بِسْمِ اللهِ الرَّحْمٰنِ الرَّحِيمِ

Ғазога ёрдам бериш шаръан фарздир

Фақат Халифаликкина туб ечимдир

Ғазодаги ҳодисалар шунчаки босқинчининг тажовузи эмас, балки Ислом ва мусулмонларга қарши бўлаётган геноцид урушининг давомидир. Чунки у ерда Ғазо аҳли қони дарё бўлиб оқизилиб, аёллар ва болалар боши узра бомбардимон қилиняпти, вайроналар остидан тана аъзолари териб олиняпти. Бу манзарадан юраклар эзилмоқда, кўзлар даҳшатдан қотиб қолмоқда. Бу урушда яҳудий вужуди ўзининг қуроллари ва самолётлари билан қатнашяпти, Ғарб ўзининг қарорлари ва позициялари билан уни ҳимоя қиляпти, мусулмон ўлкаларидаги ҳукмрон режимлар ўзларининг бефарқлиги, сукути, тил бириктируви, ҳатто армияларимизни Ғазо, Ғарбий Соҳил ва Фаластиннинг қолган ерларидаги бечора-мазлумларга ёрдам беришдан тўсишлари билан шерик бўлишяпти. Булардан ҳам ёмони, бу режимлар босқинчи вужуд учун асосий қўллаб-қувватловчи ва реал зирхли қалъа вазифасини ўтаб беряпти. Улар бу билан айни вужуднинг илдизи билан қўпориб ташланишига тўсиқ бўлиб, халқлар ва қўшинлар сифатида бутун Умматнинг ундан ғолиб келишини олдини олишяпти.

Эй Ислом аҳли!

Росулуллоҳ ﷺ бундай деганлар:

«الْمُسْلِمُ أَخُو الْمُسْلِمِ، لاَ يَظْلِمُهُ وَلاَ يُسْلِمُهُ»

«Мусулмон мусулмоннинг биродаридир. Унга зулм қилмайди ва уни душманга топшириб қўймайди». Яна бундай дедилар:

«مَثَلُ الْمُؤْمِنِينَ فِى تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»

«Мўминлар бир-бирлари билан бўлган муносабатлари, раҳмдилликлари ва ҳамдардликларида худди бир танага ўхшайди. Агар унинг бирор аъзоси оғриб қолса, қолган аъзолар ҳам иситмалаб, бедор бўлиб чиқади».

«مَا مِنْ امْرِئٍ يَخْذُلُ امْرَأً مُسْلِمًا عِنْدَ مَوْطِنٍ يُنْتَقَصُ فِيهِ مِنْ عِرْضِهِ وَيُنْتَقَصُ فِيهِ مِنْ حُرْمَتِهِ، إِلاَّ خَذَلَهُ اللهُ تَعَالَى فِي مَوْطِنٍ يُحِبُّ فِيهِ نُصْرَتَهُ. وَمَا مِنْ أَحَدٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلاَّ نَصَرهُ اللهُ فِي مَوْطِنٍ يُحِبُّ فِيهِ نُصْرَتَهُ»

«Кимки бир мусулмонни обрўси тўкилаётган ва ҳуқуқи поймол қилинаётган ўринда ёрдамсиз ташлаб қўйса, у Аллоҳнинг ёрдамига муҳтож бўлган жойда Аллоҳ ҳам уни ёрдамсиз ташлаб қўяди. Кимки бир мусулмонга обрўси тўкилаётган ва ҳуқуқи поймол қилинаётган жойда ёрдам берса, у Аллоҳнинг ёрдамига муҳтож бўлган жойда, Аллоҳ ҳам унга ёрдам беради». Бас, шундай экан, биродарларимиз қирғин қилинаётган бўлсаю, қандай қилиб биз қимир этмасликни ўзимизга муносиб кўряпмиз?! Ғазода муслималар фарёд қилиб ёрдамга чақираётган, лекин уларга ҳеч ким ёрдам бермаётган бўлсаю, қандай қилиб бирортамизнинг томоғидан овқат ўтяпти ёки ҳузур қилиб ухлаяпти?! Қани бизда ғайрат, қани ғуруримиз, иймонимиз?!

