بِسْمِ اللهِ الرَّحْمٰنِ الرَّحِيم

Бас етар

АҚШ билан иттифоқдош бўлиб, ундан нажот кутаётган қўмондонлик бизга керак эмас!

Генерал Қамар Бажва дунёдаги энг кучли армиялар ичида еттинчи ўринда бўлган ва ягона исломий ядровий қуролига эга армияга қўмондонлик қилади. Афтидан, унга Вашингтоннинг «терроризмга қарши кураш» ниқоби остида бундан ўн олти йил олдин бошлаган ва ҳамон давом этаётган салибчилик кампаниясида Покистоннинг шунчалар кўп зиён ва машаққатлар кўргани камлик қилаётган кўринади. Мана, Генерал Бажва 2017 йил 23 августда АҚШ элчиси билан учрашди. Унинг бу учрашуви президент Дональд Трамп мурожаатидан икки кун кейин бўлди. Аслида эса, Покистон Американинг бу кампаниясидан чиқиб олганини эълон қилиб, унинг элчисини қайтиб келмайдиган қилиб юртдан чиқариб юбориши керак эди. Марказий Разведка Бошқармаси (МРБ)га қарашли жосус ва жиноятчи гуруҳларини, Федерал Тергов Бўлими ходимларини, контракт асосида хизмат қилувчи ҳарбийларини, барча-барчасини қувиб солиш мана шу қўмондоннинг бурчи эди. Бироқ буларнинг ўрнига, Бажва армия қўмондонлиги номидан «Биз Қўшма Штатлардан ҳеч қандай моддий ёки молиявий ёрдам олишга ҳаракат қилмаймиз, лекин биз унинг ишончини олишга, позициямизни кўриб-тушунишига, қўшаётган ҳамкорликларимизни эътироф этишига умид қилган ҳолда ҳаракат қиламиз», дея баёнот чиқарди.

Эй Покистондаги мусулмонлар, хусусан, қуролли кучларимиз!

Барчангизга Ҳизб ут-Таҳрир-Покистон вилояти – Бажва кимнинг ишончини қозонишга уринмоқда?!, Бажва иттифоқдош бўлиб келаётган Қўшма Штатлар қандай давлат? – дея савол йўллаймиз. Ҳеч шубҳа йўқки, у ишончини қозонишга нолойиқ бўлган мустамлакачи давлатдир! Бу давлат дунёдаги энг катта террорчи ташкилот ҳисобланган ва энг кўп молияланадиган «МРБ»га раҳнамолик қилувчи давлат. Бинобарин, Покистоннинг ҳар тарафида содир бўлаётган портлаш ва суиқасд амалиётларига жавобгар ҳам мана шу давлатдир. Бу каби амалиётлар шу давлатнинг Жанубий Америкадан тортиб, Шарқий Осиёга қадар бутун дунё бўйлаб олиб бораётган ташқи сиёсатига хизмат қилади. Бу динсиз давлат ўзининг назорати остидаги Халқаро Валюта Фонди ва Жаҳон Банки каби халқаро молиявий муассасаларни, табиий ресурсларга бой давлатларни саноат имкониятларидан маҳрум этишга сафарбар қилади. Бир вақтнинг ўзида, шу давлатларга судхўрлик кредитларини бериб, тўлаб-узишнинг имкони йўқ қарзлар ботқоғига ботириб ташлайди, шу давлатлар халқларини катта солиқлар билан бўғиб ташлайди… «Биринчи АҚШ, кейин дунёдаги бошқа давлатлар», деган бундай димоғдор давлатнинг бутун олам Парвардигори Аллоҳ Азза ва Жалланинг Ерига етакчи бўлишга ҳаққи йўқ. Бу давлат юртларимиз бойликларига кўз олайтирувчи ўзининг очкўз капиталист бизнесменлари фойдасини таъминлаш учун аёлларимиз, болаларимиз ва қарияларимизга қарши оммавий қирғин қуроллари қўлланишига қўйиб берди, қўрқоқ ёвуз аскарларининг бизга зиён етказишларига, мулкларимизни талашларига, номусларимиз ва муқаддас ерларимизни оёқ ости қилишларига рухсат берди.

Бундай хоин ёлғончи душман давлат билан иттифоқдош бўлишдан қандай қилиб яхшилик кутиш мумкин, ахир, Аллоҳ Азза ва Жалла кофирлар билан иттифоқчи бўлишдан бизни огоҳлантирганку?!:

الَّذِينَ يَتَّخِذُونَ الْكَافِرِينَ أَوْلِيَاء مِن دُونِ الْمُؤْمِنِينَ أَيَبْتَغُونَ عِندَهُمُ الْعِزَّةَ فَإِنَّ العِزَّةَ لِلّهِ جَمِيعاً 

«Улар мўминларни қўйиб кофирларни дўст тутадилар. Улар ўша кофирлар олдидан куч-қудрат излайдиларми?! (Овора бўладилар!) Зеро, бор куч-қудрат Аллоҳникидир»    [Нисо 139]

Қандай қилиб-а, эй мусулмонлар?! Бу америкалик салибчилар ҳатто «сунъий тартибсизлик»лар¹  келтириб чиқариш билан биздан ўн минглабимизни ёқиб ташласа ҳам, ҳатто Америка урушига минглаб аскар ва зобитларимизни ёқилғи қилиб юборишса ҳам биздан ҳаргиз рози бўлишмайди, бизни заррача ҳурмат қилишмайди. Раҳмсиз золим хўжайинига ўзини қул сифатида бахш этган Бажва сингари ҳукмдорларга яна қанча тоқат қила оламиз?

Эй Покистондаги мусулмонлар, хусусан, қуролли кучларимиз!

