Ғазо олам аҳлига тутилган кўзгудир!
Ғазо олам аҳлига тутилган кўзгудир!
بسـم الله الرحمن الرحيم
Кўзгу – борингизни кўрсатади, ҳуснингизга ҳусн қўшмайди ҳам, камитмайди ҳам. Ғазо қирғинига бизнинг бугунги қарашимиз эртага Аллоҳга рўбарў бўлганимизда асл қиёфамизни рўй-рост кўрсатиб беради. Кўзгуда қийшиқ кўринсак, ойнадан ўпкалашимиз ноўрин бўлгани каби, эрта Қиёмат Аллоҳ бизларни, Ғазо аҳлини – бағри қон оналар ва фиғони фалакни тутган гўдакларни ёрдамсиз ташлаганимизни ўша КУН “КЎЗГУ”сига рўбарў қилганида, “ойна”дан ўпкаламоғимиз имконсиз ишдир (Аллоҳ У Кунда юзимизни ёруғ қилсин).
Ғазодаги бугунги даҳшатли қирғин олам аҳли юзига тутилган ойна бўлди. Барча давлатлар раҳбарлари – хоҳ мусулмон, хоҳ кофир бўлсин – “Ғазо” кўзгусида кўриниш беришга мажбур бўлиб қолишди. Шу билан бирга, ҳар бир мамлакат аҳолиси ҳам ўзларининг мақомига, қай аҳволда эканликларига ўзлари гувоҳ бўлмоқда.
Аслида, буни ва умуман Шом ўлкаларидаги мўминларнинг ҳозирги аҳволини чизмоққа рассом, ёзмоққа шоир ожиз. Шундай бўлса-да, расмий ва норасмий манбаларда берилаётган хабарлар воқелиги умматнинг бир жону бир тан бўлиб, ягона Султон ортида жамланиш иштиёқида ёнаётганини намоён этди. Раҳбарлар эса, ўз фуқаролари наърасидан эсанкираб, кечаги позициялари тусини ўзгартиришга мажбур бўлишмоқда.
“Халқаро хабарлар” каналида “Яман расман Исроилга уруш эълон қилди” номи остида хабар тарқалди. Унда шундай дейилади: “Бу ҳақида Яман қуролли кучлари расмий вакили, бригада генерали Яҳё Сари Ану маълум қилди. Қуролли кучларимиз Исроилдаги турли нишонларга кучли баллистик ва қанотли ракеталар, шунингдек, кўп сонли дронларни учирди. Биз Исроил тажовузи тўхтамагунча, ракеталар ва дронлардан фойдаланган ҳолда яхшироқ ҳужумлар уюштиришда давом этамиз”.
Айтиш мумкинки, ҳокимларнинг журъати мусулмон халқларнинг тўлқини туфайли юзага келмоқда. Аммо бугун Уммат алдангиси йўқ! Шу пайтгача куфр билан қилинган келишув битимлари уммат оёғига кишан бўлиб ботди. Ёлғон келишувлар, “тинчлик” шартномалари ортидаги нотинчликлар умматни чарчатди. Умматдаги бу уйғониш ва сиёсий онг бирданига пайдо бўлиб қолмади. Мужтаҳид уламолар, олиму фузалолар томонидан бир неча ўн йиллар давомида уммат зеҳнига сингдириб келинган тўғри сиёсий қараш ва ечимлар – Алҳамдулиллаҳ – бугун ўз мевасини берди. Бутун дунё, жумладан Фаластин муаммоси илоҳий қонунларга асосланган Ислом давлатининг одил Халифаси хитоби ортида ечилишига Умматда ишонч ва қаноат пишиб етилди. Аммо Хилофат байроғи остидаги азизликни уммат қанчалар тиниқ ҳис этаётган бўлса, Ғарб раҳбарлари ҳам юртидаги иймон аҳлининг наърасидан ўз бўйинларига яқин келаётган адолат қиличи шарпасини шунчалар яқиндан сезмоқда. Шу боис, доим уларнинг қош-қовоғига қараб иш кўрувчи мусулмон юртлари раҳбарлари ичида айримлари тилларига сал бўлса-да “эрк” беришга мажбур бўлишяпти. Ишонамизки, тез кунларда бу раҳбарлар ва куч эгалари орасидан Мадина ансорлари каби ҳақ нусратига “лаббайка” дегувчи мардларни Оламлар Роббиси чиқаради, инша Аллоҳ.
Энди оламдаги энг йирик қирғин – Фаластин фожиасига нисбатан умматнинг тўхтовсиз норозиликлари манзарасида Ўзбекистон раҳбарининг мурожаатига келсак, бу – юрт ўғлонлари наъраси ва журъатига бир юпанч вазифасини ўтар балки. Kun.uz.да берилган хабарда Шавкат Мирзиёев шундай деган: “Фаластин халқининг ўз мустақил давлатини барпо этишга бўлган ҳуқуқини қўллаб-қувватлаймиз”. Шунингдек, Ўзбекистон Ғазо сектори аҳолисига баҳоли қудрат ёрдам кўрсатиш учун 1,5 млн доллар ажратмоқда. Бу ҳақда эълон қилган президент Шавкат Мирзиёев Ўзбекистонликлар Фаластин халқи билан бирдам эканини таъкидлаб, ҳар икки томонни жанговар ҳаракатларни тўхтатишга чақирди, дейилади хабарда.