Ибн Таймия роҳимаҳуллоҳ бундай деган: «Агар душман мусулмон ўлкасига ҳужум қилса, ўша минтақа аҳлига уни қайтариш фарз бўлади. Қайтара олмаса, яқиндагиларга, улар ҳам қайтаролмаса кейинги яқиндагиларга фарз бўлади ва охири бутун Уммат учун фарзга айланади». Ибн Қудома «Муғний»да бундай деган: «Агар душман бирор шаҳарга кирса ёки мусулмонлар устидан ҳукмронлик қилса, каттаю кичик барчага – нимага қодир бўлса ўша билан – ҳарбий сафарбарлик қилиши шарт бўлади». Бу борада Ислом Уммати яққол намуна кўрсатиб келган бўлиб, заиф-бечоралардан воз кечишни хаёлига ҳам келтирмаган. Дарҳақиқат, Мўътасим «во Мўътасимоҳ!», дея нола қилган бир аёлга ёрдам бериш учун сон-саноқсиз қўшинни оёққа турғазган эди. Хўш, битта аёлга шунчалик бўлган бўлса, қирғин қилинаётган ва тириклайин кўмиб ташланаётган Ғазо аҳлига нима қилиниши керак?!

Эй Кинона аҳли!

Сиз Умматнинг Фаластинга очилувчи дарвозасисиз. Ҳукмдорларингиз эса дин ва халққа хиёнат қилиб, ўтиш пунктларини ёпиб ташлашяпти, жиҳоддан қайтариб, яҳудий вужуди чегараларини қўриқлашяпти… Бу ёқда эса, ғазолик гўдаклар очликдан, совуқдан ва ўқлардан инграмоқдалар. Уммат, ўтмишда ҳам, бугун ҳам бунчалик даражада бефарқлик, ёрдам бермасликни кўрган эмас. Аксинча, у исломий ўлкалардан бирига тажовуз қилинса жиҳод қилишни фарз деб билган. Нававий бундай дейди: «Агар кофирлар исломий ўлкаларнинг бирига бостириб кирса, шу ўлка аҳолисидан бўладими ёки бошқа аҳолидан бўладими фарқсиз, мусулмонлардан қодир бўлганларга – ҳатто аёллар ва болалар ҳам қодир бўлсалар – кофирларга қарши жангга чиқмоғи шарт бўлади». Имом Шофеий айтади: «Агар душман мусулмон ўлка дарвозасини қоқса, бас, қодир бўлганки ҳар бир инсон душманни қайтариш учун чиқиши шарт. Сафарбарлик эълон қилиниши ёки қилинмаслигининг фарқи йўқ. Бу борада уламолар ўртасида ихтилоф йўқ».

Эй Миср аҳли!

Орангизда Қуддусни ҳеч қийин санамай озод қилган Салоҳиддин Айюбий каби эр кишилар йўқми?! Умматни тўплаб, татарларга қарши турган ва «Биз Ислом учун турмасак, ким туради?!», деган Қутздек эр кишилар йўқми?! Мусулмон қўшинлар Умар ибн Хаттоб замонида Шомни, Мўътасим замонида Амурияни қандай фатҳ қилганларини билмайсизми?! Бу сизнинг тарихингиз эмасми?! Наҳотки, шу тарихни қайта тирилтирмасангиз?! Бугун сизга Умматнинг қалби бўлганингиз учун, армияларингиз энг катта армия бўлгани учун, тайёргарлигингиз кучли бўлиб, тарихда сиз фатҳ ва нусратга таянч бўлганингиз учун сизга мурожаат қиляпмиз. Ҳаракатга келиш вақти ҳали ҳам келмадими сизга?! Жанг майдонига чиқиш вақти келмадими сизга?! Ёки Умматингиз қирғинига ёлғон гувоҳлар бўлиб қолаверасизми?! Сизга холис сўзимиз шуки, ижтимоий тармоқларда ғазаб билдириш етарли эмас, қоралаш ва қаршилик билдиришнинг ўзи фойдасиз. Қилиш шарт бўлган иш хорлик кишанларини парчаланг ҳамда Аллоҳ ва Росулига хиёнат қилган ва босқинчи душманга таянч бўлган ҳукмдорларни илдизи билан қўпориб ташланг. Фаластин озодлиги кўз-ёшлар ва шиорлар билан бўлмайди, балки малай режимларни ағдариб, Пайғамбарлик минҳожи асосидаги рошид Халифалик давлатини барпо этиш билан бўлади. Ушбу давлатгина Умматни бирлаштириб, армия билан Ғазога ёрдам бериш ва Ақсо масжидини озод этиш сари бостириб боради.

Эй Миср аҳли!

