатларнинг нуфузини кенгайтириш учун шунча қонлар тўкилди ва ҳамон тўкилишда давом этмоқда. Шунга қарамай, Ғарб маданияти билан суғорилган бу кимсалар Исломдан бошқа динни, Ислом бошқарув тизимидан бошқа бирорта тузумни, Ислом ва унинг шариатидан балқиб чиққан аҳкомлардан бошқа бирорта қонунларни танқид қилишга журъатлари етмайди. Чунки бу кимсаларнинг валинеъматлари ва уларни қўллаб-қувватлаётган ўша мустамлакачилардир. Уларнинг омма олдида нутқ сўзлашларига шу хўжайинлари рухсат берган. Агар хўжайинларининг буйруқларига бўйсунмасалар ёки ўзлари учун чизилган чизиқдан ошиб ўтиб кетиб қолсалар, оғизларини ёпиб қўядиганлар ҳам ўша хўжайинларидир. Зеро бу кимсалар Ғарбнинг Исломга, унинг халқига, ғоялари ва ақидасига қарши курашишда фойдаланаётган қуролларидир. Уммат буни англаб, уларнинг энг расво кимсалар эканини тушуниб турибди ва уларга қулоқ солмаяпти. Уларнинг атрофида манфаатпараст ва муте кимсалардан бошқа ҳеч ким йиғилмаяпти. Умматнинг асосий қатлами бу кимсаларни ҳам, уларнинг хўжайинларини ҳам данак каби туфлаб ташламоқда. Чунки Уммат табиатан Исломни яхши кўради, уни қони билан ҳимоя қилади ва унга душман бўлганлар билан яримта сўз билан бўлса ҳам тил топишмайди.

Бугун ҳаракатга келиши ва анави кимсаларга қарши туриши керак бўлган кишилар, хусусан, Исломни татбиқ қилиш учун ҳаракат қилаётган холис инсонлар йўлига ҳамиша тўғаноқ бўлиб, уларни ҳар доим айблаб келган олим ва шайхлардир. Хўш, бу шайхлар ва уларнинг даъволари қайда қолди?! Нега уларнинг овозини эшитмаяпмиз?! Ёки сукунат жоиз бўлмаган, фақат ҳақ сўзни очиқ айтиш керак бўлган ҳозирги пайтда режим уларнинг оғзиларини муҳрлаб қўйдими?! Ҳақ сўзни чин дилдан ва холис Аллоҳ учун айтаётган овозларни Аллоҳ асло ўчирмайди. Ўзларини Аллоҳга сотган ҳамда анави энг паст кимсалардан ҳам, уларни пайдо қилиб, уларга ёрдам бераётган режимлардан ҳам пок эканликларини эълон қилган раббоний уламоларни ҳаргиз шарманда қилмайди.

Бироқ, Исломнинг ўз давлати барпо этилгунига қадар капитализмнинг бадбўй балчиғи вақти-вақти билан тошиб бораверади. Чунки Ислом давлати куфр тузумини илдизи билан қўпориб ташлаб, Умматга унинг вужуди ва ҳокимиятини қайта олиб беради, Исломни реал, кенг қамровли ва инқилобий тарзда, унинг аҳкомларини амалий ҳақиқатга айлантирган ҳолда татбиқ этади. Бу ишларга одамлар Пайғамбарлик минҳожи асосидаги Халифалик давлати бўлмиш Ислом давлатида гувоҳи бўладилар. Бу расво кимсалар Ислом давлатини бугун масхара қилаётган бўлса, эртага барпо бўлган пайтда тилларини ютиб юборадилар. Уларнинг ҳеч бири Исломни, унинг муқаддас нарсаларини таҳқирлашга ўхшаш бирор сўзни айтишга журъат қилолмай, жонларини қутқаришга жой ҳам тополмай қолишади.

Аллоҳим, бизга Ислом давлати, унинг ҳокимияти ва шариатини қайтариб бергинки, Пайғамбарлик минҳожи асосидаги рошид Халифалик соясидан қайта баҳраманд бўлайлик.

Роя газетасининг 2024 йил 15 май чоршанба кунги 495-сонидан