Ғарб ҳукмдорлари ўз қалбларидаги адоват ва нафратни чиқаришдан асло тўхтамадилар

Германия канцлери Фридрих Мерц Европа Иттифоқи томонидан яҳудий вужудига нисбатан санкциялар жорий этилишига ўз мухолифлигини эълон қилди. Худди шу вақтнинг ўзида Франция эълон қилдики, агар Эрон ядровий дастурига тегишли ҳар қандай узил-кесил келишув унинг баллистик ракеталар дастурини ҳамда минтақадаги қуролли гуруҳларни қўллаб-қувватлашини тўхтатишни ўз ичига олмас экан, БМТ Хавфсизлик Кенгаши томонидан Эронга нисбатан жорий этилган санкцияларни бекор қилинишига асло рози бўлмайди.

Ғарб ҳукмдорлари ўз қалбларидаги ярамасликни ҳамда  адоват ва нафратни ошкора қилишдан асло тўхтамади. Бас, улар яҳудийларнинг Фаластин, Ливан ва Эрондаги мусулмонларга нисбатан содир этаётган ваҳший жиноятларига гувоҳ бўлиб турган, уларнинг ер юзидаги манманлигини, кибрини ва ҳеч қандай қадриятларга, урф-одатларга ёки битимларга парво қилмай бузғунчилик қилаётганини — улар болаларни, аёлларни ва қуролсиз заифларни қатл этиб, ҳўлу қуруқни ёқиб кул қилаётганини — кўриб турган бир вақтда, Германия канцлери яҳудий вужудига нисбатан санкциялар мажбуран ўтказилишини рад этишини эълон қилмоқда, ваҳоланки ушбу санкциялар майдонда бирор нарсани илгарига ҳам сурмайдиган, орқага ҳам қайтармайдиган шунчаки рамзий бир нарса бўлиши мумкин эди, холос, лекин у фикрнинг ўзини бутунлай рад этмоқда. Бу — қурбонлар фақатгина мусулмонлар ва уларнинг юртлари бўлгани учундир. Худди шунингдек, Франция ҳам Эрон то узил-кесил мажбуриятлар ва келишувларни имзоламагунча унинг устидан санкцияларни кўтаришни рад этмоқда, токи ушбу келишувлар Эроннинг қайта қад ростламаслигини ва яҳудий вужудига таҳдид солишга қайтмаслигини кафолатласин.

Бу манзара уларнинг қалбидан Ислом ва мусулмонларга алоқадор ҳар бир нарсага нисбатан тўлиб-тошиб чиқаётган ўша адоватни  гавдалантиради. Бас, улар ушбу нафрат ва адоватни ўз қалблари ичида яшириб туришга асло бардош бера олмайдилар, натижада уларнинг Ислом ва мусулмонларга нисбатан бўлган асл душманликларини ҳамда босқинчи яҳудийларга бўлган муҳаббати ва вафодорлигини — гарчи улар ўрмон ваҳшийлари ҳам ундан узоқ бўладиган жирканч жиноятлар ва қирғинларни содир этсалар-да — фош этиб, шарманда қилиш учун ташқарига чиқади.

Мана шу кофир Ғарбнинг асл ҳақиқатидир, ва кимки ундан бошқача нарсани гумон қилса, у албатта хомхаёллар оғушидадир. Мусулмонлар учун Аллоҳдан сўнг ўзларидан ббўлак ҳеч қандай ёрдам берувчи ва мададкор йўқдир. Уларни ҳамда уларнинг юртларини ушбу хорликдан ва мустамлакачиликдан фақатгина армиялар ичидаги ўз фарзандлари олиб чиқади. Бас, нусрат беринглар, нусрат беринглар, эй армиялар!

Роя газетасининг 2026 йил 1 июл, чоршанба кунги 606-сонидан