Матбуот баёноти

Битирувчиларнинг юк машиналарида сайр қилиши борасидаги муҳокамалар даниялик сиёсатчилар ва оммавий ахборот воситаларида Исломни ёмон кўриш нақадар илдиз отганини фош қилмоқда

Мусулмонлар ижтимоий тармоқларда бу йилги битирувчиларни табриклаб, шу билан бирга юк машиналарида ўтказилган, бироқ спиртли ичимликлар ва ғайриахлоқий хатти-ҳаракатлар билан булғанган битирув сайрлари ҳақида исломий нуқтаи назарни баён қилдилар. Аммо айнан шу баёнотлар ўтган ҳафта оммавий ахборот воситалари ва сиёсий доираларда кенг кўламли шов-шувларга сабаб бўлди.

Мусулмонларнинг оқилона ва мулоҳазали тарзда билдирган ушбу исломий эслатмалари маҳаллий оммавий ахборот воситалари ва Кристианбор (мамлакат ҳокимияти саройи)даги турли сиёсий оқим вакиллари орасида катта шов-шув пайдо қилди. Улар Исломга нисбатан чуқур нафратларидан келиб чиқиб, айрим мусулмонларга, жумладан, Ҳизб ут-Таҳрирнинг Даниядаги бир аъзосига нисбатан шахсий ҳужумлар уюштиришди. Ҳолбуки, масала фақат исломий қадриятларни баён қилиш ва мусулмонларни уларга фахр билан амал қилишга чорлашдан иборат эди, холос. Аммо айрим инсонийликдан маҳрум журналист ва сиёсатчилар мусулмонларнинг овозини ўчириш учун уларнинг касбий ҳаётини ҳам бу масалага тортишга уринишди.

Ҳукумат вакили қиёфасига кириб олган мутахассислар ҳамда аллақачон қадрият ва ҳалолликдан маҳрум эканини намоён қилган профессионал сиёсатчилар бирлашиб, ўз исломий қадриятларини ташлашни ёки улар ҳақида сукут сақлашни рад этувчи мусулмонларни ёмон ва хатарли деб кўрсатишга ҳаракат қилишди. Қолаверса, салбий ижтимоий назорат, қўрқув ва четлатиш ҳақидаги одатий стереотиплар ҳеч қандай чекловсиз кенг тарғиб қилинмоқда. Ижтимоий Демократлар партиясидан интеграция вазири Кар Дипвад Бек 2025 йил 2 июл куни «BT» телеканалига берган умуман оқилона бўлмаган интервьюсида, Дания ёшлари орасида очиқ-ойдин муаммога айланган ичкиликбозлик маданиятини «бизнинг маданиятимизнинг бир қисми» деб атади ҳамда киши буни муаммо деб билиш ўрнига, яхшиси унга рози бўлиши кераклигини таъкидлади. У «Ичкилик маданиятини рад этиш даҳшатли бўлиб, уни рад этган инсон қандай қилиб Дания жамиятининг бир қисми бўлиши мумкин, буни тасаввур қилиш қийин», деди.

Шундан сўнг, Мўътадиллар партияси вакили, аввалда кокаин таъсирида машина ҳайдаган маданият вазири Якоб Ингел Шмидт ҳам ўз фикрини билдирди. У ўзини мусулмонлар нималарга ишониши кераклигини белгилайдиган «ахлоқий юрист» сифатида намоён қилиб, мусулмонлар айнан шундай ишончга эга бўлгандагина Данияда қабул қилинишлари мумкинлигини айтди.

Кишида табиий савол туғилади: Хўш, Дания 637 кун давомида Фаластинда амалга оширилган геноцидни қўллаб-қувватлаган вақтда шунча катта сиёсий ғазабланишлар қаерда қолди?! Геноцидни қўллаб-қувватлаган оммавий ахборот воситалари ва сиёсатчилар мусулмонларга «қадриятлар» ҳақида дарс ўтишга уринганларида, ўзларини қайси ахлоқий асосга кўра бунга ҳақли деб ҳисоблашяпти?! Одатда бу мамлакатда қачон мусулмонлар ҳақ сўзни гапирса, доимо оғиз кўпиртириб гапириладиган «сўз эркинлиги» умуман топилмай қолади.

Мусулмон ёшларга айтар сўзимиз шуки, биз барчангизни қалбдан самимий табриклаймиз! Сиз нуфуз эгалари ва қалбида адовати бор расмийлар томонидан шунча босимлар қилинганига қарамай, ўз исломий қадриятларингизни маҳкам ушладингиз ва таҳдиду қўрқитишларни қатъий рад этдингиз. Сизнинг ушбу мустаҳкам позициянгиз атрофингиздаги ёшлар учун ибрат бўлди. Сиз ҳақиқий қадриятларга ва шахсий покликка эга ёшлар сифатида ёрқин намуна бўлдингиз. Бу қадрият ва поклик эса ҳар қандай аттестат ёки дипломдан анча муҳим. Исломий шахсиятингизни йўқ қилишга интилувчи кимсалар эса ҳатто одоб-ахлоқ ва инсонийликнинг энг оддий меъёрларидан ҳам маҳрумдирлар. Сизни ёмон отлиқ қилишга уринган пайтларида сиз ҳеч қачон тушкунликка тушманг. Жамият ҳаётида фаол қатнашинг ва ҳар бир сўзингиз ва амалингиз орқали Исломни шараф билан кўтариб чиқинг. Чунки бу – нафрат ва ёлғонларга қарши энг самарали чорадир. Сизни ҳақорат қилишга ёки таҳдид билан оғдиришга уринишса, ғамгин бўлманг! Аслида улар ўзлари даъво қилган «эркинлик»ни ўз қўллари билан ўлдирмоқдалар ва ўз тизимларининг асоссиз ва заиф эканини ўзлари фош қилмоқдалар. Шуни билингки, муваффақият уларнинг қўлида эмас, балки фақат Аллоҳ таолонинг қўлидадир, У доимо сиз билан биргадир. Сиз фахрланишга тўлиқ ҳақлисиз, чунки сиз бутун Ислом Умматининг ифтихорисиз.

Ҳизб ут-Таҳрирнинг Даниядаги матбуот бўлими