Ҳизб ут-Таҳрир-Покистон вилояти барчангизга савол беради: Бажва бундай позицияси билан кимларни ўзида тамсил этяпти?! Душманларимиз билан иттифоқчи бўлиш билан бизни шунча таҳқирласа бўлаверади, деб ўйлаяпти, шундайми?! Йўқ, ундай эмас, биз қалблари Аллоҳ Азза ва Жалла ва Росули САВга бўлган муҳаббат билан тўла ҳурмат-шарафга эга мард қуролли кучлармиз, юрагида олови ва Ислом мероси бор шижоатли халқмиз ва у билан фахрланамиз. Чунки бу мерос рошид Халифалик замонидан бошлаб, то Ҳинд ярим оролига Ислом ҳукмронлик қилган пайтда ҳам, шунингдек 1947 йили августда Ислом номи билан давлат барпо қилиш мақсадида, катта қурбонликлар бериб, Британия мустамлакасига қарши жанг қилинганда ҳам мавжуд бўлган. Биз Америка босқинчилиги остида ҳаргиз хотиржам бўла олмаймиз ва биз Аллоҳнинг калимасини олий қилиш йўлида шаҳид бўлишни йўқотиш, дея ҳисобламайдиган мард, чиниққан қуролли кучлармиз.

Биз ҳурмат-иззатга эга қуролли кучлармиз, уйғониш омиллари мавжуд халқмиз, Пайғамбарлик минҳожи асосидаги рошид Халифалик учун марказлашиш нуқтаси бўлишга тайёр юртмиз. Зотан, Ислом билан ҳукм юритиб, бутун Умматни қайта бирлаштирадиган бу Халифалик давлати бутун мазлум дунё интиқлик билан кутаётган ва излаётган рошид одил етакчиликдир. Аллоҳ Таоло бундай деган:

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ

«Сизлар одамлар учун чиқарилган умматларнинг энг яхшиси бўлдингиз. Зеро сиз маъруфга буюриб, мункардан қайтарасиз ва Аллоҳга имон келтирасиз. Агар аҳли китоб ҳам имон келтирганда эди, ўзлари учун яхши бўларди. Улардан мўминлари ҳам бор ва (лекин) уларнинг кўплари итоатсиз кимсалардир»  [Оли Имрон 110]

Шундай экан, ушбу Пайғамбарлик минҳожи асосидаги рошид Халифалик давлатини барпо этмасдан, қачонгача уни кутиб ўтирамиз?!

Эй Покистон қуролли кучлари сафидаги мусулмонлар!

Мустамлакачилар билан етмиш йилдан бери давом этиб келаётган бу иттифоқ бизга хорликдан ўзга ҳеч нарса келтирмаслигини исботлади. Сўнгги ўн олти йил мобайнидаги юртимиз беқарорлигига ҳарбий қўмондонлар сабаб бўлди. Чунки улар хавфсизликни таъминлашга эмас, ўзларининг бекаму-кўст нафақага чиқишларини кафолатлашга ҳаракат қилишди… Сизнинг заковатингиздан, ҳарбий ҳаво кучларимиздан, ҳаво йўлларимиздан америкаликлар манфаати ва мудофааси йўлида фойдаланишди. Дарҳақиқат, куни кеча Киёний ва Раҳил сизнинг кучингизни Қабилалар минтақасида салибчиларни ҳимоя қилишга сарфлашганди. Ваҳоланки, бу қўрқоқ салибчилар, агар ёлғиз ташлаб қўйиладиган бўлса, Британия ва ундан олдинги Совет Иттифоқи империялари каби йўқ бўлиб кетишлари муқаррар. Бугун эса, Бажва сизнинг кучингиздан хиёнаткор америкаликлар билан иттифоқчи бўлишда фойдаланяпти, Афғонистон Толибонини музокара қопқонига илинтириш ниятида Американинг диёрингиз остоналарига жойлашишига имкон беряпти.

Бундай разил қўмондонликнинг қалби тавҳид калимаси билан йўғрилган ва қиёмат кунига имон келтирган бир қуролли кучларни бошқаришини қандай тушунса бўлади. Зотан, Аллоҳ Таоло у кун ҳақида бундай деган:

يَوْمَ لَا يَنفَعُ مَالٌ وَلَا بَنُونَ* إِلَّا مَنْ أَتَى اللَّهَ بِقَلْبٍ سَلِيمٍ

«У кунда на молу-давлат ва на бола-чақа фойда бермас.  Фақат Аллоҳ ҳузурига тоза дил билан келган кишиларгагина (фойда берур)»                 [Шуаро 88-89]

Бу номард қўмондонларингиз оёқ-қўлларингизга солган кишанларни парчалашингиз учун яна қанча вақт керак?! Биз сизни Пайғамбарлик минҳожи асосидаги рошид Халифаликни қайта барпо этиш учун дарҳол Ҳизб ут-Таҳрирга нусрат-ёрдам беришга, бу билан само аҳлининг ҳам, ер аҳли бўлмиш ушбу мард Умматнинг ҳам розилигига ноил бўлишингизга даъват қиламиз.

¹ 2005 йил АҚШ ташқи ишлар вазираси Кандализа Райс «Вашингтон пост» гезетасига берган интервьюсида Қўшма Штатларнинг араб дунёсига демократия ёйиш ниятида эканини, бунинг учун АҚШ маъмурияти томонидан Ўрта Шарқда «сунъий тартибсизлик»лар келтириб чиқариб, «Янги Ўрта Шарқ» тузиш лозим бўлаётганини маълум қилди.

Ҳизб ут-Таҳрир                                                             3 зул-ҳижжа 1438ҳ

Покистон вилояти                                                            5 сентябр 2017м