Биз сизни – Аллоҳга қасамки – кўчаларга ва майдонларга чиқишга, Аллоҳ учун ғазабингизни намойиш қилишга ва ҳар ерда «Армиянинг ўрни фронтдир, казарма эмас», «Биз Пайғамбарлик минҳожи асосидаги Халифаликни истаймиз», «Йўқолсин малайлик, йўқолсин сукут, йўқолсин лоқайдлик» каби шорлар билан ҳайқиришга чақирамиз. Агар шундай қилмасангиз, билиб қўйинг, Ғазо гўдаклари қони сизнинг зиммангизга тушади, Росулуллоҳ ﷺ

«مَنْ لَـمْ يَهْتَمَّ بِأَمْرِ الْمُسْلِمِينَ فَلَيْسَ مِنْهُمْ»

«Ким мусулмонлар масаласига эътиборсизлик қилса, бас, у мусулмонлардан эмас», деганлари каби, Аллоҳ бу эътиборсизлигингиз учун сизни сўроққа тутади.

Эй Миср армияси ўғлонлари!

Сизга қабул қилганингиз ақида ва Аллоҳга берганингиз байъат учун мурожаат қилиб, шуни айтамизки, тоғутлар қўлидаги қилич эмас, Умматга қалқон бўлинг. Нега қирғинларга сукут қиляпсиз?! Нега Аллоҳ ва У ҳаром қилган нарсалар учун ғазабланмаяпсиз?! Сиздан талаб қилинган нарса Кэмп-Дэвид кишанларини парчалаш, Ғазо учун ҳаракатга келиш ва ушбу фарзни адо этишингизга тўсқинлик қилаётган кимсаларни ағдаришдан иборат. Аллоҳ Таоло қуйидаги каломларни айтмаганмиди:

﴿وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ﴾

«(Эй мўминлар), сизларга нима бўлдики, Аллоҳ йўлида ва эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?!»                                    [Нисо 75]

﴿إِلَّا تَنفِرُواْ يُعَذِّبۡكُمۡ عَذَابًا أَلِيمٗا﴾

«(Эй мўминлар), агар (жиҳодга) чиқмасангиз, (Аллоҳ) сизни аламли азоб билан азоблайди»    [Тавба 39]

Бугунги кунда сизга жиҳод қилиш фарзи айн бўлди. Ибн Ҳазм бундай деган: «Агар душман мусулмон ўлкасига ёки исломий ўлкаларнинг бирига бостириб кирса, балоғатга етган ҳар бир мусулмонга жиҳод фарз бўлади. Уммат орасида бу тўғрида ҳеч қандай ихтилоф йўқ». Бугун Ғазо битта ўзини эмас, бутун Умматни тамсил этмоқда, барчамизни ҳурмат-иззатимиз ва куч-қудратимизни ифодаламоқда. Қачон Уммат уйғонса ва армиялари озод бўлса, ҳақ овози жаранглаб, малай режимлар ағдарилса, яҳудий вужуди йўқ бўлиб кетади ва буни унинг ўзи ҳам билади.

Эй армияларимиздаги, хусусан, Кинона армиясидаги холис мусулмон ўғлонлар!

Сиз Умматнинг умиди ва қалқонисиз. Сиз қуролларни золим режимларни эмас, Аллоҳнинг дини ва бандаларини ҳимоя қилиш учун қўлга олган ҳарбийларсиз. Унутмангки, Ақсо масжиди омонатдир, Ғазога ёрдам бериш зиммангиздаги фарздир, Аллоҳ бу ҳақда қиёмат куни сиздан албатта сўрайди. Сиз атиги бир чақирим нарида мусулмонлар қони оқаётганидан, сиз бунинг учун қимир этмаётганингиздан Аллоҳнинг олдида албатта жавоб берасиз, бас, жавобингизни тайёрланг. Ғазо болалари Аллоҳга ҳар бир нарса ҳақида айтиб берадилар, уларни ёрдамсиз қолдирганингиз учун сизни шарманда қиладилар. Билиб қўйинг, бу иш ҳазил эмас, жуда жиддий. Шунинг учун улардан қолганларини сақлаб қолиш учун шошилинг.

Эй қўшинлар, эй Умар, Холид ва Салоҳиддин авлодлари!

