Азиз биродарларимиз Зиёвуддин ва Исомуддинларга таъзия изҳоримиз
Азиз биродарларимиз Зиёвуддин ва Исомуддинларга таъзия изҳоримиз
بسم الله الرحمن الرحىم
Кеча 06 июн сешанба куни Тошкент вақти билан 11:00да биродарларимиз Агламов Зиёвуддин ва Исомуддинларнинг опаларига жаноза ўқилди. 57 ёшдаги бу опахон Тошкентнинг мўътабар солиҳа аёлларидан бири эдилар. Сўнгги 20 йил мобайнида икки укалари чеккан зиндон изтироблари опахонни ҳам кўп қайғуда қолдирди. Қандли диабет хасталигига чалиниб, алам ва оғриққа йўғрилган бу бевафо дунёни, мусулмонлар кўксига узоқ йиллардан буён шамол тегишига йўл қўймай келаётган бугунги Ўзбекистонни тарк этдилар. Биродарларимиз Зиёвуддин ва Исомуддинлар жанозанинг олди сафларида турган чоғида қалбларидан нималар ўтгани ёлғиз Аллоҳга аён… Бизлар опахоннинг укалари ортидан зонама-зона кезиб босган қадамларини барча гуноҳларига каффорат қилишини Роббул аъламиндан тилаб қоламиз. Биродарларимизга ва оила аъзоларига чуқур таъзия изҳор этамиз. Ва шу қаторида Ҳизб ут-Таҳрир ғояларини, яъни Исломий ҳаётни қайта бошлаш ғоясини кўтариб чиққанлиги учун ҳануз қамоқларда қолиб кетаётган айрим азизларимизнинг фарзандлари йўлига кўз тикиб, дийдор доғида ўтиб кетган ота-оналар – юртимиз файзларини ҳам эслаб дуо қиламиз. Сиз азизларимизни чорак асрдан буён жигарбандларидан айро яшашга мажбур этаётган золимларни тез кунларда мағлуб қилишини Қодир Аллоҳдан тилаб қоламиз. Оламлар Роббиси бу зулм ортидаги дийдорлар камомадини Ўзининг ҳузурида тўлатиб беришини илтижо қилиб сўраймиз. Зеро:
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ ﴿٢٥﴾ قَالُوا إِنَّا كُنَّا قَبْلُ فِي أَهْلِنَا مُشْفِقِينَ ﴿٢٦﴾ فَمَنَّ اللَّهُ عَلَيْنَا وَوَقَانَا عَذَابَ السَّمُومِ ﴿٢٧﴾ إِنَّا كُنَّا مِن قَبْلُ نَدْعُوهُ ۖ إِنَّهُ هُوَ الْبَرُّ الرَّحِيمُ ﴿٢٨﴾
– “Улар бир-бирларига боқишиб, басти-жавоб қилишиб, дейдилар: “Ҳақиқатан бизлар илгари (ҳаёти дунёда) аҳли-оиламиз орасида (бўлган чоғимизда охиратда Аллоҳнинг азобига дучор бўлишдан) қўрқар эдик. Мана, Аллоҳ бизларга марҳамат кўрсатди ва бизларни самумдан (яъни баданларни илма-тешик қилиб юборадиган дўзахий шамолдан) сақлади. Дарҳақиқат, бизлар илгари (ҳаёти-дунёда) У зотга дуо-илтижо қилар эдик. Албатта Унинг Ўзигина марҳаматли, меҳрибондир””. (Тур:25-28)
Ушбу икки йигитимизга ҳам суюкли опалари хусусида Аллоҳдан сабру жамил беришини сўраб қўлларимизни дуога очамиз.
الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
– “Уларга бирор мусибат келганда айтадилар: “Албатта биз Аллоҳнинг бандаларимиз ва албатта Ўзига қайтажакмиз””. (Бақара:156)
Ҳизб ут-Таҳрир Ўзбекистон матбуот бўлими
07.06.2023й