Раҳбарнинг бу “ҳиммати” QALAMPIR.UZда тарқатилган қуйидаги хабардан сўнг янгради: “Кеча, 29 октябрь куни Тошкентда Фаластинни қўллаб-қувватлаш бўйича рухсат этилмаган митинг ўтказиш ва унда қатнашишни режалаштирган фуқаролар Амир Темур ҳиёбонига тўпланди. Бу ҳақда QALAMPIR.UZ манбаси маълум қилди”. Хабарда яна шундай дейилади: “Бир неча кун олдин ижтимоий тармоқларда митингга чақирувлар пайдо бўлган. Тармоқларда тарқалган баннерларда Амир Темур ҳайкали ва унинг атрофида йиғилган, қўлларига Ўзбекистон ва Фаластин байроқларини кўтариб олган оломон тасвирланган. Унда “Фаластин билан елкама-елка”, “15 сутка мени қўрқитмайди” ва “Кўпчилик бўлсак, бизни эшитишади” деган ёзувлар бўлган. Амир Темур ҳиёбонида 29 октябр куни соат 14:00 лар атрофида одамлар йиғила бошлаган. Ҳудудга етиб борган ҳуқуқ-тартибот идоралари ходимлари тўпланганларга Ўзбекистон қонунчилигида рухсат этилмаган митинг ўтказиш жавобгарликка сабаб бўлишини тушунтирган. Шундан сўнг кўпчилик у ерни тарк этган. Бизга берилган маълумотларга кўра, ҳуқуқ-тартибот идоралари ходимларининг талабини бажармаган 5-6 киши тегишли органларга олиб кетилган. Ўзбекистондаги бошқа маҳаллий оммавий ахборот воситаларининг ёзишича, қўлга олиб кетилганлар 100 дан ортиқ”.
Маълумки, ўз халқини қўрқув ва қуруқ ваъдалар билан бошқаришга аллақачон одатланган Шавкат Мирзиёев бошлиқ раҳбарият бу юрт мусулмонлари ҳам онгу шуури ва ҳис-туйғуларида дунё мусулмонлари билан бирга эканлигини тўғри баҳолай олмади, балки сезмай ҳам қолди шекилли. Бугун “тақинчоқ” дея тақиб юрилган мустақиллик “зийнати” аслида кишан эканини англаган мусулмон халқни анави бир ярим миллион ҳовуридан туширармиди. Тўғри, Ўзбекистон Республикаси Маъмурий жавобгарлик тўғрисидаги кодексининг 201-моддасига кўра, йиғилишлар, митинглар, кўча юришлари ёки намойишлар уюштириш, ўтказиш тартибини бузишга қарши қонун мавжуд. Аммо бу қонун ўз халқидан ҳимояланиш ва халқининг чурқ этмаслиги учун ишлаб чиқилган диктатурага қурилган ўлкалар раҳбарларининг севимли қонунидир. Лекин халқ кечаги оломон эмас. Оламдаги сиёсий вазиятлар кафтдаги чизиқлар каби барчага маълум бўлиб қолди. Қолаверса, бундай қонунлар ким учун ишлаб чиқарилганини кўрмайдиган даражадаги соддалар ҳозирда унчалар кўпчиликни ташкил қилмай қўйди ҳам.
Хулоса шуки, меҳрибон Роббимиз бугунги фиръавнлар қаршисида ожиз қолишдан пок бўлган ва бандаларига меҳрининг чеки йўқ Зотдир. Ва Носир таоло Ғазо аҳлига бизлардан кўра меҳрибонроқдир. Унинг учун бир мўминнинг нохақ қатл қилиниши Каъбанинг вайрон қилинишидан-да улканроқдир. Ғазодаги яҳудийлар туғёни ҳар сонияда юзлаб марта Каъбани вайрон қилаётгандек гўё. Аллоҳ таоло амрига кечаги Бадр фаришталари бугун ҳам мунтазир! Лекин нусрат-ғалабанинг кечикаётгандек бўлгани ортида кўп-кўп ҳикматлар юзага чиққанга ўхшайди. Чиндан ҳам Ғазо “ойнаси” олам аҳлига ўзларини кимлигидан хабар бериб қўйди. Ғазони заиф санаганлар, аслида ўзлари қанчалар ночор эканлиги янада ойдинлашди. Аллох таолонинг раҳмати содиқ бандаларига мўл қилинганида уларга хайриҳоҳ бўлганлар ҳам бу илоҳий раҳматдан баҳраманд бўлурлар инша Аллоҳ. Аммо “кўзгуда” қийшиқ кўринганлар анави лаънатланган яҳудийларга тобора яқинлашаётган балони ўзларига вожиб этмоқдалар холос. Ваҳоланки, ҳеч бир мусулмон у бузғунчи, қонхўр яҳудийларни дўст тутиши ва хайриҳоҳ бўлиши асло жоиз эмас. Аллоҳ таоло дейди:
يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ
– “Эй иймон келтирганлар! Яҳудий ва насороларни ўзингизга дўст тутманг. Улар бир-бирлари билан дўстдирлар. Сиздан ким уларни дўст тутса, албатта, у улардандир. Албатта, Аллоҳ золим қавмларни ҳидоят этмас”. (Моида:51)
Ҳизб ут-Таҳрир Ўзбекистон матбуот бўлими аъзоси Зайниддин
03.11.2023й