Уммат сизга нидо қилмоқда, ёрдам сўрамоқда, сизнинг казарма асирлари эмас, майдондаги эр кишилари бўлишингизни кутмоқда, ҳукмдорлар қамчиси эмас, Уммат қалқони бўлишингизни, душман сафини эмас, Уммат сафини танлашингизни истамоқда. Аёллар ва болаларнинг бомбалар ёмғири остида қулаганларини кўрмадингизми?! Етимлар йиғиси ва туллар фарёдини эшитмадингизми?! Ғазода сув ўрнига қон оқаётганини кўрмадингизми?! Қалбингизда ҳамон Ислом ғурури бор, сизнинг «бас, етар», деб айтадиган вақтингиз келмадими?! Сиз «етар хорлик шартномалари», «етар яҳудий вужудини ҳимоя қилиш», «етар ҳукмдорлар хиёнатига сукут қилиш», дейдиган вақт келмадими?! Қўзғалинг, кишанларни парчалаб, Умматингиз тарафига ўтинг ва Исломга нусрат беришингизга тўсқинлик қилаётганларни қулатинг! Биз Росули акрам ﷺ таъкидлаган гапни таъкидлаяпмиз:

«إِنَّـمَا الْإِمَامِ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом-халифа қалқондир. Унинг ортида туриб жанг қилинади ва у билан ҳимояланилади». Шундай экан, сиз барпо бўлажак Халифаликнинг қўшини бўлинг. Халифалик Умматни бирлаштиради, муборак заминни озод этади, хорлик ва босқинчилик замонига чек қўяди. Сиз Аллоҳнинг ушбу каломида айтилганлардан бўлинг:

﴿ٱلَّذِينَ قَالَ لَهُمُ ٱلنَّاسُ إِنَّ ٱلنَّاسَ قَدۡ جَمَعُواْ لَكُمۡ فَٱخۡشَوۡهُمۡ فَزَادَهُمۡ إِيمَٰنٗا وَقَالُواْ حَسۡبُنَا ٱللَّهُ وَنِعۡمَ ٱلۡوَكِيلُ﴾

«Ундай зотларга айрим кимсалар: «Одамлар сизга қарши (саноқсиз лашкар) тўплаган, қўрқинг!» деганларида бу гап уларнинг иймонларини зиёда қилди ва «бизга ёлғиз Аллоҳнинг ўзи кифоя, У энг яхши ишончли вакилдир!», дедилар»                                                                 [Оли Имрон 173]

Эй Кинона қўшинлари!

Сиз Қуддусни салибчилардан озод этган носир Салоҳиддин авлодисиз. Сиз мўғуллар агрессиясини тўхтатиб, уларни ҳафсаласи пир аҳволда қайтишларига мажбур қилган музаффар Қутз ва ғолиб Бейбарс авлодисиз. Ҳар доим Умматни қалқон бўлиб қўриқлаган ва унга ёрдам берган эдингиз. Бас, бу ишингизни охирига етказинг. Аллоҳ зиммангизга юклаган фарзни адо этинг. Сиз Фаластиндаги аҳлимизга ёрдам бериб, бир неча соатда заминларини озод этишга ҳақиқатдан ҳам қодирсиз. Шундай экан, буни амалга оширинг ва сизни мана шундай фарз ва буюк шарафни адо этишингизга тўсқинлик қилаётган зараркунанда ҳукмдорларни туфлаб ташланг. Токи, Росулуллоҳ ﷺнинг рояларини кўтарган, Умматга нусрат берувчи қалқон бўлган, унинг аҳлини ва муқаддас даргоҳларини мудофаа қилган, Уммат ҳақ-ҳуқуқига бефарқ қарамаган инсонга муносиб яхшилик сизда кўринсин. Шунинг учун анави ҳукмдорларни қулатинг, улар имзолаган ҳар бир ботил ҳужжатни парчаланг. Умматга унинг давлатини барпо этиш билан нусрат беринг. Пайғамбарлик минҳожи асосидаги ушбу Халифалик давлати ҳар доим сизни Ислом ва унинг аҳлига нусрат бериш сари ҳаракатга келтиради. Биз – эй Кинона қўшинлари – Аллоҳ Таолога дуо қилиб, сиз билан бирга бўлишини, мадад беришини сўраймиз. Эй мусулмонлар, амалга келинг, эй Кинона аҳли ёрдам беринг, Халифалик сари олға қадам ташлайлик. Чунки у Аллоҳнинг ваъдаси, Росулининг хушхабаридир. Аллоҳ Исломга ёрдам берганларни ҳаргиз ёрдамсиз қолдирмайди.

﴿يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ﴾

«Эй мўминлар, сизга нима бўлдики, Аллоҳ йўлида (жиҳодга) чиқинг, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?!»                                [Тавба 38]

Ҳизб ут-Таҳрир                                                                        6 шаввол 1446ҳ

Миср вилояти                                                                          4 апрел 2025м